У такім выглядзе моладзі ад 14 да 31 году прапанавана не толькі зняцца ў відэароліку, але й размясціць яго ў перыяд да 9 траўня ў сацыяльных сетках, адзначыўшы акаўнт Віцебскай абласной арганізацыі БРСМ у Instagram і паставіць хэштэгі #ПесниПобеды, #Беларусьпомнит, #молодежьпомнит.

Бутаньерка «Кветкі Вялікай Перамогі», якая складаецца са стужкі ў колерах беларускага дзяржаўнага сцяга, кветкі яблыні і двух зялёных лісткоў, была прэзентавана ў 2015 годзе на 42-м з“ездзе БРСМ. З тае пары яе афіцыйна зрабілі сімвалам святкаванняў 9 траўня і 3 ліпеня: чырвона-зялёную кампазіцыю з белай кветкай змушаюць чапляць на форменнае адзенне не толькі ўдзельнікаў урачыстых дэманстрацый, але нават правадніц у цягніках і касірак у супермаркетах.

 Пра распаўсюд такіх бутаньерак вельмі негатыўна выказалася вядомая віцебская прыхільніца «русского мира» Эльвіра Мірсалімава. Яна заявіла, што чырвона-зялёныя бутаньеркі – гэта здрада ідэалам Перамогі, сапраўдным сімвалам якой з“яўляецца выключна «георгіеўская» стужка. Таксама яна ў адкрытую паведаміла, што перад 9 траўня і ў гэты дзень непасрэдна будзе распаўсюджваць іх у Віцебску асабіста.

Жанна Жалейка