Што чакае палітвязняў пасля вызвалення?
Усё часцей становіцца вядома пра розныя метады ціску, якія выкарыстоўваюцца ў дачыненні да палітзняволеных, якія выходзяць з СІЗА і калоній. Таму важна ведаць што можа чакаць беларускіх грамадзян пасля таго, як яны цалкам адбудуць тэрмін, звязаны з пазбаўленнем волі.
Віцебскі аблвыканкам падпісаў пагадненне з уладамі Рэспублікі Крым, не прызнанай шэрагам краін свету
Афіцыйны тэлеграм-канал Віцебскага аблвыканкама паведаміў, што старшыня Віцебскага аблвыканкама Аляксандр Субоцін падчас рабочага візіту ў Маскву падпісаў пагадненні з Саветам Міністраў Рэспублікі Крым – урадам, створаным пасля анексіі Крыма і ўключэння яго ў склад Расейскай Федэрацыі.
У пачатку сакавіка ўлады абнавілі базу «дармаедаў»
У яе ўключылі тых, хто не змог пацвердзіць занятасць за кастрычнік-снежань 2022 года. У Віцебскай вобласці, гэта каля 25-30 тыс. чалавек, якія не занятыя ў стварэнні рэгіянальнага валавога прадукту.
Віцебская дэпутатка Таццяна Аўтухова мае намер пераабрацца ў 2024 годзе? Не відавочна
Даведацца, чым займалася дэпутатка Віцебскай Чкалаўскай выбарчай акругі № 18 Таццяна Аўтухова ў першыя месяцы 2023 года, дастаткова прааналізаваць яе асабісты сайт. Бо ад вынікаў дзейнасці і яе рэкламы залежыць магчымасць яе абранне на другі дэпутацкі тэрмін на парламенцкіх выбарах вясной 2024 года. Але пакуль ейная праца падаецца шэрай і мала выніковай для шэраговага выбаршчыка.
«Выхаванне патрыятызму» не стала панацэяй ад росту правапарушэнняў у падлеткавым асяродку
У Наваполацку правялі пашыранае пасяджэнне дырэктараў школ, дзе падводзілі вынікі выхаваўчай працы за мінулы год. Дырэктары трымалі справаздачу, як ва ўстановах адукацыі праходзілі мерапрыемствы да мінулага Году гістарычнай памяці. Былі агучаны лічбы, колькі прайшло «урачыстых мерапрыемстваў з абавязковым выкананнем гімна і падняццем дзяржаўнага сцяга», засведчана, што ў кожнай школе з’явіліся стэнды, прысвечаныя генацыду беларускага народу, а ў перспектыве маюць з’явіцца музейныя пакоі і экспазіцыі на гэтую тэматыку.
Рэчы вязня новаполацкай калоніі Віктара Бабарыкі ўлады прадавалі на аўкцыёнах
Як высветлілася, у 2022 годзе на аўкцыён выстаўлялі лоты ад яшчэ аднаго палітвязня - Віктара Бабарыкі. Размова аб аптычным прыцэле і дзелях у статутным фондзе кампаній. Пры гэтым на некаторых лотах хоць і быў пазначаны завінавачаным банкір, але належалі яны, як вынікае з абвестак, ягонаму сыну Эдуарду.
Эксперты ААН крытыкуюць беларускія ўлады за прысуд Нобелеўскаму лаўрэату Алесю Бяляцкаму
Пасля таго як суд у Мінску вынес знішчальны прысуд беларускаму праваабаронцу і Нобэлеўскаму лаўрэату Алесю Бяляцкаму, які атрымаў 10 гадоў пазбаўлення волі, эксперты ААН заклікалі міжнародную супольнасць нястомна дабівацца праўды і справядлівасці для ўсіх ахвяр парушэнняў правоў чалавека ў Беларусі. Адпаведная заява была апублікавана на сайце ААН.
15 сутак за падпіску на "Байпол" і “Байхелп”
У Полацку 7 сакавіка асудзілі прафсаюзнага лідара, старшыню Свабоднага прафсаюза Беларускага СПБ Мікалая Шараха. Яго судзілі за распаўсюд так званых экстрэмісцкіх матэрыялаў паволе часткі 2 артыкула 19. 11 КаАП (за падпіску ў “Фэйсбуку” на "Байпол" і “Байхелп”). Судовае пасяджэнне праходзіла ў судзе горада Полацка і Полацкага раёна.
У Полацку сёння затрымалі прафсаюзнага лідара Міколу Шараха
Інфармацыя аб затрыманні старшыні Свабоднага прафсаюза Беларускага СПБ Мікалая Шараха з’явілася ў Фэйсбуку Асацыяцыі “Салідарнасць”. Магчыма, заўтра з раніцы, ў Полацкім раёным судзе, 07 сакавіка, яго будуць судзіць па ч. 2 арт. 19.11 КаАП (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць).
За распаўсюд “экстрэмісцкіх матэрыялаў” суд змякчыў вайскоўцу пакаранне з арышту на штраф
Суддзя Віцебскага абласнога суда Ірына Смалякова 20 лютага 2023 года разгледзела пратэст гарадскога пракурора на пастанову ад 10 лютага ў дачыненні да вайскоўца Аляксандра Цяляка, які нібыта распаўсюджваў у сацыяльных сетках "экстрэмісцкія матэрыялы". Было ўстаноўлена, што, суддзя суда Кастрычніцкага раёна Віцебска Уладзімір Царыкаў няправільна прымяніў нормы дзеючага адміністрацыйнага закона. На гэтай падставе, вышэйстаячым судом было зменена рашэнне арыштаваць Цяляка на 13 сутак, але пастановіў пакараць яго штрафам у памеры 1110 рублёў.