Падчас перадкаляднай прэс-канфэрэнцыі, якая прайшла 14 сьнежня ў катэдральным касьцёле Езуса Міласэрнага ў Віцебску, журналісты закранулі тэму хрысьціянскай салідарнасьці. Гаворка вялася пра лепельскіх баптыстаў, якія апошнім часам падвяргаюцца моцнаму перасьледу з боку мясцовых уладаў. Біскуп паабяцаў малітоўную падтрымку.

У Вераб’ёвым лесе пад Хайсамі (Віцебскі раён) 9 сьнежня былі асьвечаныя крыжы, усталяваныя ў памяць бязьвінных ахвяраў, расстраляных на гэтым месцы ў 1937-1941 гадах катамі НКВД. Крыжы асьвяціў пробашч віцебскай парафіі сьвятога Антонія ксёндз Вячаслаў Барок.

Для ўніятаў Полацку і звычайных месьцічаў стала ўжо завядзёнкай адзначаць Восеньскія Дзяды малітвай ля крыжа, пастаўленага ва ўшанаваньне ахвяраў сталінізму. Але сёлета людзей, што прыйшлі з кветкамі і зьнічкамі на могілкі ў Бельчыцах, на ўскрайку якіх усталяваны памятны крыж, ужо чакалі: побач стаяў цывільны аўтамабіль зь невядомымі ўнутры.

27 Тышрэя 5778 году паводле габрэйскага календара (або 17 кастрычніка 2017 году паводле грэгарыянскага) у гістарычным цэнтры Віцебску прайшла цырымонія адкрыцьця новай сынагогі, якая атрымала назву «Шацёр Давіда».

«Гэта адбылося яшчэ ў ліпені, – распавяла старшая памочніца пракурора гораду Віцебску Вольга Каралёва. – Пасьля таго, як хлопчык адмовіўся маліцца, маці схапіла яго за галаву, ударыла аб драўляную парту, потым біла па галаве кнігай і шкляным слоікам. Затым маці паваліла дзіця на падлогу, села на яго, абхапіла за шыю і пачала душыць, пагражаючы забойствам».