На Віцебшчыне АГП рыхтуецца да ўдзелу ў мясцовых выбарах 2018 году
У Віцебску ў межах партыйнай школы прайшоў навучальны трэнінг для спікераў і чальцоў іх каманд. Гэта была ўжо другая сустрэча патэнцыйных кандыдатаў у дэпутаты з партыйнымі спэцыялістамі, адмыслова падрыхтаванымі для навучаньня сяброў партыі. Гэтым разам у якасьці выкладчыкаў выступілі гамельчукі Васіль Палякоў і Мікалай Новікаў.
У Паставах праходзіць акцыя «Любі і шануй жыцьцё!»
З 4 па 10 верасьня 2017 г. у Пастаўскім раёне праходзіць акцыя "Любі і шануй жыцьцё!", накіраваная на прэвэнцыю самагубстваў. У гэтыя дні ва ўстановах адукацыі, культуры, сацыяльнага забесьпячэньня раёну прыходзяць мерапрыемствы, прымеркаваныя да Сусьветнага Дня прадухіленьня самагубстваў.
Віцебскі раён: «Рускі салдат, ідзі дамоў!!!»
Вайсковыя вучэньні яшчэ не пачаліся, але ўжо выклікалі пратэставыя настроі сярод жыхароў розных куткоў краіны. Ня стаў выключэньнем і Віцебскі раён, дзе невядомыя прымацавалі некалькі расьцяжак антываеннага зьместу: «Рускі салдат, ідзі дамоў!!!» Надпісы адмыслова зробленыя па-расейску.
З габінэту сьледчага віцебскі лекар-праўдаруб трапіў на псыхіятрычную экспэртызу
4 верасьня старшы сьледчы трэцяга сьледчага аддзяленьня Віцебскага гарадзкога аддзелу Сьледчага камітэту Хрысьціна Казімірская выклікала па тэлефоне лекара-псыхіятра Ігара Пастнова на допыт у межах крымінальнай справы, распачатай паводле часткі 1 артыкулу 400 КК – «заведама фальшывы данос аб зьдзяйсьненьні злачынства». З габінэту сьледчага лекара-псыхіятра прымусова адправілі ў «Навінкі» для праходжаньня стацыянарнай псыхіятрычнай экспэртызы.
Саюз беларускіх пісьменьнікаў не запрасілі ў Полацак на сьвята беларускага пісьменства
У Полацку чакаюць дэлегацыі пісьменьнікаў, выдаўцоў, дзеячаў культуры з 12 краінаў. У аргкамітэт сьвята ўвайшлі чыноўнікі і старшыня праўладнага Саюзу пісьменьнікаў Беларусі Мікалай Чаргінец. А намесьнік старшыні Саюзу беларускіх пісьменьнікаў Усевалад Сьцебурака расказаў, што афіцыйнага запрашэньня на сьвята іхны альтэрнатыўны саюз не атрымліваў.
Суд над віцябчанкай, дзіця якой памерла падчас родаў, праходзіць у закрытым рэжыме
30 жніўня ў Чыгуначным судзе Віцебску распачаўся працэс над Вольгай Сьцяпанавай, якая страціла дзіця падчас родаў у хатніх умовах.
У Віцебскай вобласьці затрымалі чарговую партыю мігрантаў-нелегалаў
Гэтым разам здарэньне адбылося ў Пастаўскім раёне. 26 жніўня ўвечары недалёка ад мяжы зь Летувой былі затрыманыя 8 грамадзянаў Віетнаму, а таксама кіроўца-беларус, які іх перавозіў мікрааўтобусам Фольксваген.
Хлопцы зь Віцебску, якія абвінавацілі АМАП у зьбіцьці, аштрафаваныя
Хлопцы, якія абвінавацілі віцебскі АМАП у зьбіцьці, атрымалі штрафы ад 5 да 15 базавых велічынь. Такое рашэньне вынес 24 жніўня суд Першамайскага раёну абласнога цэнтру. Працэс па гэтай адміністратыўнай справе пад старшынствам судзьдзі Натальлі Караблінай ішоў зь перапынкамі з 8 жніўня, піша Tut.by.
Віцебскі актывіст «Гавары праўду»: Улады гатовыя да дыялёгу
23 жніўня прадстаўнікі Рэспубліканскага дасьледча-асьветніцкага грамадзкага аб'яднаньня «Гавары праўду» сустрэліся са старшынём Віцебскага гарвыканкаму Віктарам Нікалайкіым, а потым у той самы дзень правялі ўстаноўчы сход Віцебскага абласнога аддзяленьня арганізацыі.
У падтрымку змешчанай у СІЗА віцяблянкі, якая нараджала дома, стварылі пэтыцыю
Пэтыцыя створаная ад імя Ганны Палын, жыхаркі Менску. У ёй патрабуецца вызваліць з-пад варты і апраўдаць 31-гадовую Вольгу, ураджэнку Віцебску, якую 30 жніўня будуць судзіць паводле часткі 1 артыкулу 144 Крымінальнага кодэксу РБ (прычыненьне сьмерці па неасьцярожнасьці).