Улады за «экстрэмізм» аштрафавалі жыхарку Верхнядзвінска
Суддзя суда Верхнядзвінскага раёна Людміла Каваленка 14 лютага за "экстрэмізм" у сацыяльнай сетцы аштрафавала на 1200 рублёў Сняжану Савіцкую.
60-гадовая жыхарка Оршы запісала відэа пра тое, што яе аштрафавалі «за распаўсюд экстрэмізму» на 1200 рублёў
Жанчыну завуць Алена Мінчанка, у лютым ёй споўнілася 60 гадоў. Яна актыўная карыстальніца TikTok, дзе і размясціла свой зварот. Паводле спадарыні, яе пенсія складае 340 руб., і яна «з 11 студзеня студзеня ў слязах», бо яе аштрафавалі паводле ч.2 арт. 19.11 КоАП за тое, што яна «паставіла лайк пад карцінкай, дзе чалавеку жадалі Царства Нябеснага». Найхутчэй, жанчына зрабіла гэта на адным з інтэрнэт-рэсурсаў, прызнаным у Беларусі экстрэмісцкім. Яна звярнулася ў суд, каб ёй дазволілі сплаціць штраф у растэрміноўку. Судовы разгляд яе заявы адбыўся 4 сакавіка, вынік пакуль не вядомы.
За «экстрэмісцкія» відэа ўлады аштрафавалі прадпрымальніка
Суддзя суда Бешанковіцкага раёна Кацярына Максімовіч 8 лютага за захоўванне відэапрадукцыі "экстрэмісцкага" характару аштрафавала на 1000 рублёў індывідуальнага прадпрымальніка Яўгена Шклярэўскага.
Асуджанага за падзеі 2020 года Станіслава Чмыхава судзілі ў Віцебску за «атрыманне замежнай дапамогі»
22-гадовы хлопец, асуджаны па «народнаму» артыкулу 342 (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх) паходзіць са Жлобіна. У Віцебску, падобна, ён адбывае пакаранне на «хіміі». Віцебскі суд Чыгуначнага раёна 1 сакавіка разбіраў ягоную справу, распачатую за «атрыманне дабрачыннай замежнай дапамогі». Вынік суду не вядомы, але прадказальны: у іншых падобных выпадках суды змушалі атрымальнікаў дапамогі сплаціць у дзяржаўны бюджэт яе кошт, а ў дадатак яшчэ і штраф».
Улады за «экстрэмізм» аштрафавалі работніцу заправачнай станцыі
Суддзя суда Бешанковіцкага раёна Кацярына Мацкевіч 15 лютага за захоўванне "экстрэмісцкіх" публікацый у сацыяльнай сетцы аштрафавала на 600 рублёў аператара заправачных станцый Аксану Шэлепаву.
За падпіску на «экстрэмісцкі» ТБ-канал улады аштрафавалі новапалачаніна
Суддзя суда Наваполацка Зінаіда Балаболава 16 лютага за падпіску ў сацыяльнай сетцы на «экстрэмісцкі» інфармацыйны канал аштрафавала на 800 рублёў Уладзіміра Ракомса.
За «экстрэмісцкую» графіку ў сацыяльнай сетцы ўлады аштрафавалі жыхарку Паставаў
Суддзя суда Пастаўскага раёна Наталля Максімовіч 30 студзеня за распаўсюд у сацыяльных сетках «экстрэмісцкую» сімволіку аштрафавала на 600 рублёў Таццяну Кіркіж.
Жонку палітвязня Арцёма Ляшнеўскага асудзілі за атрыманне дапамогі ад дабрачыннай сеткі INeedHelp
1 лютага суд Оршы і Аршанскага раёна разбіраў справу пра парушэнне заканадаўства аб замежнай дапамозе. Жонку палітвязня асудзілі да штрафа памерам 1000 рублёў за атрыманне дапамогі на суму 1157 рублёў 11 капеек. Паводле высноваў суду, жанчына «стварыла пагрозу нанясення шкоды дзяржаўным і грамадскім інтарэсам, выражаную ў публічнай заведама неправамернай легітымізацыі дзеянняў асоб, якія здзейснілі правапарушэнні і злачынствы, у тым ліку шляхам надання ім статусу палітвязняў, незаконным нівеляванні наступстваў прыцягнення да адказнасці» .
За падпіскі на "экстрэмісцкія матэрыялы" ўлады аштрафавалі спартыўнага трэнера
Суддзя суда Бешанковіцкага раёна Кацярына Мацкевіч 31 студзеня за распаўсюджванне «экстрэмізму» ў сацыяльных сетках аштрафавала на 1200 рублёў трэнера-выкладчыка па валейболе Бешанковіцкай ДЮСШ Мікалая Пушнікава.
Палітзняволенага Дзяніса Сяргеева асудзілі за «атрыманне дабрачыннай замежнай дапамогі»
Паводле судовага рашэння, вынесенага 1 лютага 2024 г. у судзе Аршанскага раёна і г.Оршы суддзёй Юліяй Хаткевіч, зняволены Дзяніс Сяргееў, які адбывае пакаранне ў Мінску, у папраўчай установе адкрытага тыпу №36, павінны заплаціць штраф памерам 1 000 рублёў. Таксама, на падставе ч.2 арт. 24.15 КаАП РБ, ён павінны «вярнуць у даход дзяржавы кошт «прадмета адміністрацыйнага правапарушэння» - 264 рублі 38 капеек «дабрачыннай замежнай дапамогі». Суд пастанавіў пакінуць пад арыштам і тэлефон палітзняволенага - «у мэтах забеспячэння выплаты штрафа».