Кадры затрымання 32-гадовага менеджара УП «Полацксантэхэлектрасбыт» размясціў у чарговым саматужным відэароліку віцебскі тэлеграм-канал «Северная столица». Тэлеграм-канал спецыялізуецца на выпуску міліцэйскіх «агітак» і відэароліках з выкарыстаннем так званых пакаяльных відэа, якія трапляюць да «рэжысёраў» непасрэдна ад віцебскіх міліцыянтаў. Відэазапісы, на якіх знаёмыя пазналі Іллю Матэвушава, суправаджаюцца яшчэ і вербальнымі абразамі: затрыманага называюць «паразитом, не меющим ни ума, ни совести, способным на подлые поступки, предательство и низменнось». Пры гэтым допіс утрымлівае вялікую колькасць памылак, што даўно ўжо стала «фірмовым стылем» тэлеграм-канала «Северная столица» і сведчыць пра вельмі невысокі ўзровень адукацыі і культуры аўтараў.

Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах. БХК працягвае аналізаваць трэнды ў дзяржаўнай палітыцы. У 2024 годзе плануецца выпусціць адразу тры агляды. Падрабязна азнаёміцца з мінулымі справаздачамі можна па спасылцы.

Суддзя суда Наваполацка Зінаіда Балаболава 25 студзеня за «экстрэмізм» у сацыяльнай сетцы арыштавала на 7 сутак Віктара Яскевіча.

Супраць Ігара Парункевіча распачатая крымінальная справа па трох артыкулах КК — аб распальванні варожасці, абразе Лукашэнкі і гвалце або пагрозе прымянення гвалту ў дачыненні да міліцыянта (артыкулы 130, 368 і 364 Крымінальнага Кодэкса). Праз свой Тэлекграм-канал «Специальное производство. Официально» следчы камітэт прапануе Парункевічу з'явіцца ў мінскае абласное ўпраўленне свайго ведамства. Але малады чалавек даўно пакінуў Беларусь, зразумеўшы, што яму не даруюць дапамогу фонду салідарнасці By_Help. Якраз таму супраць яго і распачатая «спецыяльная вытворчасць», калі чалавека прыцягваюць да судовай адказнасці завочна – без асабістай прысутнасці на працэсе.

Суддзя суда Міёрскага раёна Ірына Яскевіч 26 студзеня за распаўсюд «экстрэмізма» у сацыяльнай сетцы аштрафавала на 800 рублёў ураджэнку горада Вялікія Лукі Таццяну Грыгор'еву. 

На сайце штотыднёвай рэгіянальная грамадска-палітычная газеце «Пскоўская губерня» 9-га лютага з'явілася паведамленне аб тым, што на вайне ў Украіне загінуў пскавічы Валянцін Караткоў. Гэтак жа журналісты выдання сцвярджаю аб тым, што імі афіцыйна ўстанавіла імёны 402 жыхароў Пскоўскай вобласці, якія аддалі жыцця ў баях за «Наваросіі». У гэтую лічбу не ўваходзяць зніклыя без вестак і тыя, хто трапілі ў палон.

Суддзя суда Наваполацка Зінаіда Балаболава 25 студзеня і 1 лютага пакарала адпаведна 13 і 15 суткамі арышту Аляксея Кісялёва, бо па версіі работнікаў мясцовай суполкі міліцыі ён распаўсюдзіў «экстрэмізм» у сацыяльных сетках.

У расонскай «раёнцы» зноўку далі слова адстаўным міліцыянтам, каб гэтым разам яны паразважалі на тэму выбараў і дэпутацкіх абавязкаў. Чарговы выпуск рубрыкі «Слова афіцэра» нагадвае скетчы з адвольнай колькасцю ўдзельнікаў – на «сур'ёзную драматургію» інсцэніроўка абмеркавання не цягне... Сваімі меркаваннямі пра выбары дзеляцца падпалкоўнік у адстаўцы Грыгорый Русіновіч - кіраўнік раённай арганізацыі ГА "Белорусский союз офицеров", чалец гэтай арганізацыі маёр Сяргей Дубкоў -- былы супрацоўнік Расонскага РАУС, і падпалкоўнік у адстаўцы Віктар Вашчанка, які калісьці служыў у МУС СССР. У газеце іх называюць «экспертамі раённай супольнасці».

Суддзя суда Наваполацка Зінаіда Балаболава 30 студзеня за падпіску на «экстрэмісцкія» публікацыі ў сацыяльнай сетцы арыштавала на 7 сутак наваполацкага прадпрымальніка Валерыя Зайца, які займаецца перавозкай пасажыраў.

У рэгіянальным медыяцэнтры 7 лютага прайшоў інтэнсіў «Я – валанцёр адзінага дня галасавання!», у якім прынялі ўдзел 30 сябраў руху «Добрае Сэрца» БРСМ Віцебскай вобласці. Маладыя людзі абмеркавалі, што яны збіраюцца рабіць, знаходзячыся падчас галасавання на выбарчых участках. Аднак, ніякіх валанцёраў на ўчастках для галасавання дзейным беларускім выбарчым законам не прадугледжана. А тое, што не дазволена гэтым заканадаўчым актам, тое забаронена.