Аблсуд не прыслухаўся да аргументаў кіраўніка абласной філіі БНФ
8 красавіка Віцебскі абласны суд разгледзеў скаргу кіраўніка Віцебскай абласной філіі БНФ Кастуся Смолікава на пастанову суду Кастрычніцкага раёну Віцебску. 30 сакавіка Кастусь Смолікаў, Алесь Вендт і Іван Казлоў былі прызнаныя вінаватымі ў несанкцыянаваным пікетаванні і пакараныя адміністрацыйнымі арыштамі.
Віцебскі абласны суд адхіліў скаргі журналістаў «Белсату» і двух навапалачан
Віцебскі абласны суд разгледзеў 7 красавіка скаргі журналістаў-фрылансераў Змітра Казакевіча і Алены Шабуні, аштрафаваных у сакавіку за матэрыялы, якія былі апублікаваныя на сайце тэлеканалу «Белсат». Суд Першамайскага раёну Віцебску прызнаў іх вінаватымі ў незаконным вырабе прадукцыі СМІ (арт. 23.5 КаАП). Журналісты з гэтым не пагадзіліся.
У Наваполацку затрыманы яшчэ адзін удзельнік страйку на «Нафтане» – Аляксандр Сакалоў
У Наваполацку затрымалі яшчэ аднаго ўдзельніка стачкі на прадпрыемстве «Нафтан» Аляксандра Сакалова. Пра гэта паведаміў стачкам на сваёй старонцы ў «Фэйсбуку». Паведамляецца, што ён быў затрыманы па справе відэароліка, знятага ў падтрымку галасавання на платформе «Голас». Навапалачаніна, як і іншых затрыманых, вінавацяць ва ўдзеле ў несанкцыянаваным пікетаванні (арт. 24.34 КаАП).
Палітвязень Міхаіл Беркас, якога асудзілі за графіці «Жыве Беларусь!», хутка будзе на волі
Жыхар Воршы Міхаіл Беркас быў асуджаны 24 лютага на 30 сутак арышту паводле арт. 341 КК («Апаганьванне будынкаў і псаванне маёмасці»). Суддзя Мікалай Драгун (суд Аршанскага раёну) прызнаў яго вінаватым у нанясенні пратэставых графіці ў адным з раёнаў гораду. Пад варту Міхаіла Беркаса ўзялі 16 сакавіка, яго этапавалі ў віцебскі СІЗА-2. Праваабарончая супольнасць прызнала аршанца палітвязнем.
У Воршы завялі яшчэ адну крымінальную справу за каментары ў сеціве
Крымінальную справу распачалі ў дачыненні 53-гадовай жыхаркі Воршы, якая нібыта размясціла ў «Тэлеграме» публікацыю з «не адпаведнымі рэчаіснасці і ганебнымі звесткамі» пра старшыню адной з выбарчых камісій Віцебску, паведамляе са спасылкай на следчы камітэт партал Orsha.eu.
«Дзяржаўнае прадпрыемства – тая ж турма». Навапалачанка Вінакурава далучылася да страйку
На наваполацкім «Паліміры» Алена Вінакурава адпрацавала 31 год, у апошні час – кантралёрам якасці ў цэху 604. 29-га сакавіка яна вымушана прапусціла працу: у той дзень яе судзілі за нібыта несанкцыянаваны адзіночны пікет. Але адміністрацыя прадпрыемства не палічыла гэта важкай прычынай – жанчыне паставілі прагул, перадае Беларускае Радыё Рацыя.
Віцебскі абласны суд разгледзеў скаргі Ірыны Траццяковай і Таццяны Туравец
31 сакавіка Віцебскі абласны суд разгледзеў скаргі праваабаронцы БХК Ірыны Траццяковай і жыхаркі Віцебскага раёну Таццяны Туравец на пастановы судоў ніжэйшай інстанцыі. Рашэнне суду паводле палітычна матываваных справаў сталіся прадказальнымі: суддзі Андрэй Прэйс і Святлана Іванова скаргі не задаволілі, а рашэнні раённых судоў пакінулі без зменаў.
35 сутак на траіх. Суд пакараў арыштам віцяблян, затрыманых на Дзень волі
У судзе Кастрычніцкага раёну Віцебску 30 сакавіка прайшоў судовы працэс у дачыненні да трох віцяблян, затрыманых на Дзень волі ля помніку князю Альгерду. Іх вінавацілі ва ўдзеле ў несанкцыянаваным пікетаванні (арт. 24.23 КаАП). Суд пакараў мужчын адміністрацыйнымі арыштамі – агулам на 35 сутак.
Студэнтка ПДУ Алеся Бука на волі. Яе маці лічыць, што дачку запалохваюць
Студэнтку Полацкага дзяржуніверсітэту Алесю Буку затрымалі 26-га сакавіка, папярэдне правёўшы ператрус у яе інтэрнацкім пакоі і забраўшы ўсю аргтэхніку. Як стала вядома, дзяўчына знаходзіцца ў статусе падазраванай паводле крымінальнага артыкулу 369 («Абраза прадстаўніка ўлады»). У панядзелак 29 сакавіка яна выйшла на волю, паведамляе Беларускае Радыё Рацыя.
Кіраўнік абласной філіі БНФ Кастусь Смолікаў на волі. Суд – 30 сакавіка
Кіраўнік віцебскай абласной філіі партыі БНФ Кастусь Смолікаў увечары 28 сакавіка быў вызвалены з ізалятару часовага ўтрымання, куды трапіў пасля затрымання на Дзень волі. Выйшлі таксама на волю затрыманыя разам з ім віцябляне Алесь Вендт і Іван Казлоў. Яны адбылі за кратамі ІЧУ трое сутак (72 гадзіны) без суду. Суд прызначаны на 30 сакавіка.