Рэканструкцыя парку Фрунзэ ў Віцебску. Ці будуць пандусы?
Зь сярэдзіны лістапада ў Віцебску актывізаваліся працы па добраўпарадкаваньні цэнтру гораду. Парк імя Фрунзэ ўвесь перарыты. Зруйнаваныя старыя дарожкі і каменныя агароджы. Пракладаюцца камунікацыі, у парку працуюць абліцоўшчыкі. Мы паспрабавалі высьветліць, ці будуць абсталёўвацца пандусамі лесьвічныя спускі да зоны адпачынку.
Віцебск: Гарадзкая выбарчая камісія сфармаваная
22 лістапада на сумесным паседжаньні Віцебскага гарадзкога выканаўчага камітэту і прэзыдыюму гарадзкога Савету дэпутатаў было разгледжанае пытаньне ўтварэньня Віцебскай гарадзкой выбарчай камісіі па выбарах дэпутатаў мясцовых Саветаў дэпутатаў 28-га скліканьня. У выніку камісія ў складзе 13-ці чалавек была ўтвораная.
Віцебскі праваабаронца Павал Левінаў стаў героем дакумэнтальнай стужкі
21 лістапада ў Віцебску адбыўся першы адкрыты паказ дакумэнтальнага фільму пра Паўла Левінава пад назвай “Ён такі!”
Студэнты – таксама людзі. І ў іх таксама ёсьць правы
Права на жыцьцё, права на свабоду сходаў, права на доступ да інфармацыі і многія іншыя, як вядома, зьяўляюцца неад'емнымі правамі, якія павінны гарантавацца дзяржавай усім без выключэньня грамадзянам. А што такое правы студэнтаў? І чым правы студэнтаў адрозьніваюцца (або не адрозьніваюцца) ад правоў чалавека? Гэтым пытаньням быў прысьвечаны адукацыйны трэнінг у Віцебску.
Кастусь Смолікаў: Рыхтуем паперы ў абласную пракуратуру
Зварот у Віцебскую гарадзкую пракуратуру Кастуся Смолікава ад імя кіраўніка абласной арганізацыі партыі БНФ ня даў плёну. Ён скардзіўся на незаконнае, на яго погляд, праектаваньне Палацу ўрачыстых абрадаў і шлюбаў і пляны пабудаваць яго ў ахоўнай гістарычнай зоне. Актывіст апазыцыйнай партыі заявіў, што цяпер мае намер зьвярнуцца ў пракуратуру вобласьці.
“У Дабрэйцы нядобра пахне”. Жыхары – супраць будаўніцтва пляцоўкі для кампаставаньня адкідаў
Гэтак званыя глеевыя ставы, у якіх адстойваюцца сьцёкавыя адкіды, разьмяшчаюцца пад Віцебскам з 1968 году і займаюць каля 48 гектараў. Але толькі сёлета было вырашана наладзіць перапрацоўку адстою ў кампост. Справа неабходная і карысная, цьвердзяць замоўцы праекту. Але агульную мову з жыхарамі сумежнай Дабрэйкі знайсьці ня могуць. Альбо – ня ўмеюць.
У Віцебску вынесены прысуд праваслаўнаму сьвятару, абвінавачанаму ў сутэнёрстве
Суд Чыгуначнага раёну Віцебску 14 лістапада абвясьціў вырак паводле крымінальнай справы «бацюшкі-сутэнёра» – 39-гадовага сьвятара Мікалая Кірэева зь Ленінградскай вобласьці (Расея), якога затрымалі ў кампаніі жанчын лёгкіх паводзінаў на вакзале ў беларускім горадзе. Яму прызначылі пакараньне ў выглядзе 5 гадоў 6 месяцаў пазбаўленьня волі ў калёніі ўзмоцненага рэжыму з канфіскацыяй маёмасьці.
У Віцебску абмеркавалі форум праваабаронцаў і паглядзелі дакумэнтальную стужку пра Паўла Левінава
У суботу 11 лістапада ў Віцебску адбылася сустрэча беларускіх праваабаронцаў, падчас якой актывісты падзяліліся думкамі наконт цяперашняга становішча з правамі чалавека ў краіне і абмеркавалі вынікі чацьвертага праваабарончага форуму.
“Што для дзяцей – усё ў заняпадзе”. Жыхары віцебскага ДСК просяць адрамантаваць ходнік – безвынікова
Некалькі разоў на дзень жыхары віцебскага мікрараёну ДСК вымушаныя пераадольваць своеасаблівую паласу перашкод, якую ўяўляе сабой ходнік на скрыжаваньні вуліц Горкага і Сацыялістычнай. Вузкі, няроўны, пабіты калдобінамі. Перад самым аўтобусным прыпынкам упінаецца ў слуп. Трэба сыходзіць на праезную частку…
Месца гатаваньня ежы для адміністрацыйна арыштаваных – сакрэтная інфармацыя
Часовы выканаўца абавязкаў начальніка ІЧУ пры УУС Віцебскага аблвыканкаму маёр міліцыі С. В. Каўрыга ўтойвае інфармацыю пра месца знаходжаньня пункту па прыгатаваньні ежы адміністрацыйна арыштаваным.