Алесь Разанаў у Віцебску: Правінцыя – гэта калі людзі перастаюць мысьліць…
У нядзелю 15 сьнежня ў Віцебскай абласной бібліятэцы прайшла доўгачаканая сустрэча зь беларускім паэтам Алесем Разанавым. Ляўрэата шматлікіх нацыянальных і міжнародных літаратурных прэмій, ганаровага доктара ЭГУ, сябра Саюзу беларускіх пісьменьнікаў і Саюзу пісьменьнікаў Літвы Алеся Разанава віталі ў залі гучнымі аплядысмэнтамі.
Полацкі блогер Алесь Круткін – на волі: міліцыянты вывезьлі яго ў іншы канец гораду
У пятніцу 13 сьнежня полацкі блогер Алесь Круткін, які адседзеў 15 сутак за рэпост у Фэйсбуку, выйшаў на волю. Міліцыянты адвезьлі яго ў іншы канец гораду – далей ад сяброў, якія чакалі яго вызваленьня каля цэнтральнага РАУС. Выпускаючы Круткіна, вельмі прасілі, каб ягоныя сябры ня ладзілі каля міліцыі «масавых мерапрыемстваў»…
«Замахнулася нажом на судовых выканаўцаў». Жанчыну прысудзілі да псыхушкі
Суд Гарадоцкага раёну прысудзіў 42-гадовую Алену Емяльянаву да прымусовага лячэньня ў псыхіятрычным стацыянары. Паводле пастановы, яна «замахнулася нажом на службовых асобаў», перашкодзіўшы ім выконваць свае абавязкі (ч.1 арт. 366 КК). Жанчына ня згодная з такім рашэньнем, але да ўдзелу ў судзе яе проста не дапусьцілі…
1900 рублёў на дваіх: журналістаў аштрафавалі за сюжэт пра беды вяскоўцаў
12 сьнежня суд Віцебскага раёну разгледзеў адміністрацыйную справу ў дачыненьні журналістаў-фрылянсэраў Алены Шабуні і Зьмітра Лупача. Іх абвінавацілі ў незаконным вырабе і распаўсюдзе прадукцыі сродкаў масавай інфармацыі (ч. 2 арт. 22.9 КаАП РБ). Справу разглядала судзьдзя Ганна Ігнаценка.
Віцебскія назіральнікі: Сёлетняя выбарчая кампанія – самая брудная з усіх папярэдніх
У сераду 11 сьнежня Мікалай Казлоў і Анатоль Лябедзька сустрэліся з сябрамі віцебскай арганізацыі АГП і назіральнікамі на мінулых выбарах. Адбылося абмеркаваньне вынікаў назіраньня за сёлетняй кампаніяй ды пытаньня ўдзелу ў назіраньні за выбарамі ў 2020 годзе.
«У Віцебску будуць пратэсты!» Актывісты раяць уладам адмовіцца ад будаўніцтва Палацу шлюбаў
Віцебскія актывісты на чале з Тацянай Севярынец запісаліся на прыём да старшыні Віцебскага гарадзкога Савету дэпутатаў Уладзімера Бялевіча, каб абмеркаваць пытаньне меркаванага будаўніцтва Палацу шлюбаў. Але ўзьнялі і іншыя праблемы. Сустрэча адбылася ў Дзень правоў чалавека 10 сьнежня.
Актывістка ініцыятывы «Справядлівы прысуд»: Спадзяёмся, да галадовак ня дойдзе
«Некаторыя людзі ў пагонах абарзелі і павінны быць выключаныя з грамадзтва», – заявіў Лукашэнка ў жніўні 2019 году. Празь месяц пасьля выступу шэраг грамадзянаў заявілі аб стварэньні новай ініцыятывы – «Справядлівы прысуд». Якія мэты яна перасьледуе і як мяркуе іх дасягнуць? Паразмаўлялі з адной з заснавальніц грамадзянскай ініцыятывы Тамарай Голубевай.
Барыс Хамайда: Трэба гуртавацца вакол нацыянальнай ідэі і змагацца за правы чалавека
10 сьнежня міжнародная супольнасьць адзначае 71-ю гадавіну прыняцьця Ўсеагульнай дэклярацыі правоў чалавека. У Беларусі правы чалавека дагэтуль ня сталі ўнівэрсальнай каштоўнасьцю. Пра тое, што замінае гэтаму і што рабіць беларусу ў сёньняшніх умовах, разважае найстарэйшы віцебскі апазыцыянэр Барыс Хамайда.
У Дзень правоў чалавека актывісты раздавалі мінакам спэцвыпуск «Народнай Волі» – фотафакт
10 сьнежня 1948 году Генэральная Асамблея ААН зацьвердзіла і абвясьціла Ўсеагульную дэклярацыю правоў чалавека. Віцебскія праваабаронцы традыцыйна адзначылі гэтую дату бясплатнай раздачай спэцнумару газэты «Народная воля», якая выйшла ў гэты дзень з укладкай «Бараніць правы можа кожны!»
Пабачыла сьвет «Шэрая кніга – 2019. Хроніка парушэньняў правоў чалавека ў Віцебскім рэгіёне»
Напярэдадні міжнароднага Дня правоў чалавека на «Віцебскай вясьне» зьявіўся шосты выпуск штогодніка «Шэрая кніга. Хроніка парушэньняў правоў чалавека ў Віцебскім рэгіёне». Праваабаронцы прааналізавалі ў выданьні стан правоў чалавека ў Віцебскай вобласьці ў пэрыяд ад верасьня 2018-га да жніўня 2019 году.