У Віцебскім абласным судзе 25 студзеня завяршыўся паўторны разгляд крымінальнай справы Вольгі Сьцяпанавай, раней асуджанай за сьмерць дзіцяці падчас хатніх родаў. Справа разглядалася ў закрытым рэжыме. Судзьдзя абласнога суду Галіна Бондал абвясьціла вырак, у якім Вольгу Сьцяпанаву прызналі невінаватай у сувязі з адсутнасьцю злачынства.

У віцебскім гандлёва-забаўляльным цэнтры «ТриО» адбылася прэзэнтацыя майстэрні па валеньні з воўны «Неваляшка арД». Імпрэза была зладжаная пры падтрымцы  дабрачыннага грамадзкага аб'яднаньня «Сьвет бязь межаў» і Цэнтру разьвіцьця прадпрымальніцкай актыўнасьці маладых людзей з інваліднасьцю «Вузел».

У Кастрычніцкім судзе Віцебску 26 студзеня агучылі прысуд віцебскаму актывісту Пятру Іванову. Суд прызнаў яго вінаватым у зьдзяйсьненьні гвалту ў дачыненьні да службовай асобы падчас выкананьня той службовых абавязкаў (ч.1 арт. 366 КК РБ) і пакараў штрафам памерам 85 базавых велічынь. Іваноў быў вызвалены з-пад варты ў залі суду.

Жаніцьба Цярэшкі – старадаўняя народная гульня, якая, як мяркуецца, паўстала на Лепельшчыне. Асноўнай яе мэтай было пазнаёміць бясшлюбную моладзь, дапамагчы ёй прымераць на сябе ролю жанатага чалавека. Раней абрадавая гульня, якая праходзіла традыцыйна ноччу на сьвяткі, была вядомая сярод сялянскай моладзі. Але зь нядаўніх часоў яна «прапісалася» на сталай аснове і ў абласным цэнтры.

18 студзеня ў віцебскім арт-пабе «Торвальд» прайшоў канцэрт «Рытмічна па Белліту» з удзелам вядомага ў беларускамоўным асяродзьдзі бардам з Гомеля Андрэем Мельнікавым. Кампанію яму склаў мясцовы бард і музыка Міхаіл Рубін.

Сябры грамадзкай ініцыятывы “Хайсы”, якія правялі 14 студзеня свой сход у Віцебску, падвялі вынікі зробленага і вызначыліся з плянамі на год сёлетні.

Віцебскі праваабаронца Павал Левінаў накіраваў тэрміновае паведамленьне спэцдакладчыку ААН па пытаньнях катаваньняў у сувязі з заявамі, якія зрабіў падчас судовых паседжаньняў актывіст Пётар Іваноў. У прыватнасьці, Іваноў паведаміў суду, што 7,8 і 12 сьнежня ў СІЗА яго жорстка зьбівалі ў мэтах атрыманьня прызнальных паказаньняў.

На чарговым паседжаньні, 18 студзеня, Віцебская гарадзкая выбарчая камісія па выбарах дэпутатаў Віцебскага гарадзкога Савету дэпутатаў дваццаць восьмага скліканьня зарэгістравала 68 кандыдатаў у дэпутаты. Пяцёра прэтэндэнтаў, якія хацелі пазмагацца за дэпутацкія мандаты, атрымалі адмовы.

Аўтар «Плебейскіх гульняў» і «Штрыхкодаў» прэзэнтаваў 12 студзеня свае кнігі ў Эўрапейскім клюбе Віцебску.

У панядзелак, 15 студзеня, у судзе Кастрычніцкага раёну Віцебску адбылося першае паседжаньне па крымінальнай справе, распачатай супраць актывіста Пятра Іванова. Яго абвінавачваюць паводле 1-й часткі арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). Падчас паседжаньня актывіст заявіў, што ў СІЗА яго жорстка зьбівалі.