Віцебскі актывіст і музыка Уладзімір Булаўскі асуджаны на 8 сутак
Вядомага віцебскага актывіста, музыку, былога каардынатара кампаніі «Будзьма!» у Віцебскай вобласці Уладзіміра Булаўскага прысудзілі 16 верасня да 8 сутак адміністрацыйнага арышту. Яго прызналі вінаватым у парушэнні заканадаўства аб масавых мерапрыемствах (арт. 23.34 КаАП) адразу па двух пратаколах. Актывіст знаходзіцца ў ізалятары часовага ўтрымання (ІЧУ).
У Віцебску судзілі анколага, музыку і спецназаўца. Працэсы 15 верасня
У Віцебску працягваюць судзіць удзельнікаў мірных маршаў пратэсту. 15 верасня адміністрацыйныя працэсы супраць пратэстоўцаў праходзілі ва ўсіх раённых судах гораду. Між тым, за кратамі ізалятару часовага ўтрымання (ІЧУ) знаходзяцца дзясяткі затрыманых у розныя дні паводле арт. 23.34 КаАП.
Пасьля трох содняў арышту выйшаў на волю Зьміцер Казакевіч. Справу вярнулі на дапрацоўку
14 верасьня ў судзе Першамайскага раёну Віцебску судзьдзя Міхаіл Юрчанка сваёй пастановай вярнуў справу журналіста “Белсату” Зьмітра Казакевіча ў Першамайскі РАЎС на дапрацоўку. Незалежны журналіст правёў за кратамі віцебскага ізілятару трое сутак.
Віцебскі музыка і прадпрымальнік Максім Жукаў выйшаў на волю
Максіма Жукава, які больш вядомы зараз у Віцебску як уладальнік сядзібы Адамава, 10 верасня вызвалілі з ізалятару часовага ўтрымання, куды ён трапіў 7 верасня па абвінавачанні ва ўдзеле ў несанкцыянаваным масавым мерапрыемстве. Судзілі Жукава толькі 10 верасня. Ён прызнаны вінаватым у правапарушэнні (арт. 23.34 КаАП) і пакараны арыштам на 3 сутак, якія ўжо адбыў.
Андрэй Кулакоў распавёў, калі зьявіцца трэці «жывемабіль». І ці зьявіцца?..
Бела-чырвоны Volkswagen Transporter T3 прадпрымальніка Андрэя Кулакова інакш як «Жывемабілем» ніхто ўжо і не называе – ён стаў адным з сымбаляў пратэставых акцый у Віцебску. 20 жніўня мікробус трапіў у аварыю і быў затрыманы. Праз два дні на зьмену яму зьявіўся брат-блізьнюк, але і яго супрацоўнікі ДАІ затрымалі ў другі раз для зьверкі VIN-нумару.
У Полацку судзяць за прагулкі па горадзе
Суд Полацкага раёну і гораду Полацку 8 верасня прысудзіў штраф у памеры 5 базавых велічынь Генадзю Бердзянёву. Гэтак палачаніна пакаралі за ўдзел у шэсці па горадзе 30 жніўня. Напярэдадні былі пакараныя яшчэ двое ўдзельнікаў гэтага шэсця.
Сутычка паміж пратэстоўцамі і міліцыянтамі ў Віцебску 6 верасня: відэа
У нядзелю 6 верасня падчас «Маршу еднасці» ў Віцебску адбылося некалькі жорсткіх сутычак паміж пратэстоўцамі і супрацоўнікамі МУС. Да бойкі дайшло на вуліцы Праўды, калі міліцыянты, якія суправаджалі маніфестантаў на аўтобусах, выхапілі з калоны некалькіх удзельнікаў шэсця. Віцябляне пачалі бараніць і адбіваць тых, каго затрымлівалі.
За фотасэсію на фоне аддзяленьня міліцыі – 540 рублёў штрафу
Віцяблянін Дзьмітрый Каралькоў сфатаграфаваўся 29 ліпеня на фоне будынку аддзяленьня ўнутраных спраў Кастрычніцкага раёна Віцебскуз бел-чырвона-белым сьцягам у руках, і за гэта быў аштрафаваны на 20 базавых велічынь. Суд адбыўся 4 верасьня.
У Віцебску судзяць мірных пратэстоўцаў: Янушкоўскай – 5 сутак, Філімонавай –1080 рублёў штрафу
3 верасьня ў судзе Кастрычніцкага раёну Віцебску судзьдзя Ільля Белавус за ўдзел у несанкцыянаваным мерапрыемстве пакараў віцебскую блогерку Алену Янушкоўскую адміністрацыйным арыштам на 5 содняў. Днём раней суд Першамайскага раёну за ўдзел у мірных шэсьцях аштрафаваў агулам на 40 базавых велічынь яшчэ адну актывістку – Тацяну Філімонаву.
Студэнты вэтакадэміі ў Віцебску сталі ў ланцуг салідарнасьці. Двух хлопцаў затрымалі
У Віцебску каля галоўнага корпусу акадэміі вэтэрынарнай мэдыцыны 2 верасьня студэнты зладзілі ланцуг салідарнасьці. У жывым ланцугу стаяла каля 30 навучэнцаў ВНУ. Неўзабаве пасьля пачатку акцыі маладых людзей разагнала міліцыя. Двух хлопцаў затрымалі, паведамляе TUT.BY.