Жыхароў аграгарадка Глыбачка «ашчаслівілі» асфальтам
«Ажыццяўленнем мары называюць у Глыбачцы асфальтаванне адразу некалькіх працяглых вуліц», -- піша вушацкая раённая газета «Патрыёт». Нават у самыя застойныя савецкія часы такі мінімальны клопат пра людзей не станавіўся тэмай для газетных публікацый у якасці прыкладу таго, як мясцовыя ўлады «дбаюць» пра людзей.
Калі ў справе Дзяржкантроль – адразу знаходзяцца «дадатковыя сродкі»
Некалькі гадоў кіроўцы і проста жыхыры Оршы пісалі пра нездавальняючы стан дарогі па вуліцы 2-я Шклоўская пры пад'ездзе да аўтазапраўкі. І некалькі годоў гэтая праблема ігнаравалася. Аж пакуль Дзяржкантроль не абвясціў кампанію па зборы скаргаў на стан дарог. І тут здарыўся цуд...
На мінулым тыдні ў судах Віцебскай вобласці адбыліся 35 судоў па палітычных «адміністратыўках»
Асабісты «працоўны рэкорд» 25 кастрычніка ў судзе Чыгуначнага раёна Віцебска ўстанавіла суддзя Алена Цыганкова: яна правяла адзін за адным 5 судовых працэсаў паводле ч.2 арт.19.11 КаАП. Найбольшая колькасць судоў па палітычных «адміністратыўках» - 13 - у гэтым месяцы была зафіксавана 28 кастрычніка. Кастрычнік ўвогуле трымае сумнае лідарства: менавіта ў гэтым месяцы зафіксавана найбольшая колькасць судоў - 95- паводле ч.2 арт.19.11 КаАП і ч.1 арт. 24.23 КаАП
У Шаркаўшчыне вінаватых ва ўтварэнні стыхійных звалак смецця збіраюцца шукаць... па почырку
З 25 кастрычніка на тэрыторыі раёна актывізавана работа па выяўленні і ліквідацыі несанкцыянаваных звалак адходаў, у тым ліку па ўстанаўленні вінаватых асоб у іх адукацыі. Раённая інспекцыя прыродных рэсурсаў прапануе арыгінальны метад пошуку правапарушальнікаў. Праўда, для гэтага прыйдзецца пакапацца ў смецці.
Калі няма добрых навін, пішы пра сметніцы!
«Аршанская газета», імкнучыся распавядаць пра добрае жыццё ў Беларусі і ў тутэйшым рэгіёне, размясціла на сайце артыкул «Работники Оршанской спецавтобазы проводят работы по установке дополнительных мусоросборников». Тэкст суправаджаецца цэлым фотарэпартажам з выявамі шчаслівых камунальнікаў і ўласна сметніц.
Мінімум 95 палітычных адміністрацыйных спраў было разгледжана ў кастрычніку судамі Віцебскай вобласці
Праваабаронцы ведаюць далёка не пра ўсе судовыя працэсы, якія праходзяць на Віцебшчыне паводле арт. 19.11 КаАП і арт. 24.23 КаАП. Бо тыя суды, якія адбываюцца над затрыманымі жыхарамі рэгіёну ва ўмовах ІЧУ праз анлайн-сувязь, як правіла, не ўказваюць у раскладах судоў. Таму іх сапраўдная колькась можа быць у некалькі разоў большай.
Уступіў у сілу прысуд Вользе Карач і Яўгену Вільскаму, якіх судзілі ў парадку спецвытворчасці
Нагадаем, сёлета ў ліпені ў Брэсцкім абласным судзе завочна вынеслі прысуды «удзельнікам экстрэмісцкага фарміравання «Форум дэмакратычных сіл Беларусі». У яго складзе згадваліся ўраджэнка Віцебска Вольга Карач і жыхар Наваполацка Яўген Вільскі, якія цяпер знаходзяцца за мяжой. Згодна з афіцыйным паведамленнем Генеральнай пракуратуры, пасля пасяджэння судовай калегіі Вярхоўнага суда, вырак суда першай інстанцыі ўступіў у законную сілу.
Газета «Витебские вести» параўнала «методы ведения идеологической войны немецко-фашистскими захватчиками» і дзеянні «сучасных экстрэмістаў»
Журналіст газеты Яўген Карпас, прыгадваючы «нямецка-фашысцкіх захопнікаў», відавочна падмяняе гістарычныя факты: піша пра Беларускую краёвую абарону – вайсковае фармаванне, створанае ў 1944 годзе, і пра Саюз беларускай моладзі, створаны ў 1943 годзе. І настойвае, што «асобы, якія імкнуцца раз'яднаць беларускае грамадства», дзейнічаюць па тых самых прынцыпах і нават пад тымі самымі лозунгамі. Аднак прыклады журналіста сведчаць пра іншае.
Актывіст палічыў, колькі будзе каштаваць гарадскому бюджэту новая Плошча герба і сцяга ў Віцебску. Прычым гэта не поўная сума
Мясцовыя ўлады штораз падкрэсліваюць, што флагшток вышынёй 69 метраў і вагой 17 тонн падараваў гораду мецэнат, імя якога не разгалошваецца. Але выдаткі на гэтую канструкцыю, падобна, не самыя вялікія ў параўнанні з аздабленнем самой плошчы. Паводле на сайце дзяржзакупак актывіст Дзмітрый Карняенка падлічыў прыблізную суму, якую гарвыканкам гатовы выдаткаваць на новы аб'ект інфпаструктуры. І яна яшчэ не поўная.
25 жыхароў Докшыцкага раёна былі сёлета прыцягнуты да суду за «экстрэмісцкія дзеянні»
Такую статыстыку са спасылкай на старшага памочніка пракурора раёна Наталлю Піскуновіч прыводзіць раённая газета «Родныя вытокі» «Экстрэмісцкімі дзеяннямі» выданне называе правапарушэнні, якія кваліфікуюцца паводле арт. 19.11 КаАП. Пра тое, ці былі прыцягнутыя жыхары Докшыччыны да крымінальнай адказнасці па «экстрэмісцкіх» артыкулах, не паведамляецца нічога.