Тры суды за адзін дзень: Змітра Лупача аштрафавалі агулам на 3045 рублёў
25 лютага над глыбоцкім журналістам-фрылансерам Змітром Лупачом прайшлі адразу тры суды. У выніку за адзін дзень журналіст атрымаў штрафаў на 3045 рублёў (105 базавых велічынь). Лупача вінавацілі ў парушэнні Закона аб СМІ паводле ч. 2 арт. 22.9 КаАП (незаконны выраб і распаўсюд прадукцыі СМІ) за супрацу з тэлеканалам “Белсат”, паведамляе служба маніторынгу Беларускай асацыяцыі журналістаў.
Пастаўскі суд спыніў справу журналіста Змітра Лупача за сюжэт пра талерантнасць
18 лютага ў Пастаўскім раённым судзе прайшоў суд над журналістам-фрылансерам Змітром Лупачом. Суддзя Наталля Максімовіч адміністрацыйную справу, распачатую паводле ч.2 артыкулу 22.9 КаАП, спыніла ў сувязі са сканчэннем тэрміну накладання адміністрацыйнай адказнасці.
На 870 рублёў аштрафавалі распаўсюдніцу самвыдату ў Віцебску Таццяну Юхо
10 лютага ў судзе Чыгуначнага раёну Віцебску суддзя Алена Цыганкова, разгледзеўшы адміністрацыйную справу паводле арт. 22.9 КаАП у дачыненні да распаўсюдніцы незалежнай прэсы Таццяны Юхо, аштрафавала яе на 30 базавых велічынь. Як паведамляла «Віцебская вясна», грамадзянку затрымалі ў прыватным сектары Віцебску і абвінавацілі ў незаконным распаўсюдзе дайжэсту «Витебский вестник».
У Віцебску 10 лютага будуць судзіць распаўсюдніцу самвыдату
У жыхаркі Віцебску Таццяны Юхо міліцыя забрала 500 нумароў дайджэста «Витебский вестник», камп’ютарную аргтэхніку і аўтамабіль. Спадарыня Таццяна распавяла, што міліцыянты затрымалі яе ў прыватным сектары, завезлі ў РАУС Першамайскага раёна і некалькі гадзін распытвалі, адкуль у яе нумары «Витебского вестника», ці распаўсюджвае яна гэтае выданне, хто яго выпускае і раздрукоўвае, піша служба маніторынгу "Беларускай асацыяцыі журналістаў".
У Віцебску скасавалі адміністрацыйную справу супраць незалежнага журналіста
Рашэнне скасаваць справу, пачатую супраць журналіста-фрылансера Вячаслава Лазарава, прыняў суд Кастрычніцкага раёну. Паводле міліцэйскага пратакола, журналіст размясціў здымкі з акцыі мірнага пратэсту 4-га кастрычніка ў тэлеграм-канале «Белсата», тым самым парушыўшы парадак вырабу і размяшчэння прадукцыі СМІ», паведамляе Беларускае Радыё Рацыя.
Журналістку Алену Шабуню аштрафавалі на 945 рублёў за сюжэт для «Белсату»
17 лістапада суд Першамайскага раёну Віцебску разгледзеў справу аб адміністрацыйным правапарушэнні ў дачыненні да журналісткі-фрылансеркі Алены Шабуні. Віцяблянку абвінавацілі ў незаконным вырабе і распаўсюдзе прадукцыі СМІ (ч.2 арт.22.9 КаАП). Суддзя Вераніка Барысава прызнала Шабуню вінаватай і аштрафавала на 35 базавых велічынь.
Пасля трох сутак арышту з СІЗА выйшаў журналіст «Белсату» Зміцер Казакевіч
28 кастрычніка суд Першамайскага раёну Віцебску адправіў адміністрацыйныя пратаколы ў дачыненні да журналіста «Белсату» Змітра Казакевіча на дапрацоўку. Справа разглядалася ў анлайн-рэжыме праз Skype. Разбіраў яе суддзя Міхаіл Юрчанка. Казакевіч быў затрыманы 25 кастрычніка і 72 гадзіны да суду правёў у ІЧУ, які месціцца зараз у будынку СІЗА-2.
Суд адправіў справу журналіста «Белсату» Вячаслава Лазарава на дапрацоўку
Суд Кастрычніцкага раёну Віцебску 20 кастрычніка адправіў справу Вячаслава Лазарава, абвінавачанага ў незаконным вырабе і распаўсюдзе прадукцыі сродкаў масавай інфармацыі (ч.2 арт 22.9 КаАП), на дапрацоўку. Адміністрацыйную справу разбіраў суддзя Ілля Белавус.
Віцебскі абласны суд не задаволіў скаргу журналіста Зьмітра Лупача
22 траўня ў Віцебскі абласны суд разгледзеў касацыйную скаргу глыбоцкага журналіста-фрылянсэра Зьмітра Лупача на пастанову суду ніжэйшай інстанцыі. Скаргу разглядала судзьдзя Сьвятлана Іванова. У выніку яна пакінула пастанову Глыбоцкага суду бязь зьменаў, а скаргу без задавальненьня.
Журналіст Зьміцер Лупач пасьля арышту і суду трапіў у рэанімацыю
Журналіста з Глыбокага Зьмітра Лупача, якога пасьля суду забрала хуткая дапамога, паклалі ў рэанімацыю. 11 траўня судзьдзя Глыбоцкага суду Дзьмітрый Тарасевіч прысудзіў яму 10 сутак арышту і 45 базавых велічынь штрафу – за ўдзел у несанкцыянаваным мерапрыемстве (ч.1 арт. 23.34 КаАП) і за незаконны выраб і распаўсюд прадукцыі СМІ (ч.2 арт. 22.9), паведамляе «Белсат».