«Гэта грабеж». У бацькоў актывіста Андрэя Кулакова канфіскавалі маёмасць і грошы
Супрацоўнікі аддзелу прымусовага выканання Першамайскага раёну Віцебску 3 снежня арыштавалі і адабралі маёмасць і грошы бацькоў віцебскага актывіста Андрэя Кулакова – уладальніка легендарнага «Жывемабіля». Канфіскацыю правялі ў межах выканаўчага дакументу з патрабаваннем спагнаць з Кулакова 1160 рублёў штрафу, прысуджаных яму за «начны пікет» у верасні 2020 году. Андрэй Кулакоў, які знаходзіцца зараз за межамі краіны, назваў арышт маёмасці ягоных бацькоў рабаваннем.
У вазочніцы Валянціны Крыштопенка судовыя выканаўцы арыштавалі маёмасць
Увечары 21 красавіка да пенсіянеркі па інваліднасці Валянціны Крыштопенка з пасёлку Кастрычніцкая Віцебскага раёну прыйшлі судовыя выканаўцы. Яны арыштавалі маёмасць жанчыны і яе дачкі на суму 615 рублёў. У пералік арыштаваных рэчаў, апрача тэхнікі, трапілі нават дэкаратыўны камін, ваза для цукерак і стары насценны гадзіннік...
На 8 Сакавіка жанчыне заблакавалі картку, каб спагнаць штрафы з яе пенсіі
Пенсіянерка па інваліднасці Валянціна Крыштопенка напярэдадні жаночага свята даведалася, што яе асабісты рахунак, на які прыходзіць пенсія, недаступны – картка заблакаваная. Такі падарунак жанчыне зрабілі судовыя ўлады, каб спагнаць з пенсіянеркі штрафы, прысуджаныя ёй за ўдзел у «несанкцыянаваных» шэсцях і пікетаваннях паводле колішняга арт. 23.34 КаАП.
Полацкага актывіста Алеся Круткіна аштрафавалі на 382 рублі за заклік на малітву
Полацкі актывіст і блогер Алесь Круткін быў затрыманы 20 красавіка па дарозе на мітынг у Берасьце, куды дабіраўся аўтастопам. Ён правёў двое сутак у полацкім ізалятары і быў аштрафаваны на 15 базавых велічынь за заклік памаліцца 15 красавіка за Курапаты ля рэзыдэнцыі прэзыдэнта (арт. 23.34 КаАП).
На Міколу Качурца завялі выканаўчае справаводзтва аб спагнаньні штрафу за Курапаты
Аддзел прымусовага выкананьня Першамайскага раёну Віцебску 18 верасьня распачаў выканаўчае справаводзтва ў дачыненьні віцябляніна Міколы Качурца, каб спагнаць зь яго адміністрацыйны штраф у памеры 24,50 рублёў на карысьць УУС Менскага аблвыканкаму. Копію пастановы аб распачынаньні выканаўчага справаводзтва Мікола Качурэц атрымаў толькі 2 кастрычніка.
У Полацку арыштавалі маёмасьць суполкі Свабоднага прафсаюзу
Судовыя выканаўцы 18 ліпеня арыштавалі частку маёмасьці Свабоднага прафсаюзу Беларускага з офіса першаснай арганізацыі працоўных заводу “Полацак-Шкловалакно”. Патрабаваньні да прафсаюзу выстаўленыя адміністрацыяй прадпрыемства і зьвязаныя зь вяртаньнем судовай пошліны за разгляд справы пра забарону страйку. Арыштаваная і забраная маёмасьць ацэненая ў 85 рублёў.
“Іду на адкрытае непадпарадкаваньне”. Супраць Пятра Іванова распачалі выканаўчае справаводзтва
Аддзел прымусовага выкананьня Кастрычніцкага раёну гораду Віцебску ад 24 красавіка распачаў у дачыненьні да віцебскага актывіста Пятра Іванова выканаўчае справаводзтва. Судовыя выканаўцы мерацца спагнаць з Іванова больш за дзьве тысячы рублёў штрафу, прысуджанага яму Кастрычніцкім судом у студзені 2018 году.
Дзяржава ўмешваецца ў дзейнасьць арганізацыі рабочых
Дзяржаўны орган выканаўчай улады прыпыніў з 1 сакавіка апэрацыі па банкаўскім рахунку Свабоднага прафсаюзу работнікаў ААТ «Полацак-Шкловалакно». Прафсаюз падаў скаргу ў пракуратуру, бо лічыць гэта парушэньнем беларускага заканадаўства. «Супрацьдзеяньне дзяржаўных органаў ня можа прыпыніць дзейнасьць свабоднага прафсаюзу», - заяўляюць прафсаюзныя лідэры.
“Гэта быў падвойны прысуд”. Пётар Іваноў абскарджвае рашэньне Кастрычніцкага суду Віцебску
Віцебскі актывіст Пётар Іваноў накіраваў у абласны суд касацыйную скаргу на рашэньне суду Кастрычніцкага раёну Віцебску, які 26 студзеня пакараў яго штрафам у памеры 85 базавых велічынь. Просіць адмяніць “заведама злачынны прысуд” і скасаваць крымінальную справу.
Праваабаронца Павал Левінаў паведаміў аб катаваньнях у віцебскім СІЗА спэцдакладчыку ААН
Віцебскі праваабаронца Павал Левінаў накіраваў тэрміновае паведамленьне спэцдакладчыку ААН па пытаньнях катаваньняў у сувязі з заявамі, якія зрабіў падчас судовых паседжаньняў актывіст Пётар Іваноў. У прыватнасьці, Іваноў паведаміў суду, што 7,8 і 12 сьнежня ў СІЗА яго жорстка зьбівалі ў мэтах атрыманьня прызнальных паказаньняў.