Лепельскі райвыканкам устанавіў новыя кошты на камунальныя паслугі ў 2025 годзе. Але няма празрыстасці для грамадзян
Той нярэдкі выпадак, калі рашэнні мясцовых уладаў фармальна адпавядаюць дзейнаму беларускаму заканадаўству, але тыя, на каго дзеянне заканадаўства скіравана, не ведаюць і не разумеюць, чаму так адбываецца. Юрыст прыводзіць прыклад – разбірае рашэнне Лепельскага райвыканкама «Об установлении планово-расчетных цен на жилищно-коммунальные услуги на 2025 год".
Палітвязня Аляксандра Камлёнка накіравалі адбываць пакаранне ў ПК 22 у Івацэвічах
Як стала вядома праваабаронцам, ён знаходзіцца там з 11 лістапада. Сёлета ў жніўні жыхар Оршы быў асуджаны Віцебскім абласным судом да трох гадоў зняволення паводле ч.1 арт. 368 КК (Абраза прэзідэнта Рэспублікі Беларусь) і ч.1 арт. 361-2 КК( Фінансаванне дзейнасці экстрэмісцкага фармавання).
Пастаўскі райвыканкам увёў абмежаванні на віды прадпрымальніцкай дзейнасці
Пастаўскі райвыканкам прыняў рашэнне «Об установлении перечня наиболее значимых видов индивидуальной предпринимательской деятельности». Толькі згаданыя ў ім віды прадпрымальніцкай дзейнасці будуць падтрыманыя «для забеспячэння працаўладкавання беспрацоўных», уключаючы фінансавую падтрымку. Такім чынам дзяржава вядзе кантроль над усімі аспектамі эканамічнага і сацыяльнага жыцця, у тым ліку і над малым бізнэсам, лічыць юрыст.
На Полаччане размяркоўваюць «дадатковыя сродкі». Чаму ў канцы года «растуць» мясцовыя бюджэты?
Мясцовыя органы ўлады ў канцы года мяняюць раённыя бюджэты ў бок павелічэння. Гэта характэрна не толькі для Беларусі, але і для іншых цэнтралізаваных сістэм кіравання, дзе бюджэтнае планаванне мае дырэктыўны характар. Юрыст прапануе разгледзець у якасці прыклада адпаведнае рашэнне Полацкага раённага савета дэпутатаў.
Віцебскага лекара, збітага сілавікамі, асудзілі да чатырох гадоў калоніі пасля размоваў з правакатарам
Паводле прэсавай службы Віцебскага абласнога суда, Аляксандр Рандарэнка прызнаны вінаватым у наўмысных дзеяннях, накіраваных на ўзбуджэнне расавай, нацыянальнай і іншай сацыяльнай варожасці і варожасці (па ч.1 арт.130 КК, ) а таксама ў наўмысных дзеяннях па рэабілітацыі нацызму (па ч.1 арт.130-1 КК). Па сукупнасці злачынстваў шляхам частковага складання прызначаных пакаранняў ён асуджаны да пазбаўлення волі на 4 гады ў папраўчай калоніі ва ўмовах агульнага рэжыму.
Неабыякавы чалавек два гады змагаецца за рамонт лесвіцы ў віцебскім парку імя 30-годдзя ВЛКСМ
Парк імя 30-годдзя ВЛКСМ – адзінае з вызначаных для пікетавання месцаў у Першамайскім раёне. Ужо хаця б дзеля гэтага ён мусіў бы выглядаць больш-менш прыстойна, не кажучы ўжо пра вялікі «прыродны патэнцыял» гэтага месца. Парк знаходзіцца на высокім узбярэжжы Дзвіны, і да берага, дзе калісьці быў пляж і спыняліся рачныя цеплаходы, некалі вяла прыгожая шырокая лесвіца. Цяпер няма ні пляжа, ні прыстані, а лесвіцца развальваецца.
У Талачыне адвялі ўчастак пад новыя могілкі. Ці ўсё ўлічыў райсавет?
Талачынскі райсавет прыняў рашэнне наконт стварэння новых могілак на тэрыторыі Талачынскага сельсавета Талачынскага раёна Віцебскай вобласці паблізу аўтамабільнай дарогі Н-3606. Што павінны ў такіх выпадках улічваць мясцовыя ўлады і ці мусяць узгадняць сваё рашэнне з грамадскасцю, разважае юрыст.
Віцебская гарадская пракуратура постфактум распавяла пра прысуд Паўлу Іванову, асуджанаму за «шэраг злачынстваў супраць парадку кіравання»
56-гадовага мужчыну затрымалі сёлета ў чэрвені. Тэлеграм-каналы, блізкія да сілавікоў, паказалі, як затрыманага Паўла Іванова вядуць у следчы камітэт проста ў халаце... Бо ён нібыта "мечтал устроить хаос и разруху» ў Беларусі, пісаў каментары ў інтэрнэце і браў удзел "у масавых беспарадках" у 2020 годзе. Ён быў асуджаны паводле ч.1 арт. 368 КК (абраза прэзідэнта Рэспублікі Беларусь) і арт. 369 КК (абраза прадстаўніка ўлады).
Дарогу ў Андрэеўшчыне паабяцалі адрамантаваць. Праўда, толькі ў наступным годзе
Перамогі, хоць на сённяшні дзень і не поўнай, дамагліся актывісты Аршаншчыны – аўтары и падпісчыкі петыцыі пра нездавальняючы стан дарожнага пакрыцця на вуліцы Новай у вёсцы Андрэеўшчына пад Оршай. Калі верыць лісту з Аршанскага райвыканкама, то дарогу адрамантуюць не пазней як у чэрвені наступнага, 2025 года.
Помніка Генрыху Дмахоўскаму – выбітнаму скульптару і інсургенту – у Докшыцах не будзе. Яго не прызналі «сваім»
Актывісты Віцебшчыны прапаноўвалі ўсталяваць у райцэнтры помнік да наступных, 215-х угодкаў Генрыха Дмахоўскага, які загінуў падчас паўстання 1863-64 гадоў каля маёнтка Парэчча цяперашняга Докшыцкага раёна. У афіцыйным адказе на гэтую прапанову гаворыцца, што «жизнедеятельность Генрыха Дмахоўскага не связана с Докшицким районом».