Старшыня камісіі па правох чалавека ПП НС: Беларусь рухаецца да адмены сьмяротнай кары
«Я мяркую, мы ўпэўнена, няхай мо' і марудна, ідзём да адмены сьмяротнага пакараньня», – заявіў падчас сустрэчы з актывістамі грамадзянскай супольнасьці, журналістамі, мясцовымі дэпутатамі Віцебску Андрэй Навумовіч, старшыня Сталай камісіі Палаты прадстаўнікоў Нацыянальнага сходу па правох чалавека, нацыянальных зносінах і сродках масавай інфармацыі.
Грамадзкае абмеркаваньне будаўніцтва Бешанковіцкай ГЭС скончылася – ніводнага водгуку
Грамадзкія абмеркаваньні справаздачы аб ацэнцы ўзьдзеяньня на навакольнае асяродзьдзе будаўніцтва Бешанковіцкай ГЭС праходзілі ў трох раёнах вобласьці – Віцебскім, Шумілінскім і Бешанковіцкім. У Віцебскім раёне абмеркаваньне доўжыліся ад 5 траўня да 3 чэрвеня. Арганізатары не атрымалі за месяц аніводнага водгуку ад насельніцтва.
Падвяла пошта? Прафсаюзны актывіст адсутнічаў падчас разгляду яго скаргі ў аблсудзе
Судзьдзя Сьвятлана Іванова зь Віцебскага абласнога суду палічыла справядлівым і законным прызначэньне штрафу ў 1470 рублёў прафсаюзнаму актывісту Віктару Стукаву. Такім чынам, набыла моц ранейшая пастанова полацкага судзьдзі Ўладзімера Лапко на падставе галаслоўнага абвінавачаньня. Спадар Віктар не прысутнічаў на судовым разглядзе яго скаргі ў Віцебску 30 траўня, бо ня быў апавешчаны пра дату суду.
Віцебскі журналіст скардзіцца на супрацоўнікаў міліцыі
Сябра Беларускай асацыяцыі журналістаў Уладзімер Лунёў зьвярнуўся ў абласное ўпраўленьне ўнутраных справаў і ў гарадзкую пракуратуру Віцебску са скаргай на дзеяньні супрацоўнікаў Кастрычніцкага РАУС. На ягоную думку, міліцыянты ўхіліліся ад абароны яго правоў і законных інтарэсаў, спыніўшы справу аб адміністрацыйным правапарушэньні ў дачыненьні да невядомых аўтараў паклёпніцкага відэа, разьмешчанага ў інтэрнэце.
“За жывы гук”. Ці трэба ў Беларусі забараніць выкананьне “пад фанэру”?
За месяц да адкрыцьця “Славянскага базару ў Віцебску” ў інтэрнэце зьявілася пэтыцыя “За жывы гук”. Яе аўтары заклікаюць унесьці зьмены ў заканадаўства Беларусі, каб забараніць выкарыстаньне “фанаграмаў гукавога запісу на ўсіх культурных мерапрыемствах падчас музычных выступаў”. “Выступаюць яны – сорамна нам”, – сьцьвярджаюць аўтары.
Чарговыя штрафы глыбоцкім незалежным журналістам: амаль 2 тысячы рублёў на дваіх
Незалежных журналістаў з Глыбокага зноў пакаралі штрафамі за «незаконны выраб прадукцыі СМІ». Зьмітра Лупача аштрафавалі на 857 рублёў 50 капеек за супрацоўніцтва зь «Белсатам», Тацяну Смоткіну на 1102 рублі 50 капеек – з Радыё Рацыя.
Віцебскі праваабаронца заклікаў судзьдзяў адмовіцца ад вынясеньня сьмяротных выракаў
Праваабаронца РПГА “БХК” Павал Левінаў накіраваў усім судзьдзям судовай калегіі па крымінальных справах Віцебскага абласнога суду асабістыя лісты, у якіх заклікае адмовіцца ад вынясеньня сьмяротных прысудаў.
На Гагарына ў Віцебску зруйнуюць два дамы і спляжаць шмат дрэваў – абмеркаваньне ад 20 чэрвеня
Ад 20 чэрвеня пачнецца грамадзкае абмеркаваньне архітэктурна-пляніровачнай канцэпцыі будаўніцтва жылога дому насупраць заводу “Сьцяг Індустрыялізацыі” на вуліцы Гагарына ў Віцебску. Згодна з перадпраектнай дакумэнтацыяй, будуць зруйнаваныя два трохпавярховікі і сьсечаная “вялікая колькасьць дрэваў”. Пад знос пойдуць дамы №8 і №10.
КДБ і міліцыя адказалі Натальлі Шарыпа наконт “праслушкі” тэлефона
Віцяблянка Натальля Шарыпа атрымала адказы зь міліцыі, КДБ і ад мабільнага апэратара МТС на заявы наконт меркаванага праслухоўваньня яе тэлефона. Усе тры ўстановы паведамілі жанчыне, што “не валодаюць інфармацыяй”. Натальля кажа, што пасьля таго, як накіравала звароты, якасьць сувязі раптам палепшылася.
«Дэсант» эўра-дыпляматаў «высадзіўся» ў Віцебску. Рыхтуецца ўвядзеньне мараторыю на сьмяротнае пакараньне ў Беларусі?
Гэткага прадстаўнічага візыту замежных гасьцей Віцебск, бадай, ня зьведваў яшчэ ніколі за ўсю сваю 1000-гадовую гісторыю. 5 чэрвеня на сустрэчу з актывістамі грамадзянскай супольнасьці, мясцовай адміністрацыяй, мэдыямі, бізнэс-супольнасьцю прыехалі адразу двое высокіх прадстаўнікоў дыпляматычнага корпусу сваіх краінаў у Беларусі: амбасадарка Вялікай Брытаніі спадарыня Фіёна Гіб і намесьнік кіраўніка місіі, дарадца амбасады Італіі спадар Паоло Таніні.