Дэпутаты маюць намер змяніць умовы лячэння ад алкагольнай і наркатычнай залежнасці
Улады ў хуткім часе запусцяць у юрыдычнае абарачэнне Закон "Аб змене законаў па пытаннях прымусовага лячэння і медыка-сацыяльнай рэадаптацыі". На думку дэпутатаў у законе гарманічна спалучаюцца гвалтоўнае лячэнне ад алкагалізму і наркаманіі і прымусовая праца. Як лечаць, пазбаўляе ад шкодных прыхільнасцяў у віцебскіх ЛПП можна паглядзець тут, тут і тут.
Жыхароў Віцебску Уладзіслава Аўчыннікава і Цімафея Галубко прызналі палітвязнямі
Беларуская праваабарончая супольнасць выступіла з чарговай заявай аб прызнанні шэрагу асуджаных палітычнымі зняволенымі. Сярод іх былы супрацоўнік УУС Уладзіслаў Аўчыннікаў, асуджаны да двух з паловай год калоніі, і былы работнік «Белтэлекаму» Цімафей Галубко, асуджаны да трох гадоў «хіміі». Былы «сілавік» Аўчыннікаў пакуль знаходзіцца ў Віцебскім СІЗА -2, а 20-гадовы Галубко, унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці, ужо адбывае тэрмін пакарання ў Магілёўскай ПУАТ №43.
“Чыноўнікі - пра дасягненні навукі, а народ ім у адказ - пра якасць дарог і водазабеспячэнне”
Браслаўскія чыноўнікі паехалі распавядаць у Відзаўскі каледж пра прыярытэты і дасягненні беларускай навукі, а людзей больш хвалявала якасць дарог і развіццё сістэм водазабеспячэння.
Жыхары Гарадка адмаўляюцца бясплатна выконваць працу работнікаў ЖКГ
У перыяд моцных снегападаў, з якіх сёлета пачалася каляндарная зіма, жыхароў Віцебшчыны актыўна агітавалі дапамагаць работнікам камунальнай гаспадаркі. У якасці прыкладаў «добраахвотнай» дапамогі дзяржаўныя СМІ апісвалі ініцыятывы БРСМ па ўборцы снегу на падворках асобаў сталага ўзросту, заклікалі супрацоўнікаў прадпрыемстваў і ўстановаў выходзіць на барацьбу з зімовымі ападкамі. Аднак грамадзяне адмаўляюцца бясплатна выконваць працу, якой мусяць займацца работнікі сістэмы ЖКГ, паколькі яна не спраўляецца са сваімі непасрэднымі задачамі. Пра гэта сведчаць вынікі апытання ў раённай газеце «Гарадоцкі веснік».
Адміністрацыя наваполацкай калоніі дазволіла Ігару Лосіку ліставацца з жонкай. Але ён не атрымлівае адказаў
Палітвязень Ігар Лосік, былы адміністратар тэлеграм-канала «Беларусь головного мозга», адбывае пакаранне ў наваполацкай ПК №1. Ён быў асуджаны да 15 гадоў пазбаўлення волі ў калоніі ва ўмовах узмоцненага рэжыму паводле ч. 1 арт. 293 Крымінальнага кодэкса (Арганізацыя масавых беспарадкаў) і арт. 130 Крымінальнага кодэкса (Распальванне варожасці ці варажнечы).
Валянціна Болбат: «Да праблем са здароўем апошні суд «дадаў» мне яшчэ 100 базавых штрафу»
Адна з пачынальніц беларускага дэмакратычнага руху на Віцебшчыне ў 1990-я гады, актывістка з Верхнядзвінску мае ўжо пенсійны ўзрост і не дужа моцнае здароўе. Але Наваполацкі гарадскі суд у асобе Зінаіды Балаболавай у лістападзе-снежні 2022г. аштрафаваў жанчыну на 20 базавых велічынь і двойчы запар прысудзіў жанчыне арышты па 10 сутак за рэпосты матэрыялаў з так званых «экстрэмісцкіх «інтэрнэт-рэсурсаў.
Як ва ўсёй Віцебскай вобласці ў Глыбокім працуюць прапагандысцкія групы
Пра гэта гаворыцца на сайце Глыбоцкага райвыканкама. Там была размешчаная навіна пра Адзіны дзень інфармавання, які прайшоў у Глыбоцкім раёне 20 студзеня. Тэма студзеньскага дня інфармавання была: прыярытэты і асноўныя дасягненні беларускай навукі, навукова-тэхналагічная бяспека.
«Ідэалагічны актыў» Першамайскага раёну навучалі, як ставіцца да вайны ва Украіне і да падзеяў 2020 года
У Віцебску працягваецца «асвета» мясцовых жыхароў сталічнымі прапагандыстамі. Гэтым разам у актавай залі ААТ «Лотос» сабралі кіраўнікоў раённых адміністрацыі і так званы «ідэалагічны актыў» Першамайскага раёну для сустрэчы са старшынём праўлення ЗАТ «Второй национальный телеканал» Маратам Маркавым. Вектар размовы быў скіраваны на падмацаванне тэзы пра высокі ўзровень добрабыту ў сучаснай Беларусі ў супрацьвагу іншым краінам свету, дзе, па словах прапагандыста, «галадуюць каля 350 млн чалавек і каля 50 млн знаходзяцца на мяжы галоднай смерці». Марат Маркаў падкрэсліў, што небяспека страціць паспяховую стабільнасць абрынулася на на Беларусь у 2020г, і што падзеі ва Украіне павінны стаць урокам для беларускіх грамадзянаў.
Крымінальная справа за відэаздымкі вайсковай тэхнікі на Аршанскім вакзале
Аршанскі міжраённы аддзел Следчага камітэту распачаў крымінальную справу супраць 26-гадовага хлопца, які зняў на відэа эшалон вайсковай тэхнікі. Пасля таго, як гэтае відэа з’явілася ў інтэрнэце, жыхара Оршы затрымалі за садзеянне экстрэмісцкай дзейнасці, і паводле ч.1 арт.361-4 Крымінальнага Кодэксу яму пагражае да шасці гадоў пазбаўлення волі. Пра гэты інцыдэнт, не называючы імя фігуранта крымінальнай справы, паведаміла дзяржаўная віцебская гарадская газета «Віцьбічы», надрукаваўшы нататку афіцыйнай прадстаўніцы УСК па Віцебскай вобласці Аксаны Лазько.
30 базавых за аватарку з Паўлам Севярынцам і бел-чырвона-белай стужкай
Грамадскага актывіста з Шаркоўшчыны Ігара Дземідовіча такім штрафам пакарала 24 студзеня суддзя Аксана Табола.