Улады мяркуюць у 2018 годзе спагнаць з грамадзянаў 1,8 млн. рублёў штрафаў у гарадзкі бюджэт
Згодна з апублікаваным 30 студзеня рашэньнем Віцебскага гарсавету “Аб бюджэце горада Віцебска на 2018 год”, улады плянуюць папоўніць сёлета гарадзкі бюджэт за кошт штрафаў на суму 1 млн. 829 тысяч рублёў. Гэта больш за 920 тыс. даляраў.
Сядзельцы папраўчай калёніі «Віцьба-3» масава атруціліся бруднай вадою?
«Тэрміновая навіна... Сёньня мне патэлефанаваў Алан з ПК №3 (Віцебск). Алан знаходзіўся ў шпіталі з чацьвярга 4 дні, ён вярнуўся сёньня. Ён сказаў, што шмат вязьняў ужылі вельмі сур'ёзную атруту, бо вада ў калёніі забруджаная», – напісала 29 студзеня ў Фэйсбуку Магдалена Валінска, грамадзянская жонка грамадзяніна Вялікай Брытаніі Алана Сьміта, які ўтрымліваецца ў папраўчай калёніі № 3.
«У Беларусі не існуе абсалютнай манархіі»
Пра гэта паведаміў Андрэй Ляховіч – палітоляг і кіраўнік Цэнтру палітычнай адукацыі падчас сустрэчы, якая прайшла ў віцебскім «Эўрапейскім клюбе» 26 студзеня. Дыскусія была прысьвечаная пытаньням унутранай ды зьнешняй палітыкі і эканомікі Беларусі, а таксама стасункам краіны з Расеяй і Эўразьвязам.
Алена Янушкоўская: Хачу, каб людзі навучыліся аб’ядноўвацца і адстойваць свае правы
Па выніках першага этапу выбарчай кампаніі грамадзкая актывістка зь вёскі Суйкава Віцебскага раёну Алена Янушкоўская была зарэгістраваная кандыдатам у дэпутаты Віцебскага абласнога і Віцебскага раённага саветаў дэпутатаў. Хацела стаць яшчэ кандыдатам у дэпутаты роднага Заронаўскага сельскага савету, але не атрымалася.
Кожны дзень у Віцебскай вобласьці зьдзяйсьняецца карупцыйнае злачынства
Больш за 380 карупцыйных злачынстваў было выяўлена ў Віцебскай вобласьці за 2017 год. Такая лічба была агучаная на паседжаньні калегіі пракуратуры Віцебскай вобласьці з удзелам намесьніка генэральнага пракурора Аляксандра Дубава.
Невядомыя падпалілі машыну віцебскага відэаблогера, які расказваў пра парушэньні на СТА
Белы Volkswagen Passat CC загарэўся апоўначы 26 студзеня. Праз колькі дзён у сеціве зьявіліся зьвесткі, што машына належыць відэаблогеру Яўгену Куляшову – аўтару праекту пра выкрыцьцё парушэньняў на СТА.
Віцябчанка, апраўданая па справе пра хатнія роды, будзе патрабаваць кампэнсацыю за арышт
У Віцебскім абласным судзе 25 студзеня завяршыўся паўторны разгляд крымінальнай справы Вольгі Сьцяпанавай, раней асуджанай за сьмерць дзіцяці падчас хатніх родаў. Справа разглядалася ў закрытым рэжыме. Судзьдзя абласнога суду Галіна Бондал абвясьціла вырак, у якім Вольгу Сьцяпанаву прызналі невінаватай у сувязі з адсутнасьцю злачынства.
«Неваляшка арД» – майстэрня, дзе ствараюцца арыгінальныя рэчы
У віцебскім гандлёва-забаўляльным цэнтры «ТриО» адбылася прэзэнтацыя майстэрні па валеньні з воўны «Неваляшка арД». Імпрэза была зладжаная пры падтрымцы дабрачыннага грамадзкага аб'яднаньня «Сьвет бязь межаў» і Цэнтру разьвіцьця прадпрымальніцкай актыўнасьці маладых людзей з інваліднасьцю «Вузел».
Праваабаронцам стала вядома пра вынесены ў Віцебску сьмяротны вырак
Праваабаронца Павал Левінаў здабыў інфармацыю пра тое, што Віцебскім абласным судом 22 верасьня 2017 году быў вынесены сьмяротны прысуд. Ён набыў законную моц 6 кастрычніка 2017 году. Гэты прысуд не абскарджваўся і не апратэстоўваўся. Асуджаны па віцебскай справе зьмешчаны ў Сьледчы ізалятар № 1 Менску.
Адміністрацыйную справу Яна Дзяржаўцава накіравалі на новы разгляд
24 студзеня Віцебскі абласны суд разгледзеў скаргу кіраўніка грамадзкай ініцыятывы «Хайсы» Яна Дзяржаўцава на рашэньне суду Віцебскага раёну, які аштрафаваў яго за самавольнае пахаваньне парэшткаў ахвяраў сталінскага рэжыму. Касацыйную скаргу разглядала судзьдзя Сьвятлана Іванова.