Віцебск: пачалася рэгістрацыя ініцыятыўных групаў
На чарговым паседжаньні Віцебскай гарадзкой выбарчай камісіі па выбарах гарадзкога Савету дэпутатаў, якое адбылося 5 сьнежня, было разгледжанае пытаньне рэгістрацыі ініцыятыўных групаў. Вынікам паседжаньня стала рэгістрацыя дзьвюх групаў грамадзян, якія маюць намер праз збор подпісаў зарэгістраваць свайго лідэра для яго ўдзелу ў выбарчай кампаніі ў якасьці кандыдата ў дэпутаты гарадзкога прадстаўнічага органа ўлады.
Суд у Віцебску: У неўключэньні Паўла Левінава ў выбарчую камісію парушэньня закону няма
У пятніцу, 24 лістапада, суд Кастрычніцкага раёну Віцебску разгледзеў скаргу групы грамадзян наконт неўключэньня праваабаронцы Паўла Левінава ў склад гарадзкой выбарчай камісіі па выбарах дэпутатаў у гарсавет. У выніку судовага разбору скарга не была задаволеная, перагляду рашэньня гарадзкіх уладаў ня будзе.
Віцебск: Гарадзкая выбарчая камісія сфармаваная
22 лістапада на сумесным паседжаньні Віцебскага гарадзкога выканаўчага камітэту і прэзыдыюму гарадзкога Савету дэпутатаў было разгледжанае пытаньне ўтварэньня Віцебскай гарадзкой выбарчай камісіі па выбарах дэпутатаў мясцовых Саветаў дэпутатаў 28-га скліканьня. У выніку камісія ў складзе 13-ці чалавек была ўтвораная.
У Віцебску абмеркавалі форум праваабаронцаў і паглядзелі дакумэнтальную стужку пра Паўла Левінава
У суботу 11 лістапада ў Віцебску адбылася сустрэча беларускіх праваабаронцаў, падчас якой актывісты падзяліліся думкамі наконт цяперашняга становішча з правамі чалавека ў краіне і абмеркавалі вынікі чацьвертага праваабарончага форуму.
Удзельнікі Беларускага праваабарончага форуму зь Віцебшчыны: Імпрэза цалкам апраўдала нашы чаканьні
IV Беларускі праваабарончы форум, што праходзіў у Вільні з 19 па 21 кастрычніка, адзначыўся ня толькі вялікім прадстаўніцтвам – на мерапрыемства зьехаліся сябры 29-ці праваабарончых арганізацыяў краіны, але і шырокім удзелам у ім прадстаўнікоў рэгіёнаў. Мы папрасілі ўдзельнікаў форуму зь Віцебскай вобласьці падзяляцца сваімі ўражаньнямі ад імпрэзы і распавесьці, чаго яны чакалі ад форуму і ці спраўдзіліся іх спадзяваньні.
У Віцебску расьсьледуецца крымінальная справа супраць актывіста Пятра Іванова
Віцебскі гарадзкі аддзел Сьледчага камітэту цягам ужо больш двух месяцаў расьсьледуе крымінальную справу, распачатую ў дачыненьні да грамадзянскага актывіста Пятра Іванова паводле арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). У выпадку ўстанаўленьня віны актывісту пагражае да 5 гадоў пазбаўленьня волі.
Актывісты ініцыятывы “Хайсы” атрымалі адмову ў рэгістрацыі грамадзкага аб’яднаньня
Галоўнае ўпраўленьне юстыцыі Віцебскага аблвыканкаму адмовілася зарэгістраваць гісторыка-асьветніцкае грамадзкае аб’яднаньне “Хайсы”. Падставай для адмовы сталі шматлікія, паводле ацэнкі чыноўнікаў, парушэньні, якія дапусьцілі заяўнікі пры афармленьні рэгістрацыйных дакумэнтаў.
Палата прадстаўнікоў адмовілася правесьці парлямэнцкія слуханьні наконт дэкрэту №3
На даручэньне кіраўніцтва Палаты прадстаўнікоў Нацыянальнага сходу Рэспублікі Беларусь пастаянная камісія ПП па працы і сацыяльных пытаньнях разгледзела прапанову віцебскага праваабаронцы Леаніда Сьвеціка аб правядзеньні парлямэнцкіх слуханьняў наконт дэкрэту пра «дармаедаў». Вынікам гэтага разгляду стала адмова парлямэнту правесьці прапанаваныя слуханьні.
Старшыня Віцебскага абласнога суду – праваабаронцу: Вас пакаралі справядліва!
«Дзеяньні вашы слушна кваліфікаваныя паводле ч. 1 арт. 23.34 КаАП... Падставаў да адмены, зьмены пастановаў ня маецца», – такую выснову зрабіў старшыня абласнога суду Мікалай Хамічонак, разгледзеўшы наглядную скаргу праваабаронцы Леаніда Сьвеціка, пакаранага 15-цю суткамі адміністрацыйнага арышту за ўдзел у мерапрыемствах, што прайшлі ў Віцебску 25 і 26 сакавіка.
Зьмены, якія нічога не зьмянілі
Сёлета ў чэрвені грамадзкасьці стала вядома, што віцебскія гарадзкія ўлады ўнесьлі зьмены ў сумнавядомае рашэньне гарвыканкаму ад 10 ліпеня 2009 году № 881 «Аб масавых мерапрыемствах у горадзе Віцебску». Аднак на паверку выявілася, што зьмены аказаліся чыста фармальнымі і не зьмянілі да лепшага становішча з магчымасьцю ладзіць масавыя мерапрыемствы ў Віцебску.