Галоўнае ўпраўленьне юстыцыі Віцебскага аблвыканкаму адмовілася зарэгістраваць гісторыка-асьветніцкае грамадзкае аб’яднаньне “Хайсы”. Падставай для адмовы сталі шматлікія, паводле ацэнкі чыноўнікаў, парушэньні, якія дапусьцілі заяўнікі пры афармленьні рэгістрацыйных дакумэнтаў.

На даручэньне кіраўніцтва Палаты прадстаўнікоў Нацыянальнага сходу Рэспублікі Беларусь пастаянная камісія ПП па працы і сацыяльных пытаньнях разгледзела прапанову віцебскага праваабаронцы Леаніда Сьвеціка аб правядзеньні парлямэнцкіх слуханьняў наконт дэкрэту пра «дармаедаў». Вынікам гэтага разгляду стала адмова парлямэнту правесьці прапанаваныя слуханьні.

Апублікавана ў Праваабаронцы

«Дзеяньні вашы слушна кваліфікаваныя паводле ч. 1 арт. 23.34 КаАП... Падставаў да адмены, зьмены пастановаў ня маецца», – такую выснову зрабіў старшыня абласнога суду Мікалай Хамічонак, разгледзеўшы наглядную скаргу праваабаронцы Леаніда Сьвеціка, пакаранага 15-цю суткамі адміністрацыйнага арышту за ўдзел у мерапрыемствах, што прайшлі ў Віцебску 25 і 26 сакавіка.

Апублікавана ў Праваабаронцы

Сёлета ў чэрвені грамадзкасьці стала вядома, што віцебскія гарадзкія ўлады ўнесьлі зьмены ў сумнавядомае рашэньне гарвыканкаму ад 10 ліпеня 2009 году № 881 «Аб масавых мерапрыемствах у горадзе Віцебску». Аднак на паверку выявілася, што зьмены аказаліся чыста фармальнымі і не зьмянілі да лепшага становішча з магчымасьцю ладзіць масавыя мерапрыемствы ў Віцебску.

Апублікавана ў Мірныя сходы

Натхніўшыся ідэяй праваабаронцы Паўла Левінава, які пайшоў сядзець ў ізалятар часовага ўтрыманьня Віцебску з дакумэнтам ад БХК пра тое, што падчас адседкі ён будзе рабіць маніторынг умоваў ўтрыманьня ў ізалятары, «Віцебская вясна» вырашыла зрабіць уласны маніторынг. Балазе пасьля масавых арыштаў актывістаў увесну спэцыяльна сядаць на «суткі» для гэтага ня трэба.

Апублікавана ў Пэнітэнцыярная сыстэма

20 траўня адбылося чарговае паседжаньне міжпартыйнага клюбу жаночага лідэрства Віцебшчыны. Пэнітэнцыярная сыстэма Беларусі, умовы ўтрыманьня, як сябе паводзіць, калі затрымалі – пра гэта распавёў слухачам праваабаронца Леанід Сьвецік.

Апублікавана ў Пэнітэнцыярная сыстэма

У сакавіку 2017 году віцебская кааліцыя праваабарончых арганізацыяў і ініцыятываў завяршыла мерапрыемствы па стратэгічным плянаваньні сваёй дзейнасьці да 2020 году. Праваабаронцы распрацавалі і прынялі ў якасьці кіравальнага дакумэнту Стратэгічны плян дзеяньняў і разьвіцьця праваабарончага сэктару Віцебскай вобласьці.

Апублікавана ў Праваабаронцы

У панядзелак сябры і калегі сустрэлі праваабаронцу Леаніда Сьвеціка і журналіста Кастуся Мардзьвінцава ля дзьвярэй ізалятара часовага ўтрыманьня. Абодвух затрымалі 26 сакавіка на плошчы Перамогі, абвінавацілі ва ўдзеле ў несанкцыянаваным мерапрыемстве і неадэкватна жорстка пакаралі.

Інцыдэнт здарыўся 27 сакавіка ў Кастрычніцкім райсудзе Віцебску, дзе судзьдзя Іна Грабоўская мусіла разьбіраць справу затрыманага напярэдадні журналіста Кастуся Мардзьвінцава. Перад пачаткам працэсу яна заявіла, што хоча праводзіць паседжаньне ў сваім габінэце, а таму нікога на разгляд ня пусьціць.

Апублікавана ў Суд

У панядзелак, 27 сакавіка, у Віцебску прайшлі судовыя працэсы над людзьмі, якія былі затрыманыя напярэдадні, 25 і 26 сакавіка, падчас масавых акцыяў, што праходзілі ў горадзе.