Каля 100 мільярдаў рублёў, укладзеных у мадэрнізацыю Віцебскай вобласьці, змарнаваныя
Замарожаныя дзяржаўныя сродкі, неўстаноўленае абсталяваньне і неакупныя праекты на агульную суму каля Br100 млрд выяўленыя падчас сумеснай праверкі пракуратуры і КДК Віцебскай вобласьці. Такія дадзеныя былі агучаныя падчас сумеснага паседжаньня калегіі двух ведамстваў па пытаньні эфэктыўнасьці плянаў мадэрнізацыі і выкарыстаньня абсталяваньня.
Жыхар Віцебску за забойства сабакі прысуджаны да пяці сутак арышту
Да 5 сутак арышту прысуджаны жыхар Віцебску за забойства шчанюка. Прысуд па справе аб жорсткім абыходжаньні з жывёламі 20 сакавіка вынесены ў раённым судзе абласнога цэнтру. Зоаабаронцы з вэрдыктам катэгарычна ня згодныя.
22-гадовы праграміст з Полацку вярнуўся з войска інвалідам
Увосень 2013 году ўраджэнец Полацку Віталь Барташ быў накіраваны на тэрміновую вайсковую службу ў Барысаў. Амаль праз год яго камісавалі паводле стану здароўя, а праз пару месяцаў афіцыйна паставілі інваліднасьць 3-й ступені па зроку. У выніку хлопцу давялося рабіць апэрацыю на адным воку, другая будзе толькі праз пару гадоў у чаканьні сваёй чаргі.
У Талачынскім раёне працаўнікоў прымушаюць «купляць беларускае», каб дапамагчы калгасам
У сельскай гаспадарцы няпростая сытуацыя, а трэба праводзіць пасяўную. Дзе ўзяць грошы? У рэдакцыю Onliner.by прыйшоў ліст з Талачынскага раёну. Аксана Сяргееўна, працаўніца бюджэтнай арганізацыі, распавяла пра схему, якую зноў рэанімавалі ў глыбінцы. Сутнасьць, паводле яе слоў, простая: людзей «настойліва просяць» атаварвацца на фіксаваную суму айчыннай ежай.
У Віцебску прайшло грамадзкае абмеркаваньне наконт высечкі дрэваў ля бібліятэкі імя Леніна
Мерапрыемства адбылося 13 сакавіка побач з будынкам, на дварэ, з удзелам каля 30 чалавек. Грамадзкае абмеркаваньне выклікала ў горадзе вялікі рэзананс і шмат пытаньняў. Найперш, так і засталося незразумелым, хто быў ініцыятарам. Каардынатар грамадзкага аб’яднаньня “Экапраект” Галіна Пілавец то цьвердзіла, што арганізоўвалі яе грамадзкія актывісты, то спасылалася на гарвыканкам.
Ільнозавод ў Глыбоцкім раёне будзе абвешчаны банкрутам?
Эканамічны суд Віцебскай вобласьці 3 сакавіка распачаў вытворчасьць па справе аб банкруцтве адкрытага акцыянэрнага таварыства «Пліскі льнозавод», паведамляе партал сыстэмы судоў агульнай юрысдыкцыі Беларусі.
«Гавары праўду» – супраць скарачэньня цягнікоў на Віцебшчыне
Полацкія актывісты «Гавары праўду» атрымалі адказ Віцебскага аддзяленьня Беларускай чыгункі. Транспартнікі лічаць, што скарачэньне колькасьці цягнікоў на маршруце Полацак-Віцебск было эканамічна абгрунтаванай мерай і спасылаюцца на страты ў суме больш за 300 мільярдаў рублёў.
На пахаваньні адходаў пад Гарадком канцэнтрацыя пэстыцыдаў у дзясяткі разоў перавышае нарматывы
На Хмяльніцкім пахаваньні стойкіх арганічных забруджвальнікаў выяўлена перавышэньне нарматываў пэстыцыдаў на сьвідравіне №3 ў дзесяткі разоў. Толькі Віцебскі аблвыканкам і Мінпрыроды сарвалі пляны яго ліквідацыі ў 2013-2014 гадох.
Міхаіл Жамчужны напісаў адкрыты ліст Лукашэнку і чакае суду
Сьледзтва па справе актывіста «Пляцформы» Міхаіла Жамчужнага, які знаходзіцца пад вартай у Віцебскім СІЗА, працягнутае да 19 красавіка генэральным пракурорам. Пра гэта Міхаіл паведаміў у лісьце да Тацьцяны Севярынец, каардынатаркі аргкамітэту па стварэньні БХД.
Работнікаў УП «Віцебскаблгаз» змушаюць скупляць торф. Наперадзе – масавыя звальненьні
Пра гэта напісаў чытач charter97.org, супрацоўнік УП «Віцебскаблгаз» ПУ «Віцебскгаз». Ён распавядае пра тое, што на прадпрыемстве распачалася «аптымізацыя кадраў», што можа азначаць скарачэньне на 25% штату.