У Бешанковічах моладзь заклікалі далучацца да БРСМ, а не да «ЧВК Родан»
Паводле супрацоўніка інспекцыі па справах непаўналетніх Бешанковіцкага РАУС Аляксандра Мамойкі, у рэгіёнах супрацоўнікам міліцыі загадана праглядаць сацыяльныя сеткі не толькі на прадмет «экстрэмізму», але і шукаць прыхільнікаў моладзевых субкультур. Асабліва пільна сочаць міліцыянты за развіццём падзеяў вакол «ЧВК Родан» – супольнасці аматараў анімэ Hunter x Hunter, а таксама за групоўкамі футбольных фанатаў. І хаця ў правінцыйных Бешанковічах пра супрацьстаянне гэтых субкультур вядома толькі са СМІ, мясцовыя «эксперты», як іх назвала мясцовая «раёнка», спрабуюць папярэдзіць скандальныя інцыдэнты.
У Мёрах прайшлі спаборніцтвы старшакласнікаў па кіданні гранаты і нараду на кухні
Як паведамляе Наталля Гагалінская, намеснік дырэктара па вучэбна-выхаваўчай рабоце, у Мёрах прайшла ваенна-патрыятычная гульня «Школа будучага салдата». Каманды 10 і 11 класаў і зборная «Юны пажарны» спаборнічалі ў гэтым мерапрыемстве, якое адбылося ў СШ №3 горада.
У Віцебскай вобласці практычна вырашана пытанне з карупцыяй. За яе праявы асуджана толькі 0,25% дзяржслужачых
Судамі Віцебскай вобласці за 2022 год за здзяйсненне злачынстваў карупцыйнай накіраванасці было асуджана 58 асоб. Гэта на 12,1% менш, чым у 2021 годзе, калі за падобныя злачынныя дзеянні былі прыцягнутыя да крымінальнай адказнасці 66 чыноўнікаў. З улікам, што ў рэгіёне ў дзяржаўным кіраванні працуюць больш за 23 тыс. чалавек, то можна сцвярджаць, што на Віцебшчыне карупцыя пераможана.
Сілавікі правялі ператрус у грамадскага актывіста і журналіста з Шаркаўшчыны
У нядзелю, 12 сакавіка, дамоў да Андрэя Букі завіталі мясцовыя міліцыянты Маліноўскі і Някрасаў і прынеслі пастанову пра ператрус.
Каля 30 чалавек звольнілі з адной арганізацыі ў Глыбокім па палітычных матывах
У пачатку сакавіка ў Глыбоцкім гарадскім доме культуры адбылося ўрачыстае мерапрыемства, прысвечанае 60-годдзю з дня ўтварэння Глыбоцкіх электрычных сетак. А ўжо праз некалькі дзён пасля гэтага ў арганізацыі пачаліся чысткі па палітычных матывах. Там былі звольненыя людзі не толькі за тое, што хадзілі на акцыі, але і за тое, што ставілі подпісы падчас мінулай прэзідэнцкай кампаніі не за Лукашэнку, за тое, што дапамагалі фінансава тым, каго ўлады незаконна штрафавалі, ды і ўвогуле за салідарнасць з іншымі беларусамі і нелаяльнасць да цяперашняй улады ў Беларусі.
Што трэба ведаць пра "экстрэмісцкія фармаванні"
З 18 лістапада 2021 года ў Беларусі Камітэт дзяржаўнай бяспекі і Міністэрства ўнутраных справаў прызналі больш за 120 "экстрэмісцкіх фармаванняў". Гэта тэлеграм-каналы і чаты, незалежныя СМІ, грамадскія аб'яднанні, полк Кастуся Каліноўскага і нават музыкальны гурт.
Гімн «Магутны Божа» выключаць з праграмы Наваполацкага музычнага каледжа?
Недапушчальную «крамолу» выкрыў дэпутат Палаты прадстаўнікоў Нацыянальнага сходу Сяргей Клішэвіч. У межах ідэалагічнага моладзевага праекту «ЗАчетный разговор»ён выступіў перад навучэнцамі палітэхнічнага і музычнага каледжаў, дзе і высветлілася, што твор «Магутны Божа» уключаны ў праграму па музычнай літаратуры для будучых выкладчыкаў музычных дысцыплін, прычым гэтая праграма з’яўялецца тыповай для навучальных устаноў культуры, і законным чынам узгоднена ў 2021годзе.
У дачыненні да праваабаронцы Паўла Левінава ўлады распачалі крымінальную справу па “народным” артыкуле
Пра гэта Павел даведаўся праз тры месяцы, пасля таго, як яно, 01 снежня 2022 года, было выдзеленага ў асобную вытворчасць Галоўным упраўленнем па расследаванні злачынстваў у сферы арганізаванай злачыннасці і карупцыі Цэнтральнага апарата Следчага камітэта па ч.2 арт. 342 (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) КК РБ. У выпадку, калі справа будзе разгледжаная ў судзе, Паўлу Ісакавічу пагражае пакаранне ў выглядзе арышту да трох месяцаў або пазбаўленнем волі на тэрмін да трох гадоў.
У Віцебску асудзілі пастаўчаніна за захоўванне інфармацыі ў “Тэлеграме”
Як стала вядома, Суд Кастрычніцкага раёна горада Віцебска 17 лютага асудзіў Кірыла Джэмігу з Паставаў на 11 сутак арышту па адміністрацыйнай справе па частцы 2 артыкула 19.11 (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуючай такую). Згодна з пастановай суда, было ўстаноўлена, што ён захоўваў інфармацыю ў “Тэлеграме”, якая ўключаная ў так званы спіс экстрэмісцкіх матэрыялаў з мэтай распаўсюджвання нявызначанаму колу асобаў.
Тelegram-канал «Віцебская Вясна» трапіў у спіс экстрэмісцкіх матэрыялаў
Адпаведнае рашэнне 6 сакавіка прыняў суд Кастрычніцкага раёну Віцебску. У той самы дзень берасцейскі суд Ленінскага раёну прызнаў «экстрэмісцкай» інфармацыйнай прадукцыяй праваабарончы сайт «Берасцейская вясна».