За распаўсюджванне «экстрэмізму» ў сацсетках ўлады арыштавалі жыхарку Наваполацка
Суддзя суда Наваполацка Зінаіда Балаболава 7 верасня за распаўсюджванне ў відэахостынгу і сацыяльнай сетцы інфармацыі «экстрэмісцкага» зместу пакарала арыштам на 15 сутак працаўніцу завода «Палімір» Алену Марцанюк.
Чаго нельга педафілу, тое можна хулігану?
У Полацку на прыпынку грамадскага транспарту па вуліцы Калініна незвярозы грамадзянін заляцаўся да малалетняй дзяўчынкі – спрабаваў абняць, лез цалавацца. На думку суддзі Яніны Марцулевіч, гэтым ён «выразіў непавагу да грамадскасці». Яна пакарала жыхара Полацка самым найменшым штрафам – 2 базавыя велічыні, прызнаўшы яго вінаватым у дробным хуліганстве паводле арт. 19.1 КаАП.
Супрацоўнікам «Нафтана», затрыманым падчас «хапуну» 17 кастрычніка, прысудзілі арышты
Стала вядома, што справы прынамсі трох затрыманых разбірала 18 кастрычніка «знакамітая» суддзя Наваполацкага гарадскога суда Зінаіда Балаболава. Напярэдадні некалькі чалавек трапілі пад міліцэйскі «хапун» проста на прахадной, допіс пра гэта 17 кастрычніка размясціў адзін з прыватных Тэлеграм-каналаў, які сочыць за навінамі «Нафтана». Колькасць затрыманых там не была ўказана, але на сённяшні дзень вядома прынамсі пра трох пакараных арыштамі.
За пікет і «экстрэмізм» улады аштрафавалі ксяндза з Новалукомля
Суддзя суда Чашніцкага раёна Ганна Смірнова 27 кастрычніка за распаўсюджванне “экстрэмізму” і правядзенне масавага мерапрыемства ў сацыяльнай сетцы пакарала штрафам у памеры 1850 рублёў ксяндза Мікалай Ліпскі, які служыць у касцёле Святой Марыі Магдалены ў Навалукомлі Чашніцкага раёна.
У Браславе гаварылі пра карупцыю і хабарніцтва
У Браслаўскай цэнтральнай раённай лякарні прайшоў так званы адзіны дзень інфармавання насельніцтва. Перад прысутнымі медыкамі выступіў намеснік пракурора Браслаўскага раёна Сяргей Гарбус і расказаў прысутным пра забеспячэнне законнасці і правапарадку на Браслаўшчыне.
Актывісты «Паліміра» паведамляюць пра рэпрэсіі пасля ўдзелу ў «чат-рулетцы»
У мясцовым Тэлеграм-канале з’явіўся допіс пра затрыманне 24 кастрычніка трох працаўнікоў цэха №201. Паводле інфармацыі ад службы аховы, дваіх затрымалі на працоўных месцах. Затрыманыя сталі чарговымі ахвярамі правакатараў у сэрвісе, вядомым як «чат-рулетка». Сабраўшыся разам, сябры вырашылі пазабавіцца і распачалі размовы, не ведаючы таго, што «на лініі» быў сумнавядомы Юрый Камар, які і раней выкарыстоўваў гэты чат для правакацый.
Як выглядаюць адрамантаваныя ФАПы ў Докшыцкім раёне?
Улады Докшыцкага раёна рапартуюць, што фельчарска-акушэрскія пункты і амбулаторыі раёна паступова мяняюць сваё аблічча ў лепшы бок. Але тым не менш яны яшчэ маюць пячное ацяпленне і нагадваюць вясковыя хаты. Паглядзіце, як яны выглядаюць у абноўленым выглядзе.
У Беластоку прайшла штомесячнай акцыі салідарнасці з палітвязнем Пачобутам
Журналіст і актывіст польскай меншасці ў Беларусі Анджэй Пачобут знаходзіцца пад вартай з 25 сакавіка 2021 года. 8 лютага гэтага года ён быў асуджаны на 8 гадоў пазбаўлення волі ў калоніі ўзмоцненага рэжыму. Пасля адмовы ў задавальненні скаргі на прысуд ён знаходзіцца ў калоніі ў Наваполацку. Стала вядома таго, што Анджэй Пачобут надалей не атрымлівае лекаў і па-ранейшаму знаходзіцца ў ізаляцыі. Пра гэта паведаміў у сераду падчас штомесячнай акцыі салідарнасці віцэ-старшыня Саюза палякаў Беларусі Марэк Занеўскі.
Колькасць дэпутатаў у парламенце ад Віцебскай вобласці застанецца ранейшай, а ў мясцовых Саветах стане менш
Віцебская вобласць захавае колькасны склад дэпутатаў у Палаце прадстаўнікоў Нацыянальнага сходу Беларусі восьмага склікання, а колькасць акруг на выбарах мясцовых Саветаў дэпутатаў у рэгіёне скароціцца. Афіцыйная аб'ява аб пачатку выбарчай кампаніі чакаецца ў сярэдзіне лістапада 2023 года.
Telegram-канал, блізкі да віцебскіх сілавікоў, расказаў гісторыю пра «пакаянне» мясцовага жыхара
У відэароліку, паказанаму на канале, распавядаецца пра мужчыну, твар якога зрабілі непазнавальным, каторы нібыта прыйшоў у пастарунак, бо «адчуваў за сабой грашок». Сустрэўшыся з міліцыянтамі, ён быццам бы пераканаўся, што «быў на кручку», але ўсё абышлося: з ім правялі прафілактычную гутарку і адпусцілі. «Калі вы былі актыўныя ў інтэрнэце, наведвалі мітынгі, то прыходзьце ў ГУБАЗ», -- раяць аўтары відэароліка. Гісторыя з «пакаяннем» найхутчэй пастановачная, а вось наступствы «пакаянняў» могуць быць непрадказальныя.