Пад слоганам «Розныя – роўныя» з 9 па 16 лістапада ў многіх гарадох Беларусі праходзіць тыдзень мерапрыемстваў супраць расізму і антысэмітызму. У Віцебску ў межах гэтай кампаніі 11 лістапада прайшла Жывая бібліятэка.

15 траўня ў арт-прасторы VZAP прайшоў сэмінар «Міграцыя на пальцах», праведзены Беларускай праваабарончай арганізацыяй Human constanta. Асноўнымі напрамкамі дзейнасьці арганізацыі зьяўляюцца супрацьдзеяньне дыскрымінацыі, правы і свабоды ў лічбавую эпоху, фундамэнтальныя правы ўцекачоў і мігрантаў. Менавіта дзякуючы сваёй працы з уцекачамі Human constanta атрымала найбольшую вядомасьць.

З імклівым разьвіцьцём сеткі інтэрнэт і кампутарных тэхналёгіяў пытаньні, зьвязаныя з інфармацыйнай бясьпекай, правам людзей на прыватнасьць і юрыдычнымі нормамі, што рэгулююць гэтую сфэру, становіцца ўсё больш актуальнымі. Менавіта гэтым праблемам і быў прысьвечаны трэнінг «Лікбез па лічбавых свабодах», які прайшоў у Віцебску.

Кожны грамадзянін нашай краіны можа паўдзельнічаць у вырашэньні праблемы ўцекачоў. Праблемы, якая яшчэ нядаўна здавалася для нас неактуальнай. Але глябалізацыя не пакідае ў баку і Беларусь.