У Полацку на месца, дзе ладзіўся перадвыбарчы пікет, мясцовыя ўлады прыгналі пад’ёмны кран і пачалі раптам ламаць амаль новыя мачты вулічнага асьвятленьня. Зборшчыкі подпісаў мяркуюць, што ўсё рабілася знарок – каб сарваць пікет апазыцыйнага прэтэндэнта ў кандыдаты.

Судовая калегія па крымінальных справах Віцебскага абласнога суду разгледзела апэляцыйныя скаргі былога старшыні абласной арганізацыі ЛДП Сяргея Ярмыкіна і ягонага паплечніка Юрыя Мярзьленкі на вырак суду Віцебскага раёну ад 27 траўня. Паводле яго яны атрымалі адпаведна 5 і 7 гадоў зьняволеньня за махлярства ў асабліва буйным памеры.

Віцебскага прадпрымальніка Максіма Жукава, які набыў у Вялікіх Лётцах панскую сядзібу батаніка Адамава, выклікалі 9 верасьня ў Віцебскі райвыканкам. Чыноўнікі хацелі аштрафаваць уладальніка сядзібы за ня скошаную траву, але – не атрымалася...

У цэнтры гораду, каля гандлёвага цэнтру “Кантынэнт”, 10 верасьня адбыўся першы перадвыбарчы пікет пад бел-чырвона-белым сьцягам. Подпісы зьбіралі за вылучэньне ў якасьці кандыдатаў у дэпутаты адразу чатырох віцяблян. За дзьве гадзіны падпісаліся некалькі дзясяткаў чалавек.

Сьледчы камітэт спыніў крымінальную справу, распачатую супраць віцебскага доктара-нарколяга Ігара Пастнова за разгалашэньне дадзеных закрытага судовага паседжаньня (ч.1 арт. 407 КК РБ). Гэта вынікае з паведамленьня, якое атрымаў Ігар Пастноў зь Віцебскага гарадзкога аддзелу СК РБ.

Актывісты “Альтэрнатывы” абскардзілі ў Віцебскім аблвыканкаме адмову гарадзкіх уладаў разьмясьціць у цэнтры Віцебску шыльдачкі з гістарычнымі назвамі вуліцаў. У аблвыканкаме да ідэі паставіліся больш прыхільна. У адказе на скаргу паведамілі, што “дадзеная прапанова можа быць рэалізаваная пасьля грунтоўнай дапрацоўкі”.

У нядзелю 8 верасьня ў Віцебску адбылася сустрэча з палітыкам Паўлам Севярынцам. Лідэр Беларускай хрысьціянскай дэмакратыі акрэсьліў палітычную сытуацыю ў краіне, расказаў пра стасункі ўнутры дэмакратычнага руху ды прэзэнтаваў свае творчыя набыткі.

Палітвязень Міхаіл Жамчужны правядзе бліжэйшыя 2-3 месяцы ў штрафным ізалятары (ШІЗА). Пра гэта “Віцебскай вясьне” паведаміў праваабаронца Леанід Сьвецік, які атрымаў нядаўна ліст ад палітвязьня.

Дакумэнтальна-мастацкую выставу “Праўда пра Курапаты” прэзэнтавалі ў Віцебску 6 верасьня вядомы гісторык і журналіст Марат Гаравы і мастак Генадзь Драздоў. Дакумэнты і фотаздымкі, паказаныя на выставе, зьбіраліся цягам 20 гадоў. Імпрэза адбылася ў віцебскім арт-цэнтры VZAP.

Міністэрства культуры накіравала лісты ў Браслаўскі райвыканкам і Віцебскі аблвыканкам з патрабаваньнем прыняць меры па факце незаконнага ўсталяваньня ў Відзах Браслаўскага раёну памятнага каменя з гербом Расейскай імпэрыі. Пра гэта паведамляецца ў адказе міністэрства на пэтыцыю з просьбай дэмантаваць памятны знак з гербом іншай дзяржавы.