Праграма мер па выкананьні пагадненьня аб супрацоўніцтве паміж Рэспублікай Беларусь і Беларускай праваслаўнай царквой у Віцебскай вобласьці на 2016 – 2020 гады была падпісаная ў аблвыканкаме 31 жніўня.

Дэлегацыя юдэйскіх сьвятароў змагла дабрацца ўвечары 22 жніўня да беларускага гораду Лёзна. У райцэнтар прыбылі прыкладна 500 рабінаў з 30 краін Эўропы. Раней супрацоўнікі памежнага ўпраўленьня ФСБ Расеі па Смаленскай вобласьці не прапусьцілі дэлегацыю ў Беларусь.

Паводле інфармацыі прэс-службы Фэдэрацыі габрэйскіх грамадаў Расеі, каля 500 юдэйскіх сьвяшчэньнікаў прыедуць 21 жніўня ў Маскву і пабываюць у наступныя дні ў Смаленску, Любавічах (Смаленская вобласьць), Лёзьне і Лядах (Беларусь), а таксама ў Алматы, паведамляе партал «Інтэрфакс-Рэлігія».

У перадпачатку «Славянскага базару» вернікі віцебскай Эвангеліцка-Лютэранскай парафіі Сьвятога Лукаша ўнесьлі сваю лепту ў добраўпарадкаваньне гораду над Дзьвіной. Яны зладзілі талаку, каб абнавіць закладны камень царкоўнага будынку. Талака завяршылася кароткім набажэнствам пад адкрытым небам, прыканцы якога ўсе разам памаліліся за Беларусь, прасьпяваўшы вядомы гімн «Магутны Божа».

У Наваполацку 20 красавіка адбылася сустрэча грамадзянскіх актывістаў, якія аказваюць бязвыплатныя сацыяльныя паслугі жыхарам полацкага рэгіёну. Ініцыятарам сустрэчы сталі Супольнасьць хрысьціянскіх журналістаў і блогераў, РА «Хрысьціянская дзелавая ініцыятыва».