Экс-начальніка аддзелу адукацыі Паўла Краско асудзілі на 6 гадоў калоніі
11 чэрвеня суд Чыгуначнага раёну Віцебску скончыў разглядаць крымінальную справу ў дачыненні да былога начальніка аддзелу адукацыі Першамайскага раёну Паўла Краско. Яго прызналі вінаватым у неаднаразовым атрыманні хабару (ч.1 і 2 арт. 430 КК) і прысудзілі да 6 гадоў пазбаўлення волі і штрафу на суму 500 базавых велічынь.
Як віцябляне Кузнечыкі жывуць у амбасадзе Швецыі ў Менску. Уладзіслаў хворы на анкалогію - і не мае медычнай дапамогі
11 верасня 2020 году, у разгар масавых пратэстаў супраць фальсіфікацыі вынікаў выбараў, двое беларусаў прыйшлі да пасольства Швецыі ў Менску. Віталь і Уладзіслаў Кузнечыкі, бацька і сын, пазванілі ў званок і папрасілі абароны, патлумачыўшы, што іх шукае міліцыя і яны асцерагаюцца за сваё жыццё. Атрымаўшы адмову, яны пералезлі праз плот і засталіся на тэрыторыі амбасады, перадае Радыё Свабода.
Змены ў адміністрацыйным кодэксе павялічаць нагрузку на камісіі ў справах няпоўнагадовых
З 1 сакавіка 2021 году ўступіў у сілу новы Кодэкс Рэспублікі Беларусь аб адміністрацыйных правапарушэннях (КаАП), у якім істотна змянілася адказнасць за правядзенне несанкцыянаваных масавых мерапрыемстваў, а таксама адказнасць для няпоўнагадовых і іх бацькоў.
За абразу міліцыянта віцяблянін можа трапіць на «хімію»
Упраўленне па Віцебскай вобласці ГУУБ МУС выйшла на чарговага інтэрнэт-карыстальніка, які нібыта мае дачыненне да публічнай абразы супрацоўніка міліцыі. На падставе атрыманых дадзеных праверкі аператыўнікі завялі крымінальную справу паводле артыкулу 369 КК (Абраза прадстаўніка ўлады).
Барыс Хамайда – на волі. «У мяне адчуванне блізкага канца гэтага рэжыму»
73-гадовы дысідэнт і распаўсюднік незалежнай прэсы Барыс Хамайда 11 чэрвеня выйшаў на волю з віцебскага ізалятару часовага ўтрымання (ІЧУ). Ён правёў за кратамі 8 сутак, якія яму прысудзілі за бел-чырвона-белы парасон і стужку такіх жа колераў (арт. 24.23 КаАП). Па вызваленні Хамайда прызнаўся, што было цяжка, але сваім турэмшчыкам ён ні на што не скардзіўся і нічога ў іх не прасіў.
Марыя Амасовіч: Пасля 40 сутак у СІЗА я вырашыла размаўляць па-беларуску
19-гадовая навучэнка аднаго з віцебскіх каледжаў Марыя Амасовіч вызвалілася ў мінулую суботу з ІЧУ пасля 40 сутак арышту, прысуджаных ёй па дзвюх адміністрацыйных справах (арт. 24.23 КаАП) яшчэ ў красавіку і траўні. Дзяўчына кажа, што за 40 дзён памяняла 5 камер, а чатыры апошнія дні сядзела адна. Прызнаецца, што вырашыла перайсці на беларускую мову. За паслугі ізалятару Марыя мусіць заплаціць 565 рублёў.
Журналістка Таццяна Смоткіна адстойвае свае правы ў Камітэце па правах чалавека
У Камітэце па правах чалавека працягваецца цяжба паміж беларускімі ўладамі і журналісткай з Глыбокага Таццянай Смоткінай, якая падала паведамленне, зарэгістраванае КПЧ пад нумарам 3235/2018. Не так даўно з нагоды разгляду ў Камітэце звароту журналісткі кампетэнтнымі органамі Рэспублікі Беларусь была перададзеная інфармацыя з тлумачэннем пазіцыі ўраду.
Справу Змітра Лупача за рэпартаж у Докшыцах адправілі на новы разгляд
9 чэрвеня Віцебскі абласны суд разгледзеў пратэст пракуроркі Надзеі Міцько і скаргу начальніка Докшыцкага РАУС падпалкоўніка Сяргея Каралевіча на рашэнне суду, які 18 траўня спыніў справу ў дачыненні да журналіста-фрылансера Змітра Лупача. Яго вінавацілі ў незаконным вырабе прадукцыі СМІ (ч.3 арт. 23.5 КаАП).
Telegram-чаты «Браслаў для жыцця» і «Поставы для жизни» прызналі экстрэмісцкімі
Суд Чыгуначнага раёну Віцебску 8 чэрвеня пастанавіў прызнаць Telegram-каналы «Браслаў для жыцця» и «Поставы для жизни» экстрэмісцкімі. Такое рашэнне было прынятае на падставе матэрыялаў, пададзеных у суд віцебскім абласным упраўленнем ГУБАЗіК МУС. Цяпер рэпост паведамленняў з гэтых чатаў можа пацягнуць адміністрацыйную адказнасць.
Докшыцкая пракурорка апратэставала спыненне справы Змітра Лупача за «Леніна ў цэлафане»
Выканаўца абавязкаў пракурора Докшыцкага раёну Надзея Міцько прынесла пратэст на рашэнне суду аб спыненні справы глыбоцкага журналіста-фрылансера Змітра Лупача, якую на яго завялі за незаконны выраб і распаўсюд прадукцыі СМІ (арт. 23.5 КаАП ). Суд Докшыцкага раёну спыніў справу 18 траўня праз недаказанасць віны. Пракурорскі пратэст на гэтае рашэнне разгледзяць у Віцебскім абласным судзе 9 чэрвеня.