“Ня хочуць і ня могуць”, - да такой высновы прыйшла каардынатарка аргкамітэту па стварэньні партыі “Беларуская хрысьціянская дэмакратыя” Тацьцяна Севярынец, калі атрымала ліст з аддзелу архітэктуры і горадабудаўніцтва на свой электронны зварот у Віцебскі гарвыканкам наконт дарожак для ровараў.

Судом Чыгуначнага раёну Віцебску 13 красавіка быў вынесены прысуд у дачыненьні да былога сьледчага міжраённага аддзелу Сьледчага камітэту, які абвінавачваўся ва ўчыненьні злачынстваў, прадугледжаных часткай 3 артыкулу 328 Крымінальнага кодэксу.

16 красавіка напярэдадні Радаўніцы на месцы меркаваных масавых забойстваў сталінскімі катамі беларускіх грамадзян у 1937-38 гадох у лесе пад вёскай Хайсы актывіст КХП-БНФ Ян Дзяржаўцаў са сваімі аднадумцамі меў намер прыбраць тэрыторыю і ўсталяваць ва ўшанаваньне памяці ахвяраў рэжыму крыжы. Зьдзейсьніць задуму перашкодзілі прадстаўнікі мясцовай улады і праваахоўных органаў.

На будучых прэзыдэнцкіх выбарах рэальную канкурэнцыю цяперашняму кіраўніку дзяржавы можа скласьці толькі лідэр Лібэральна-дэмакратычнай партыі Сяргей Гайдукевіч, перакананы старшыня партыі па Віцебскай вобласьці Сяргей Ярмыкін. Сяргей Уладзімеравіч ласкава пагадзіўся даць адказы на пытаньні карэспандэнта «Дыялёгу».

З 10 красавіка актывіст стваранай партыі БХД зь Мёраў Сяргей Васільеў застаўся бяз працы – зь ім не працягнулі кантракт. 14 красавіка ён стаў на ўлік па беспрацоўі, але грашовую дапамогу памерам 360 тысяч рублёў зможа атрымаць толькі 20 траўня.

Гэтая тэндэнцыя назіраецца ня першы год і звычайна вядзецца пра атрыманьне хабараў за незаконнае афармленьне бальнічных лістоў. У 2014 годзе за такія дзеяньні асуджаныя лекар-хірург паліклінікі № 4 у Воршы, лекар-тэрапэўт Талачынскай ЦРБ, лекар-нэўроляг Дубровенскай ЦРБ. Працягваецца расьсьледаваньне крымінальных спраў па фактах атрыманьня хабараў лекарам Наваполацкай гарадзкой паліклінікі № 1, загадчыкам аднаго з аддзяленьняў Дубровенскай ЦРБ.

У гарвыканкаме адбыліся зьмены, пра якія чыноўнікі чамусьці ня лічаць патрэбным паведамляць жыхарам Віцебску. Зь пераліку намесьнікаў старшыні гарвыканкаму зьнікла прозьвішча Ўладзімера Шломы, які займаўся пытаньнямі адукацыі, спорту, турызму, ідэалёгіі, культуры, справамі моладзі. І запомніўся нэгатыўным стаўленьнем да дэмакратычных актывістаў.

У Глыбокім людзі просяць згадаць на шыльдах гістарычныя назвы вуліц. За гэты сабрана каля шасьці дзясяткаў подпісаў жыхароў гораду. Подпісы перадалі ў глыбоцкі раённы Савет дэпутатаў. Разам з подпісамі быў перададзены і ўзор шыльды, якую распрацавалі прадстаўнікі грамадзкасьці Глыбокага.

Неанансаваны велікодны прыезд Аляксандра Лукашэнкі ў Воршу на ўвесь дзень спаралізаваў жыцьцё 150-тысячнага гораду. Ад раніцы ў нядзелю цэнтральныя вуліцы былі перакрытыя для руху транспарту, сюды-туды гойсалі толькі машыны ДАІ і супрацоўнікаў спэцслужбаў. На кожным скрыжаваньні дзяжурылі міліцыянты ў форме і цывільным, якія не выпускалі аўтамабілі з двароў. Добранадзейных вернікаў згрупавалі ля царквы Раства Прасьвятой Багародзіцы за некалькі гадзін да прыезду высокага госьця.

Наведвальнікі сайту Westki.info, які публікуе навіны паўночнай Беларусі і Вільні, змаглі задаць свае пытаньні Тацьцяне Караткевіч. Сувязь адбывалася ў выглядзе онлайн-канфэрэнцыі. На пашыраным паседжаньні палітычнай камісіі партыі БНФ з удзелам рэгіянальных кіраўнікоў партыі было вырашана падтрымаць спадарыню Караткевіч у якасьці кандыдата ў прэзыдэнты на выбарах-2015.