Віцяблян будуць судзіць за паклёп на пракурора Раманоўскага – у закрытым паседжаньні
Жыхары Віцебску Ігар Пастноў і Рафаэль Кірылаў-Шмільхольдхард атрымалі пастановы аб прызначэньні судовага разбору па крымінальнай справе, распачатай супраць іх за паклёп на пракурора гораду Віцебску Юрыя Раманоўскага (ч.2 арт. 188 КК РБ). Судовы працэс пачнецца 22 красавіка ў судзе Кастрычніцкага раёну Віцебску і пройдзе ў закрытым рэжыме.
Павал Левінаў пазбавіў прэміі віцебскага судзьдзю Белавуса?..
Праваабаронца Павал Левінаў прасіў Вярхоўны суд разгледзець пытаньне аб прафэсійнай прыдатнасьці віцебскага судзьдзі Ільлі Белавуса (суд Кастрычніцкага раёну), які нарабіў шмат памылак і хібаў у адной з пастановаў па адміністрацыйнай справе. Віцебскі аблсуд паабяцаў, што парушэньні судзьдзі адаб’юцца ня ягонай прэміі.
“Усё па шаблёну”. Трох віцяблян аштрафавалі на 102 рублі кожнага за фота на Дзень Волі
У судзе Кастрычніцкага раёну Віцебску 11 красавіка разглядаліся адміністрацыйныя справы ў дачыненьні Міколы Качурца і братоў Уладзімера і Яраслава Кійко. Тры розныя судзьдзі сінхронна пакаралі кожнага з актывістаў штрафам у памеры 4 базавых велічыняў – за фатаграфаваньне зь бел-чырвона-белымі сьцягамі.
Віцебскі міліцыянт Жук назваў у судзе бел-чырвона-белы сьцяг “анучай”
Супрацоўнік Кастрычніцкага РАУС Віцебску Дзьмітрый Жук назваў у судзе канфіскаваны летась у Міколы Качурца бел-чырвона-белы сьцяг анучай, якая каштуе ня больш за 4,75 рублі. Гэтую суму Кастрычніцкі РАУС згодны заплаціць Качурцу ў якасьці кампэнсацыі за зьнішчаную маёмасьць. Актывіст патрабуе ў 10 разоў больш.
Віцяблянін паспрабуе спагнаць зь міліцыі грошы за сьцяг, зьнішчаны на БНР-100
У чацьвер 11 красавіка віцебскага актывіста Міколу Качурца будуць судзіць за сьцяг на Дзень Волі – 2019, а напярэдадні, 10 красавіка, суд Першамайскага раёну Віцебску разгледзіць ягоны пазоў да міліцыі аб кампэнсацыі шкоды за зьнішчаны сьцяг на Дзень Волі ў 2018 годзе.
Яшчэ адзін пратакол за БНР-101 у Віцебску. У міліцыю выклікалі Міколу Качурца - абноўлена
Віцяблянін Мікола Качурэц атрымаў 2 красавіка позву з Кастрычніцкага РАУС Віцебску. Яму паведамілі, што ў яго дачыненьні вядзецца адміністрацыйны працэс паводле арт. 23.34 КаАП РБ.
“Вы парушаеце мае правы!” “Дармаед” паскардзіўся ў Віцебскі гарвыканкам – адказ
Віцяблянін Сяргей Палінаў паскардзіўся ў Віцебскі гарвыканкам на тое, што ягоныя дадзеныя патрапілі ў “базу дармаедаў”. Ён мяркуе, што гэтым самым улады парушаюць ягонае права на свабоду выбару заняткаў і права не падвяргацца прымусовай працы і дыскрымінацыі. Што адказаў гарвыканкам?
Дзяржава вяртае Качурцу 735 рублёў штрафу за пікет на #БНР100 ў Віцебску
На Дзень Волі - 2018 Мікола Качурэц узьняў ля помніку Альгерду ў Віцебску бел-чырвона-белы сьцяг, быў затрыманы і аштрафаваны судом Кастрычніцкага раёну на 30 б.в. (23.4 КаАП і 23.34 КаАП). А 4 лютага 2019 году віцяблянін атрымаў копію пастановы аб скасаваньні справы і касавы чэк – для вяртаньня грошаў, сплочаных за штраф.
Споведзь віцебскага “дармаеда”-будаўніка: Гэта яны мне павінны плаціць, а ня я ім!..
Віцяблянін Сяргей больш за 15 гадоў працуе ў Маскве аддзелачнікам. Вярнуўшыся па асабістых справах у Віцебск, знайшоў у паштовай скрыні “ліст шчасьця” з так званай камісіі па спрыяньні занятасьці насельніцтва Кастрычніцкага раёну. Гэтая папера справакавала 48-гадовага мужчыну на доўгі і часам нецэнзурны маналёг. Падаем вытрымкі (адцэнзуравана).
У Віцебску зноў галадае прадпрымальнік Анар Іваноў – патрабуе адмены дзяржрэгістрацыі памяшканьня
Віцебскі прадпрымальнік і ўладальнік цырульні “Ірыс” Анар Іваноў апавясьціў 19 лістапада гарадзкія ўлады аб пачатку галадоўкі. Ён хоча дамагчыся адмены дзяржрэгістрацыі памяшканьня, якое арандуе для свайго бізнэсу цягам апошніх 20 гадоў. Іваноў мяркуе, што рэгістрацыя, якая адбылася ў 2011 годзе, была незаконнай і прайшла з выкарыстаньнем карупцыйных схем.