Увечары 8 сакавіка двое міліцыянтаў з крымінальна-выканаўчай інспекцыі прыйшлі  да маці  віцебскага журналіста Вячаслава Лазарава.  Але прыйшлі не з віншаваннямі. Жанчыну пачалі распытваць, дзе знаходзіцца яе сын,  вызвалены з маглёўскай калоніі 13 верасня  мінулага года  ў ліку 52  вязняў, якіх выпусцілі з-за кратаў  у выніку перамоў урада ЗША з рэжымам Лукашэнкі. Лазарава вывезлі ў Літву, але працягваюць шукаць у Віцебску.

Апошнія допісы Ціны Палынскай у сацыяльных сетках датаваныя 19 траўня мінулага года. Падобна, што ў той самы дзень жанчын  затрымалі: пасля гэтага знаёмыя звярнулі ўвагу на тое, што з ёй і яе старэйшай дачкой знікла сувязь. Затрыманне адбылося ў Полацку, Ціну Палынскую і  Маргарыту Рабіновіч да сада трымалі  ў віцебскім СІЗА-2.

Павел Севярынец распавёў пра катаванні за кратамі. Экс-палітзняволены, вызвалены 13 снежня 2025 г. і прымусова дэпартаваны з Беларусі, напісаў  у Фэйсбуку: "З Мікалаем Статкевічам ня "здарыўся інсульт". Мікалая Статкевіча давялі да інсульта". І прыгадаў выпадак з уласнага турэмнага досведу, калі лекары на Акрэсціна "чакалі", пакуль у яго забаляць суставы.

Aбвесткі  пра продаж з аўкцыёну дзвюх доляў у садовым доміку ў СТ «Хімік-1» каля  Наваполацка з’явіліся на сайце «БелЮрЗабеспячэння» ў жніўні мінулага году. Поводле інфармацыі на сайце гандлёвай пляцоўкі, адна палова  пабудовы належыць актывісту Андрэю Зуеву, другая - ягонай жонцы Таццяне. У 2024 годзе  Андрэй Зуеў быў завочна асуджаны да 7 з паловай гадоў зняволення ў калоніі ва ўмовах узмоцненага рэжыму  і да вялікіх матэрыяльных выплат. Зараз ён жыве ў вымушанай эміграцыі.