Узьняць гэткую далікатную тэму мы вырашылі пасьля звароту да нас грамадзянаў, што жывуць у адным з дамоў па Маскоўскім праспэкце ў Віцебску. Каля дзесяці гадоў таму людзі ўпершыню сутыкнуліся з праблемай, якая стала праблемай усіх жыхароў пад'езду.

У Віцебскай абласной бібліятэцы прайшла прэзэнтацыя даведніка «50 музэяў Віцебску», складзенага краязнаўцам Мікалаем Піваварам. Гэта быў першы досьвед калектыўнага збору грошай на выданьне з дапамогай пляцоўкі ulej.by.

За дванаццаць месяцаў 2016 году ў кансалідаваны бюджэт Віцебскай вобласьці паступіла 1722,2 мільёну рублёў падаткаў. Гэта на 44 мільёны рублёў менш, чымся ў 2015 годзе.

Віцебскі гарсавет ужо некалькі гадоў запар працягвае пераносіць тэрміны будаўніцтва дзіцячага садку і школы ў мікрараёне Білева-2. Цяпер будаўніцтва садка заплянаванае на трэці квартал бягучага году, школы на 1 020 вучняў – на чацьвёрты.

Вікторыя Лагвіненка расказала, што яе брат Аляксандар адбывае 11 гадоў зьняволеньня за распаўсюджваньне наркотыкаў у калёніі № 13 у Глыбокім.

Фотаздымак паштовага паведамленьня пра заказны ліст з крамы «Філятэлія», па якім жыхару Полацку ўручылі падатковае паведамленьне пра неабходнасьць аплаты збору на фінансаваньне дзяржаўных выдаткаў, апублікаванае ў пабліку «Скарга | Полацак і Наваполацак».

На ўліку ў першаснай арганізацыі Свабоднага прафсаюзу Беларускага (СПБ) заводу ААТ «Полацак-Шкловалакно» знаходзяцца 369 сябраў Свабоднага прафсаюзу. Якія захады рабіла пяршоўка дзеля абароны сацыяльна-эканамічных інтарэсаў работнікаў – пра гэта распавялі нам прафсаюзныя лідэры прадпрыемства.

У 2017 годзе Ворша сьвяткуе сваё 950-годзьдзе. Улады абяцаюць правесьці навуковую канфэрэнцыю па Базылянскім манастыры, лёсам якога апекаваліся краязнаўцы. Таксама Аршанскі райвыканкам даўно абяцаў аднавіць экспазыцыю музэю гісторыі і культуры Воршы, аднак ужо шмат гадоў абяцаньні застаюцца нявыкананымі.

11 студзеня Праваслаўная царква ўспамінае 14 тысяч немаўлятаў, забітых у Бэтлееме. У Дзень памяці Бэтлеемскіх немаўлятаў у Наваполацку правялі акцыю ў абарону жыцьця і сямейных каштоўнасьцяў. На цэнтральнай плошчы перад будынкам гарвыканкаму адбыўся малебен за ненароджаных дзяцей.

12 студзеня на паседжаньні пад старшынствам Анатоля Карповіча судовая калегія па грамадзянскіх справах Менскага абласнога суду разгледзела касацыйную скаргу праваабаронцы Міхаіла Жамчужнага, які адбывае пакараньне на неправамернае, зь яго пункту гледжаньня, спагнаньне з боку адміністрацыі калёніі і пастанавіла суду Барысаўскага раёну дадаткова апытаць Жамчужнага і сьведак абставінаў.