Судовыя ўлады пазбавілі рэгістрацыі рэспубліканскую ветэрынарную асацыяцыю
Вярхоўны суд 9 лютага прыняў рашэнне ліквідаваць грамадскае аб'яднанне "Беларуская ветэрынарная асацыяцыя". Ініцыятарамі знішчэння чарговай недзяржаўнай некамерцыйнай структуры сталі чыноўнікі з Упраўлення па пытаннях некамерцыйных арганізацый Міністэрства юстыцыі.
Да жыхароў Віцебску, асуджаных раней па «палітычных» артыкулах, будзе штомесяц заходзіць міліцыя
Пра тое, што такую інфармацыю агучыў міліцыянт, які прыходзіў да яе дадому 10 красавіка, паведаміла ў Фэйсбуку жыхарка Віцебску Тамара Ільіна. У студзені 2021 года яе затрымалі ў прыгарадным Шпілёўскім лесе разам з яшчэ шасцю жанчынамі і абвінавацілі ў несанкцыянаваным пікетаванні. Спадарыні выйшлі папрактыкавацца ў скандынаўскай хадзе, але апынуліся ў пастарунку. Іх 8 гадзінаў трымалі пад вартай без ежы і магчымасці прыняць лекі, нягледзячы на тое, што палова затрыманых віцяблянак была ўжо ў пенсійным веку... Пасля гэтага выпадку пенсіянерка Тамара Ільіна трапіла ў нейкі «спіс», паводле якога міліцыянты ладзяць свае рэйды.
«Слово офицера». Спецпраект раённай газеты для дэзінфармацыі жыхароў Расоншчыны
Мясцовая газета распачала на сваіх старонках так званую «дыялогавую пляцоўку» пад назовам «Слово офицера», але не для дыялогу з чытачамі, а для маналогаў чатырох жыхароў рэгіёну, якія маюць вайсковыя званні. Гэта падпалкоўнік у адстаўцы Грыгорый Русіновіч кіраўнік раённай арганізацыі ГА "Белорусский союз офицеров", чалец гэтай арганізацыі, маёр Сяргей Дубкоў -- былы супрацоўнік Расонскага РАУС, падпалкоўнік Віктар Вашчанка, які служыў у МУС СССР, і Уладзімір Сакалоў – маёр МУС Расейскай Федэрацыі. На думку рэдакцыі, яны «ведаюць крыху болей за шэраговага чалавека, уважліва сочаць за абстаноўкай у краіне і ў свеце і гатовыя абмяркоўваць важныя грамадска-палітычныя падзеі».
У Воршы, за распаўсюд «экстрэмісцкіх» матэрыялаў, аштрафавалі начальніка аховы працы
Суддзя суда Аршанскага раёна і Оршы Юлія Вяршыніна 24 сакавіка за распаўсюджванне экстрэмісцкіх матэрыялаў у сацыяльнай сетцы Facebook аштрафавала на 925 рублёў начальніка аховы працы і прамысловай бяспекі РУП Віцебскай філіі «Аршанская ЦЭЦ» Кацярыну Паўтарацкую.
Пасля 10 сутак арышту полацкі навуковец не выйшаў на волю
Кандыдата філасофскіх навук Ігара Бортніка не выпусцілі з ІЧУ пасля адбыцця ім прысуджаных 10 сутак адміністрацыйнага арышту. Улады працягваюць яго ўтрымліваць у няволі, не гледзячы на тое, што Ігар мае сур'ёзныя праблемы са здароўем.
У Паставах праслаўляюць казацкі рух
У выставачнай зале пастаўскага раённага музея ў палацы Тызенгаўзаў адкрылася выстава, прысвечаная гісторыі пастаўскага казацкага руху. Піша сайт postawy.by.
Улады пакаралі арыштам прадпрымальніка з Віцебска за распаўсюд экстрэмісцкіх матэрыялаў
Суддзя суда Першамайскага раёна Віцебска Міхаіл Юрчанка 27 сакавіка за захоўванне з мэтай распаўсюджвання інфармацыйнай прадукцыі ў глабальнай кампутарнай сеткі «Інтэрнэт», уключанай у рэспубліканскі спіс экстрэмісцкіх матэрыялаў, падвергнуў пакарання ў выглядзе адміністрацыйнага арышту тэрмінам на 10 сутак віцебскага прадпрымальніка Канстанціна Буймова.
«Агітаваць, каб не з’зджалі з Беларусі.» Праўладная газета паставіла новую задачу педагогам
У дзяржаўнай газеце «Витебские вести»апублікавалі артыкул пра патрыятычнае выхаванне. У ім карэспандэнтка Лілія Іўчанка распавяла пра віцебскага выкладчыка, які сказаў, што з дыпломам ягонай ВНУ будзе легка знайсці працу ў любой краіне свету. Педагагічныя кадры з такімі перакананнямі «нельга дапускаць у навучальныя аўдыторыі», — адкаментавала сітуацыю Таццяна Аўтухова, былая дырэктарка школы, а цяпер удзельніца камісіі Палаты прадстаўнікоў Нацыянальнага Сходу па адукацыі, культуры і навуцы.
Абарвалася сувязь з Мікалаем Статкевічам
Жонка зняволенага палітыка, Марына Адамовіч, напісала на сваёй старонцы ў Фэйсбуку, што ўжо 56 дзён не атрымлівае ад яго лістоў. Раней сувязь перарывалася, калі Мікалая Статкевіча каралі знаходжаннем у ШІЗА. Аднак цяпер жонка палітвязня не атрымлівае адказаў нават на лісты да адміністрацыі Глыбоцкай ПК 13, у якіх пытаецца, што здарылася з мужам.
Улады прадаюць аб'екты, звязаныя з гісторыяй і культурай. Утрымліваць іх у бюджэце няма грошай
У Віцебская вобласці шэсць аб'ектаў гісторыка-культурнай спадчыны выстаўлена на таргі ў красавіку камітэтам "Віцебскаблмаёмасць". Усяго ж на красавік прызначана 50 аўкцыёнаў. Некаторыя аб'екты будуць прадавацца з устанаўленнем пачатковай цаны, роўнай адной базавай велічыні, т.б. за 37 рублёў.