Паўлу Левінаву патлумачылі ў ЦВК і МЗС, чаму беларусы замежжа не змогуць прагаласаваць на «рэферэндуме»
Віцебскі праваабаронца Павел Левінаў, які знаходзіцца цяпер за межамі Беларусі, звярнуўся ў Міністэрства замежных спраў і Цэнтрвыбаркам з нагоды парушэння правоў беларусаў, якія жывуць за мяжой і таму не змогуць удзельнічаць у так званым «рэферэндуме». Нядаўна праваабаронца атрымаў адказы з ведамстваў.
Участковыя камісіі на Лепельшчыне наведалі міжнародныя назіральнікі з краін СНД
Намеснік дырэктара інфармацыйна-аналітычнага дэпартаменту выканкаму СНД Ісламджан Карымаў і першы намеснік старшыні выканаўчага сакратара СНД Віктар Гумінскі 10 лютага наведалі раённую і ўчастковыя камісіі ў Лепельскім раёне. Пасля завяршэння інспекцыі яны выказалі ўпэўненасць у тым, што будучы «рэферэндум» пройдзе на вельмі высокім арганізацыйна-тэхнічным узроўні.
Следчыя Віцебскай вобласці амаль штодзень распачынаюць справы за незаконны абарот наркотыкаў
У 2021 годзе было зафіксавана больш за 460 крымінальных справаў, звязаных з ужываннем наркатычных рэчываў і іх збыт. Сярод падазроных у гэтых злачынствах праходзіла 25 няпоўнагадовых жыхароў Віцебшчыны. Пра гэта мясцовым СМІ паведаміў начальнік УСК па Віцебскай вобласці палкоўнік юстыцыі Аляксандр Гуцко.
За абразу менскай суддзі Шабуні жыхара Віцебску асудзілі на 2,5 года «хатняй хіміі»
У судзе Кастрычніцкага раёну Віцебску 9 лютага скончыўся судовы працэс над 51-гадовым Андрэем Кузняцовым, у дачыненні якога была распачатая крымінальная справа за абразу менскай суддзі Вікторыі Шабуні (арт. 391 КК РБ). Мужчыну прызналі вінаватым і пакаралі абмежаваннем волі на 2,5 года без накіравання ў папраўчую ўстанову адкрытага тыпу.
У Віцебску падтрымліваюць палітзняволеную Эму Сцепулёнак
Гараджане збіраюць перадачы ў Віцебскі СІЗА №2, дзе цяпер знаходзіцца былая настаўніцу з Мёраў, якую абвінавацілі ў распальванні сацыяльнай варожасці (арт. 130 КК) і абразе прадстаўніка ўлады (арт. 369 КК).
Калі чалавек апынуўся ў складаным жыццёвым становішчы, то яго абавязкова варта падтрымаць, лічыць віцебская актывістка Таццяна Севярынец.
Праваабаронцы прызналі палітвязнем Александра Міхайлава
Беларускія праваабарончыя арганізаціі 8 лютага зрабілі заяву аб прызнанні палітвязнямі пяці зняволеных па шэрагу дыфамацыйных артыкулаў Крымінальнага кодэксу краіны. Сярод прызнаных – і прадпрымальнік з Віцебску Аляксандр Міхайлаў, якога 4 лютага асудзілі на два гады калоніі за абразу прэзідэнта і пагрозы ў дачыненні службовай асобы.
Уладальніка аграсядзібы Алега Раманчыка асудзілі на тры гады «хіміі»
38-гадовага жыхара Браслава прызналі вінаватым паводле трох артыкулаў Крымінальнага кодэксу – за заклікі да пратэстаў і распаўсюд інфармацыі пра пракурора Браслаўскага раёну, якую суд палічыў ілжывай (арт.188, ч.2 арт.203-1, ч.1 арт.342). 7 лютага справу Алега Раманчыка разбіраў суд Шаркаўшчыны і Шаркаўшчынскага раёну ў асобе суддзі Аксаны Табола.
Пракурор Віцебскай вобласці абмежаваў доступ да сайтаў, якія заклікаюць да зрыву «рэферэндуму»
Пракурор Віцебскай вобласці Ігар Украінец пастанавіў абмежаваць доступ да інтэрнэт-сайтаў «zubr.media» і «xx2022.org». На думку пракурора, гэтыя інфармацыйныя рэсурсы распаўсюджвалі інфармацыю, якая можа нанесці шкоду нацыянальным інтарэсам Рэспублікі Беларусь.
Улады Віцебскай вобласці парушылі прынцып адкрытасці і галоснасці пры фармаванні ўчастковых камісіяў
6 лютага на Віцебшчыне скончылася кампанія па фармаванні складаў участковых камісіяў для правядзення так званага «рэферэндуму». Яе адметнасцю было тое, што працэс правядзення пасяджэнняў раённых камітэтаў насіў келейны характар: прысутнічалі на іх толькі самі сябры камісіяў і чыноўнікі райвыканкамаў. Не было нават праўладных журналістаў.
Полацкі актывіст Алесь Круткін ладзіць «Аўтаспын салідарнасці» па еўрапейскіх гарадах
Жыхар Полацку Алесь Круткін, які атрымаў палітычны прытулак у Літве, адправіўся аўтаспынам па Еўропе, каб правясці ў буйных гарадах ЕЗ шэраг пікетаванняў. Актывіст хоча прыцягнуць увагу еўрапескіх палітыкаў і грамадскасці да пакутаў беларускіх палітзняволеных. Пра свае акцыі Круткін распавядае ў тэлеграм-канале «Еўрааўтаспын салідарнасці».