Жыцьцю палітвязьня Жамчужнага ў горацкай калёніі пагражае небясьпека
Праваабаронцам стала вядома аб зьбіцьці палітвязьня, заснавальніка праваабарончай арганізацыі «Платформ Інавэйшан» Міхаіла Жамчужнага ў горацкай папраўчай калёніі №9. 24 студзеня ахова пакінула мужчыну без нагляду ў калідоры санчасткі, дзе яго жорстка зьбіў іншы асуджаны.
Cуд ня ўгледзеў пагрозы жыцьцю палітвязьня Жамчужнага
Калегія Магілёўскага абласнога суду палічыла абгрунтаваным накладаньне на палітвязьня Міхаіла Жамчужнага спагнаньня за ягоную адмову пераходзіць у атрад, дзе, як сьцьвярджае асуджаны, існуе небясьпека яго жыцьцю і здароўю. За парушэньне рэжыму адміністрацыя Горацкай папраўчай калёніі № 9 пакарала асуджанага 5 суткамі штрафнога ізалятару.
Міхаіл Жамчужны на месяц зьмешчаны ў ПКТ
Палітвязень Міхаіл Жамчужны, ліставаньне зь якім адсутнічала некалькі месяцаў, нарэшце атрымаў магчымасьць пісаць лісты сваім калегам, сябрам, паплечнікам і праваабаронцам. Зь ліста, які атрымала праваабаронца Тацяна Равяка, стала вядома, што Міхаіл Жамчужны з 6 студзеня адпраўлены на адзін месяц у памяшканьне камэрнага тыпу (ПКТ).
Палітвязень Міхаіл Жамчужны адбыў 11-е пакараньне ў штрафным ізалятары
Як стала вядома Праваабарончаму цэнтру “Вясна”, 16 лістапада скончыўся 5-сутачны тэрмін зьмяшчэньня ў ШЫЗА палітвязьня Міхаіла Жамчужнага. Гэта ўжо 11-е спагнаньне, якое асуджаны атрымаў з пачатку жніўня бягучага году ад адміністрацыі калёніі №9 (г. Горкі). Імаверна, зараз будзе вынесенае чарговае.
Палітвязень Жамчужны: альбо ў «крытку», альбо ў ШЫЗА
На пачатку кастрычніка скончыўся месячны тэрмін знаходжаньня палітвязьня ў памяшканьні камэрнага тыпу (ПКТ, або «крытка»). І ён ня ведае, дзе будзе далей адбываць прызначаныя судом шэсьць з паловай гадоў зьняволеньня, зь якіх ён адседзеў ужо амаль палову.