Жыхара Віцебску Сяргея Сясіцкага апыталі наконт зьместу ягонай старонкі ў сацыяльнай сетцы “Фэйсбук” і забралі мабільны тэлефон. Прадстаўнік крымінальнага вышуку паведаміў, што сьледчыя праводзяць праверку на наяўнасьць прапаганды экстрэмізму або распальваньня міжнацыянальнай варожасьці, піша Беларускае Радыё Рацыя.

Жыхары Віцебску Ігар Пастноў і Рафаэль Кірылаў-Шмільхольдхард атрымалі пастановы аб прызначэньні судовага разбору па крымінальнай справе, распачатай супраць іх за паклёп на пракурора гораду Віцебску Юрыя Раманоўскага (ч.2 арт. 188 КК РБ). Судовы працэс пачнецца 22 красавіка ў судзе Кастрычніцкага раёну Віцебску і пройдзе ў закрытым рэжыме.

Віцяблянін Сяргей Сікора назваў у відэароліку супрацоўнікаў аховы Віцебскага мясакамбінату “рэжымнікамі” і расказаў, як яны “бегаюць па камбінаце і хапаюць людзей за сасіску”. Прадстаўнікі прадпрыемства патрабавалі ў судзе выбачэньняў і выдаленьня відэа. Пазоўныя патрабаваньні былі задаволеныя, але часткова…

Увечары 27 сакавіка незалежныя журналісты з Глыбокага Зьміцер Лупач і Тацяна Смоткіна атрымалі позвы з Шаркоўшчынскага райаддзелу міліцыі. Спачатку міліцыянты даслалі ім позвы праз мэсэнджары Viber і WhatsApp, а потым патэлефанавалі і яшчэ раз запрасілі на так званую “гутарку” на 29 сакавіка, паведамляе “Беларуская асацыяцыя журналістаў”.

Два дні спатрэбілася судзьдзі Міхаілу Зубені, каб аштрафаваць віцебскага журналіста-фрылянсэра Віталя Скрыля на 25 базавых велічынь за парушэньне заканадаўства аб СМІ. Яго прызналі вінаватым у незаконным вырабе прадукцыі СМІ (ч.2 арт.22.9 КаАП).