Зь віцебскай фабрыкі-банкрута «КІМ» за 3 месяцы звольніліся 120 работнікаў
Эканамічны суд Віцебскай вобласьці вынес вызначэньне аб адкрыцьці конкурснага вядзеньня ў дачыненьні да віцебскага ААТ «КІМ» па справе аб яго банкруцтве. Па завяршэньні гэтай спэцыяльнай працэдуры будзе вызначаны далейшы лёс – санацыя або ліквідацыя – фабрыкі, якой ў 2016-м споўніцца 85 гадоў з дня заснаваньня.
Удзельнікі Міжнароднай канфэрэнцыі прадстаўнікоў праваслаўнай і каталіцкай цэркваў наведалі папраўчую калёнію №3
Канфэрэнцыя «Душпастырства і сацыяльная дапамога зьняволеным у месцах пазбаўленьня волі», якая праходзіла на базе Віцебскай духоўнай сэмінарыі, сабрала праваслаўных і каталіцкіх герархаў зь Беларусі, Расеі, Украіны і Аўстрыі, а таксама праваахоўнікаў і навукоўцаў-пэнітэнцыярыстаў з вышэйшых навучальных устаноў.
Разам яны разьбіраліся, як лепш арганізаваць посттэалягічную адукацыю і навучаньне сьвятароў, якія нясуць служэньне ў папраўчых установах, каб яны маглі ў поўнай меры аказваць духоўна-пастырскую, псыхалягічную, юрыдычную і сацыяльна-адаптацыйную дапамогу вязьням.
У завяршэньне форуму замежнікам паказалі, якія ўмовы створаныя ў нашай краіне для асоб, якія адбываюць пакараньне. Госьці наведалі лячэбна-працоўны прафілякторый у Наваполацку і папраўчую калёнію ў Віцебску. Да прыкладу, у ПК-3 яны азнаёміліся з умовамі жыцьця і побыту пастаяльцаў, наведалі мясцовую царкву. Апроч таго, там адбылося падпісаньне рэзалюцыі па выніках канфэрэнцыі.
«Мы прынялі вельмі важны дакумэнт, зьвязаны з арганізацыяй адукацыйнага працэсу для турэмных сьвятароў. Асабліва для тых зь іх, хто ў далейшым стане штатным супрацоўнікам крымінальна-выканаўчай сыстэмы Расеі, Украіны і Беларусі, – сказаў старшыня сынадальнага аддзелу па турэмным служэньні Маскоўскага патрыярхату япіскап Краснагорскі Ірынарх (Грэзін). – Выказваем падзяку ўсім, хто ўдзельнічаў у працы канфэрэнцыі, у тым ліку аўстрыйскаму біскупу Францу Шарлю».
Задаволены вынікамі паездкі ў Беларусь і доктар Карл Дрексьлер, пракурор зь Вены. На яго думку, прыняцьце рэзалюцыі – важны крок у разьвіцьці адносін паміж нашымі краінамі і ўдасканаленьні мэтадаў працы з людзьмі, што спатыкнуліся, , які дазваляе ім вярнуцца да нармальнага жыцьця.
Крыніца: Витебские вести
Суд над заснавальнікам праваабарончай установы «Платформ інавэйшан» распачнецца 1 чэрвеня ў Віцебску
Справу Міхаіла Жамчужнага будзе разглядаць Віцебскі абласны суд. Працэс будзе закрытым. Пра гэта паведамляе сайт прыватнай культурна-асьветніцкай установы «Платформ інавэйшан».
У помніку героям Айчыннай вайны ў Полацку зноў раскалолася калёна
Расколіна зьявілася на адной з 16 чыгунных калёнаў, разьмешчаных вакол сярэдняй часткі піраміды помніку героям Айчыннай вайны 1812 году. Расколіна “ўпрыгожвае” калёну помніку ўжо больш за 10 дзён.
Беларуская рэчаіснасьць: За 37 гадоў працоўнага стажу – 2 пампэрсы ў дзень і 2 мільёны 600 тысяч пэнсіі
Колькі слоў падзякі напярэдадні Дня Перамогі было сказана ў адрас вэтэранаў вайны, а разам з тым за гэтымі афіцыёзных і пампэзнымі фразамі неяк згубіліся лёсу дзяцей вайны, якія не атрымлівалі узнагарод, ня ўдзельнічалі ў баявых дзеяньнях, але нацярпеліся ніколькі ня менш за тых, хто ваяваў. А цяпер ціха і непрыкметна пакідаюць яны гэты сьвет.
Віцэ-прэм’ер даручыў разабрацца ў пытаньні зносу дач ў зоне падтапленьня Віцебскай ГЭС
7 мільярдаў рублёў выплацілі віцебскія энэргетыкі ўладальнікам дачных участкаў. Частка зямель пасьля будаўніцтва гідраэлектрастанцыі будзе затопленая. Аднак нядаўнія дасьледаваньні спэцыялістаў выявілі, што высокі ўзровень вады будзе пагражаць яшчэ 70 будынкам.
«Ноч музэяў» у Віцебскім цэнтры сучаснага мастацтва
Пасьля таго, як Бэрлін у 1997 годзе ўпершыню правёў «Ноч музэяў», гэтая эпідэмія пачала хутка распаўсюджвацца па сьвеце. Ня першы год пануе яна і ў Віцебску. Сёлета пад яе прывабу трапіў і я.
Незалежныя і афіцыйныя прафсаюзы, якія дзейнічаюць на прадпрыемствах Полацкага рэгіёну, змаглі дамовіцца між собку
Актывісты Свабоднага і Незалежнага прафсаюзаў Полацкага рэгіёну ўзялі ўдзел у сэмінары Міжнароднай арганізацыі працы (МАП) 13 і 14 траўня ў Менску. Экспэрты МАП сабралі разам актывістаў дэмакратычных прафсаюзаў і прафсаюзаў ад ФПБ, а таксама прадстаўнікоў працадаўцаў і ўрадавых чыноўнікаў.
Праваабаронцы: Pашэньне Віцебскага гарвыканкаму не адпавядае міжнародным стандартам у галіне правоў чалавека
У сакавіку бягучага году праваабаронца Павал Левінаў паставіў перад Галоўным упраўленьнем юстыцыі Віцебскага абласнога выканаўчага камітэту пытаньне наконт адпаведнасьці рашэньня Віцебскага гарвыканкаму № 881 «Аб масавых мерапрыемствах у горадзе Віцебску» дзейнаму заканадаўству. І празь месяц атрымаў зь віцебскай юстыцыі адказ: рашэньне цалкам адпавядае Канстытуцыі краіны і міжнародным дамовам.
Пётaр Бярлінаў ня здолеў пераканаць Вярхоўны Суд у сваёй праваце
Вярхоўны Суд Рэспублікі Беларусь разгледзеў у парадку нагляду скаргу віцебчука Пятра Бярлінава на рашэньне суду Першамайскага раёну Віцебску і Віцебскага абласнога суду, якія задаволілі пазоў ААТ «Жылбуд» аб яго высяленьні ў сувязі са зносам жылога дому. Выснова, да якой прыйшоў ВС: ніякіх парушэньняў нормаў матэрыяльнага і працэсуальнага права судамі не дапушчана.