Палітзняволеных праваабаронцаў «Вясны» этапавалі ў калоніі
Стала вядома, што Алеся Бяляцкага этапавал ў папраўчую калонію №9 у Горках, Валянціна Стэфановіча — у папраўчую калонію №15 у Магілёве, а Уладзя Лабковіча — у папраўчую калонію №17 у Шклове.
«Надзейныя» вучні віцебскай СШ №45 сталі «гвардзейцамі»
У Віцебску з’явіўся яшчэ адзін вайскова-патрыятычны клуб. Яго назвалі «Гвардыя», бо вучняў сярэдняй школы №45 імя «бацькі» дэсантных войскаў Васіля Маргелава збіраюцца навучаць патрыятызму пад кіраўніцтвам вайскоўцаў са 103-й асобнай гвардзейскай паветрана-дэсантнай брыгады. Не дужа разбіраючыся ў асаблівасцях сучаснай выхаваўчай працы, гарадская газета «Витьбичи» нават напісала, што клуб адкрыўся непасрэдна пры вайсковым падраздзяленні. Насамрэч – пры школе, дзе ўжо не першы год праводзяцца рознага кшталту ваенізаваныя заняткі. І гэта захапленне адміністрацыі навучальнай установы настолькі глабальнае, што на сайце школы немагчыма знайсці згадак пра «мірныя» дзіцячыя заняткі, кшталту гуртка малявання, самадзейнага тэатра, конкурсаў юных кулінараў або на найлепшую мяккую цацку. У справаздачах -- выключна ідэалагічныя марапрыемствы.
У Віцебску прынялі ўдзельнікаў прарасейскага маршу-эстафеты «Наша великая Родина»
У дзяржаўных СМІ гэтая падзея падавалася як наведванне горада «дэсантам» Саюзнай дзяржавы з нагоды 78-х угодкаў перамогі ў Вялікай Айчыннай вайне. Удзельнікі, як падркэсліваецца, «міжнароднага праекту», усклалі да манументу на Плошчы Перамогі кветкі і гірлянду са стужкамі ў колерах расейскага і беларускага дзяржаўных сцягоў. Адбывалася гэта пад транспарантам з надпісамі «За Россию! За Победу! За союз братских народов! За нашу Великую Родину!» Аднак не толькі і не столькі перамозе 78-гадовай даўніны прысвечаны гэты праект, які рэалізуецца ў Расейскай Федэрацыі ўжо 10 гадоў. Калі раней гэта былі паездкі па гарадах-героях і месцах найбольш значных баёў, то сёлета марш-эстафета прысвечана так званым «новым расейскім рэгіёнам» і мае выразны антыўкраінскі пасыл.
Без чырвона-зялёнай бутаньеркі да конкурсу не дапусцяць
На Віцебшчыне з 5-га траўня распачынаецца «Абласны патрыятычны інтэрнэт-марафон #ПесниПобеды» - так называецца мерапрыемства, ініцыяванае абласным камітэтам БРСМ. Ахвотным ўзяць удзел прапанавана запісаць фрагмент музычнага выступу даўжынёй да 90 секунд, выканаўшы фрагмент песні пра перамогу або пра мір. Галоўная ўмова – каб удзельнікі абавязкова прычапілі да адзення бутаньерку «Кветкі Вялікай Перамогі», прычым ініцыятары конкурсу акцэнтуюць, што яна павінна размяшчацца «на грудзёх злева».
У Віцебску да Дня Перамогі адчынілі выставу зброі з калекцыі былога міністра МУС Шуневіча
Тое, што ў «Год мира и созидания» ў абласным цэнтры да 9 траўня адчынілі выставу зброі, выглядае двухсэнсоўна. Але экспзазіцыя, размешчаная ў Віцебскім краязнаўчым музеі, мае яшчэ адну асаблівасць: гэта прыватны збор былога міністра МУС Ігара Шуневіча, які прызнаваўся, што з“яўляецца апантаным калекцыянерам зброі – проста «памяшаны на гэтым». Спадар Шуневіч, які быў Міністрам унутраных справаў з 2012 па 2019 гады, яшчэ падчас знаходжання на гэтай пасадзе казаў, што колькасць агняпальнай зброі, якую ён захоўвае, даўно перавысіла дазволены заканадаўствам максімум, і таму ён быў вымушаны ўзяць ліцэнзію на калекцыянаванне.
Жыхара Наваполацка суд арыштаваў на 30 сутак за пікет і распаўсюд экстрэмізму
Суддзя суда Наваполацка Зінаіда Балаболава 17 красавіка пастанавіла арыштаваць на 30 сутак слесара-рамонтніка цэха №729 ААТ «Нафтан», сябра рэгіянальнага веласіпеднага клуба «Верста» Вячаслава Шэфа. Суддзя палічыла даказаным тое, што Вячаслаў распаўсюджваў у сацыяльных сетках "экстрэмісцкія матэрыялы" і правёў віртуальны пікет у інтэрнэце.
Шумілінскія чыноўнікі адрадзілі савецкую традыцыю
У Шуміліне 28 красавіка адбылося ўрачыстае адкрыццё абноўленай Дошкі гонару Шумілінскага раёна, на якую занесены 14 работнікаў і 7 арганізацый і калектываў. На думку чыноўнікаў, пераможцы дасягнулі найлепшых паказчыкаў у мінулым 2022 годзе. Улады, акрамя дыпломаў, выплацілі намінантам прэміі: арганізацыям па 555, а работнікам па 370 рублёў.
Буйны штраф і пераразлік
Гэтым пужаюць улады браслаўчанам за самавольнае падлучэнне да сістэмы водазабеспячэння.
Пракурор Антон Васілевіч папярэдзіў жыхароў Віцебшчыны пра наступствы пікетавання ў інтэрнэце
У рубрыцы «Правовой ликбез» старшы пракурор аддзела Віцебскай абласной пракуратуры тлумачыць чытачам газеты «Витебские вести», што сёння пакараць могуць нават за тое, чаго няма ў «Кодэксе аб адміністрацыйных правапарушэннях Рэспублікі Беларусь». У прыватнасці, у артыкуле 24.23 КаАП «парушэнне парадку арганізацыі і правядзення масавых мерапрыемстваў» нічога не сказана пра тое, што размяшчэнне фотаздымкаў у Інтэрнэце з'яўляецца пікетаваннем. І што, адпаведна, на гэта таксама трэба браць дазвол у мясцовых уладаў.
Суд пакараў штрафам рабочую за адну фатаграфію ў сацыяльнай сеткі
Суддзя суда Міёрскага раёна Ірына Яскевіч аштрафавала на 740 рублёў мясцовую жыхарку прыбіральшчыцу памяшканняў Вольгу Рынкевіч, якая выхоўвае малалетняга сына. Падставай адміністрацыйнага пакарання стала, на думку ўладаў правядзенне Вольгай пікета ў Інтэрнэце.