Брытанец распавёў пра карупцыю ў калёніі “Віцьба-3”
Былы вязень папраўчай калёніі № 3 (пас. Віцьба, Віцебскі р-н) Алан Сьміт, асуджаны ў Беларусі за «арганізацыю незаконнай міграцыі», пачаў выкрываць карупцыю ў пэнітэнцыярнай установе. Першае сэлфі, зробленае ў калёніі, ён выклаў 3 кастрычніка ў Facebook. Мужчына сьцьвярджае, што фота ён зрабіў тэлефонам, які незаконна ў калёнію пранёс галоўны апэратыўнік Ільля Цыркуноў.
Не – сьмяротнаму пакараньню! Віцебскі праваабаронца падаў заяўку на пікет
Згодна з заявай аб правядзеньні пікетаваньня, пададзенай праваабаронцам Леанідам Сьвецікам у адміністрацыю Чыгуначнага раёну Віцебску, імпрэза мусіць адбыцца 12 кастрычніка на пляцоўцы, адмыслова вызначанай гарвыканкамам пад масавыя мерапрыемствы. Асноўная мэта пікету – публічна адзначыць у горадзе Сусьветны дзень супраць сьмяротнай кары.
На Міколу Качурца завялі выканаўчае справаводзтва аб спагнаньні штрафу за Курапаты
Аддзел прымусовага выкананьня Першамайскага раёну Віцебску 18 верасьня распачаў выканаўчае справаводзтва ў дачыненьні віцябляніна Міколы Качурца, каб спагнаць зь яго адміністрацыйны штраф у памеры 24,50 рублёў на карысьць УУС Менскага аблвыканкаму. Копію пастановы аб распачынаньні выканаўчага справаводзтва Мікола Качурэц атрымаў толькі 2 кастрычніка.
У псыхушку пад прымусам. Віцябляне паскардзіліся ў пракуратуру на дзеяньні сьледчай і міліцыі
Жыхары Віцебску Рафаэль Кірылаў-Шмільхольдхард і Ігар Пастноў накіравалі скаргі ў абласную пракуратуру на незаконныя дзеяньні сьледчай УСК па Віцебскай вобласьці Людмілы Руткоўскай, якая на падставе правядзеньня працэсуальных дзеяньняў 27 верасьня пад прымусам даставіла віцяблян у Рэспубліканскі цэнтар псыхіятрыі.
Віцебскія бізнэсоўцы абмеркавалі свае праблемы на круглым стале
На базе адукацыйнай пляцоўкі «Фабрыка-лябараторыя Robovita» прайшоў круглы стол «Эканамічнае, сацыяльнае і бізнэс аблічча Віцебскай вобласьці. Да новага балянсу сіл, сродкаў і магчымасьцяў». Ключавымі запрошанымі сьпікерамі выступілі эканамісты Яраслаў Раманчук, Леанід Заіка і Марына Слонімская.
Уладзімер Арлоў у Віцебску: Гісторыя робіцца ідэалёгіяй толькі ў таталітарным грамадзтве
Вядомы беларускі пісьменьнік Уладзімер Арлоў наведаў 25 верасьня Віцебск, дзе прэзэнтаваў чытачам свае новыя кнігі – “Паручнік Пятровіч і прапаршчык Здань” і “Танцы над горадам”. Сустрэчы адбыліся ў Віцебскай абласной бібліятэцы і арт-пабе “Торвальд”.
КПЧ ААН: Трэба мяняць рашэньне Віцебскага гарвыканкаму аб масавых мерапрыемствах
«Камітэт ізноў заяўляе, што дзяржаве-удзельніку трэба перагледзець сваё заканадаўства,... у прыватнасьці рашэньне № 881 Віцебскага гарадзкога раённага камітэту,... з мэтай спрыяньня поўнаму ажыцьцяўленьню ў дзяржаве-удзельніку правоў, замацаваных у артыкулах 19 і 21 Пакту», – гаворыцца ў надоечы апублікаваных чарговых меркаваньнях Камітэту ААН па правох чалавека (КПЧ), прынятых ім датычна скаргаў праваабаронцы Паўла Левінава.
Пад канвоем і ў кайданках. Віцяблян пад прымусам адвезьлі на псыхіятрычную экспэртызу ў Менск
Вядомага ў Віцебску доктара-праўдаруба Ігара Пастнова і ягонага паплечніка Рафаэля Кірылава-Шмільхольдхарда гвалтам адправілі на псыхіятрычную экспэртызу ў Навінкі – пад канвоем і ў кайданках. Як распавялі сьведкі, іх забралі ранкам 27 верасьня з будынку УСК па Віцебскай вобласьці, куды напярэдадні выклікалі позвай.
Віцебскім актывісткам БХД не ўдалося абараніць свае правы і ў абласным судзе
Судзьдзя Віцебскага абласнога суду Сьвятлана Іванова 26 верасьня разгледзела касацыйныя скаргі актывістак аргкамітэту «Беларускай хрысьціянскай дэмакратыі» Ірыны Захаравай і Тацяны Севярынец на пастановы суду Першамайскага раёну Віцебску. За ўдзел у пікетаваньні рэстарацыі «Паедзем паядзім» 5 верасьня кожную з грамадзянак аштрафавалі на 13 базавых велічыняў (318,5 рубля).
Пракуратура Віцебскага раёну правяла маніторынг патэнцыйна небясьпечных аб’ектаў
У 2017 годзе ў Віцебскай вобласьці ад зьнешніх прычын загінулі 27 дзяцей, зь іх на тэрыторыі Віцебскага раёну — 3. Асаблівую трывогу выклікае гібель непаўналетніх у выніку ўтапленьня, па вобласьці дапушчана 6 такіх выпадкаў. Большасьць зь іх адбылася на штучных вадаёмах.