У Глыбокім затрымалі фітнес-трэнера і бодзібілдара Аляксандра Шарабайку
Аляксандра Шарабайку затрымалі 13 сакавіка і прысудзілі 10 сутак арышту. Падчас затрымання ў фітнес-трэнера і ягонай жонкі сілавікі забралі тэлефоны.
Полацкага актывіста СПБ Віктара Стукава асудзілі на 15 сутак
Суд адбыўся 15 сакавіка, у той самы дзень з-пад арышту выйшла на волю жонка актывіста Святлана Стукава. Яе звінавацілі ў распаўсюдзе экстрэмісцкіх матэрыялаў за наяўнасць падпіска на BySol у Фэйсбуку, і жанчына 15 сутак адбыла за кратамі. Цяпер суддзя Сяргей Бясецкі паводле ч.2 арт. 19.11 КаАП асудзіў да 15 сутак арышту і Віктара Стукава. Сямейную пару судзілі ў судзе Полацку і Полацкага раёну.
У Полацку затрымалі Віктара Стукава. На 15 сутак была асуджана і ягоная жонка
Праваабаронцам стала вядома, што на актывіста незалежнага СПБ склалі два адміністрацыйныя пратаколы. Адзін з іх, найверагодней, па 24.23 КаАП – за фотаздымкі, размешчаныя ў сацыяльных сетках. Другі, магчыма, за падпіску на BySol– паводле ч.2 артыкула 19.11 КаАП. Паводле гэтага ж артыкула за падпіску на ByPol і ByHelp тыдзень таму быў затрыманы і асуджаны жыхар Полацку, сябар і калега Віктара Стукава, старшыня Свабоднага прафсаюзу Беларускага Мікалай Шарах. Цяпер ён адбывае 15-суткавы арышт.
У Віцебску асудзілі пастаўчаніна за захоўванне інфармацыі ў “Тэлеграме”
Як стала вядома, Суд Кастрычніцкага раёна горада Віцебска 17 лютага асудзіў Кірыла Джэмігу з Паставаў на 11 сутак арышту па адміністрацыйнай справе па частцы 2 артыкула 19.11 (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуючай такую). Згодна з пастановай суда, было ўстаноўлена, што ён захоўваў інфармацыю ў “Тэлеграме”, якая ўключаная ў так званы спіс экстрэмісцкіх матэрыялаў з мэтай распаўсюджвання нявызначанаму колу асобаў.
15 сутак за падпіску на "Байпол" і “Байхелп”
У Полацку 7 сакавіка асудзілі прафсаюзнага лідара, старшыню Свабоднага прафсаюза Беларускага СПБ Мікалая Шараха. Яго судзілі за распаўсюд так званых экстрэмісцкіх матэрыялаў паволе часткі 2 артыкула 19. 11 КаАП (за падпіску ў “Фэйсбуку” на "Байпол" і “Байхелп”). Судовае пасяджэнне праходзіла ў судзе горада Полацка і Полацкага раёна.
За распаўсюд “экстрэмісцкіх матэрыялаў” суд змякчыў вайскоўцу пакаранне з арышту на штраф
Суддзя Віцебскага абласнога суда Ірына Смалякова 20 лютага 2023 года разгледзела пратэст гарадскога пракурора на пастанову ад 10 лютага ў дачыненні да вайскоўца Аляксандра Цяляка, які нібыта распаўсюджваў у сацыяльных сетках "экстрэмісцкія матэрыялы". Было ўстаноўлена, што, суддзя суда Кастрычніцкага раёна Віцебска Уладзімір Царыкаў няправільна прымяніў нормы дзеючага адміністрацыйнага закона. На гэтай падставе, вышэйстаячым судом было зменена рашэнне арыштаваць Цяляка на 13 сутак, але пастановіў пакараць яго штрафам у памеры 1110 рублёў.
Жонку полацкага актывіста СПБ затрымалі і асудзілі на 15 сутак
Святлану Стукаву, жонку актывіста Свабоднага Прафсаюзу Беларускага Віктара Стукава, затрымалі заўчора проста на працы. У райаддзеле міліцыі на яе склалі два адміністрацыйныя пратаколы – за нібыта несанкцыянаванае пікетаванне паводле арт 24.23 і за распаўсюд экстрэмісцкіх матэрыялаў паводле ч.2 арт. 19.11. Праўда, вінаватасць жанчыны ў пікетаванні міліцыянты не спадзяваліся давесці, і таму ў суд трапіў толькі адзін пратакол. На думку Віктара Стукава, абвінавачанне жонкі ў распаўсюдзе экстрэмісцкіх матэрыялаў беспадстаўнае, і міліцэйскі пераслед ён лічыць помстай за актыўнасць у недзяржаўным прафсаюзе і за выразную грамадзянскую пазіцыю.
Арыштаваная на 15 сутак зааабаронца Алена Мірашнічэнка
Валянціна Болбат: «Да праблем са здароўем апошні суд «дадаў» мне яшчэ 100 базавых штрафу»
Адна з пачынальніц беларускага дэмакратычнага руху на Віцебшчыне ў 1990-я гады, актывістка з Верхнядзвінску мае ўжо пенсійны ўзрост і не дужа моцнае здароўе. Але Наваполацкі гарадскі суд у асобе Зінаіды Балаболавай у лістападзе-снежні 2022г. аштрафаваў жанчыну на 20 базавых велічынь і двойчы запар прысудзіў жанчыне арышты па 10 сутак за рэпосты матэрыялаў з так званых «экстрэмісцкіх «інтэрнэт-рэсурсаў.
Віцебскі арт-менеджэр Уладзімір Булаўскі выйдзе на волю 1 студзеня
Ён быў затрыманы 14 снежня па невядомай прычыне. Цяпер ягоныя сябры даведаліся, што 16 студзеня Уладзімір Булаўскі асуджаны да 15 сутак арышту. Есць верагоднасць, што яго звінавацілі паводле артыкула 19.11 за распаўсюд экстрэмісцкіх матэрыялаў. Прынамсі, такое самае абвінавачанне было высунута супраць затрыманых з ім у адзін дзень заснавальнікаў гастрапаба ROK’I PUB Іллі Кульмана і Паўла Пятруніна, а таксама сталага наведніка Дзмітрыя Ларкова. Апошнія трое ўжо на волі.