«Цяпер я бомж!» Віцябляніна, хворага на COVID-19, прымусова выселілі з інтэрнату
36 гадовы жыхар Віцебску Рафаэль Кірылаў-Шмільхольдхард некалькі гадоў у судовым парадку адстойваў сваё права на жытло. Аднак 1 ліпеня асабістыя рэчы мужчыны безь ягонай згоды адвезьлі зь ягонага пакоя ў інтэрнаце ў невядомым кірунку, а праз тыдзень – наагул выпісалі з інтэрнату. Сам мужчына ў гэты час знаходзіўся ў лякарні…
Абвешчаны яшчэ адзін вырак па крымінальнай справе за паклёп на пракурора
У Віцебску 22 жніўня суд Бешанковіцкага раёну на выязным паседжаньні прызнаў вінаватым віцябляніна Рафаэля Кірылава-Шмільхольдхарда у паклёпе на пракурора Юрыя Раманоўскага (ч.2 арт.188 КК РБ) і пакараў яго трыма гадамі абмежаваньня волі без накіраваньня ў месцы адбываньня пакараньня (“хатняя хімія”).
Пачаўся працэс над інвалідам Кірылавым-Шмільхольдхардам – амністыю не прымянілі
У судзе Кастрычніцкага раёну Віцебску 12 жніўня пачалося слуханьне справы, распачатай у дачыненьні да віцябляніна Рафаэля Кірылава-Шмільхольдхарда. Яго абвінавачваюць у паклёпе на пракурора Юрыя Раманоўскага (ч.2 арт.188 КК РБ). Суд праходзіць у закрытым рэжыме. Журналістаў у залю не пусьцілі.
Ігар Пастноў накіраваў апэляцыйную скаргу на вырак суду Бешанковіцкага раёну
Віцебскі псыхіятар Ігар Пастноў накіраваў у Віцебскі абласны суд апэляцыйную скаргу на вырак суду Бешанковіцкага раёну, які 20 траўня прызнаў яго вінаватым у паклёпе (ч.2 арт. 188 КК) на пракурора Віцебску і пакараў трыма гадамі абмежаваньня волі з накіраваньнем у папраўчую ўстанову адкрытага тыпу.
Віцебскага псыхіятра Пастнова асудзілі на тры гады “хіміі” – за паклёп на пракурора
Тры гады абмежаваньня свабоды з накіраваньнем у папраўчую ўстанову адкрытага тыпу – такі вырак быў агучаны 20 траўня ў дачыненьні віцебскага “доктара-праўдаруба” Ігара Пастнова. Яго прызналі вінаватым у паклёпе на пракурора гораду Віцебску Юрыя Раманоўскага. Прысуд не набыў пакуль законнай сілы.
Віцяблянку Куканос канваявалі зь СІЗА-2 ў Навінкі – на псыхіятрычную экспэртызу
Як стала вядома, затрыманая 11 красавіка актывістка Надзея Куканос да 29 красавіка ўтрымлівалася ў віцебскім СІЗА №2. У панядзелак яе пад канвоем адвезьлі ў рэспубліканскі цэнтар псыхічнага здароўя ў Навінках для правядзеньня судова-псыхіятрычнай экспэртызы. Пра гэта паведамілі яе паплечнікі па незарэгістраваным аб’яднаньні “За сумленную ўладу”.
Віцяблян будуць судзіць за паклёп на пракурора Раманоўскага – у закрытым паседжаньні
Жыхары Віцебску Ігар Пастноў і Рафаэль Кірылаў-Шмільхольдхард атрымалі пастановы аб прызначэньні судовага разбору па крымінальнай справе, распачатай супраць іх за паклёп на пракурора гораду Віцебску Юрыя Раманоўскага (ч.2 арт. 188 КК РБ). Судовы працэс пачнецца 22 красавіка ў судзе Кастрычніцкага раёну Віцебску і пройдзе ў закрытым рэжыме.
У Віцебску арыштавалі актывістку Надзею Куканос. Дзе яна – невядома
Надзея Куканос была затрыманая ў чацьвер 11 красавіка на чыгуначным вакзале ў Віцебску і зьмешчаная ў СІЗА-2, дзе прабыла некалькі сутак. Цяпер, як сьцьвярджаюць сябры актывісткі, у СІЗА яе няма, а дзе знаходзіцца – невядома.
Хворага інваліда 2-й групы прымушаюць у лякарні даваць паказаньні без адваката
Віцяблянін Рафаэль Кірылаў-Шмільхольдхард, які зараз знаходзіцца на лячэньні ў аддзяленьні кардыялёгіі Віцебскай абласной клінічнай лякарні, сьцьвярджае, што сьледчыя УСК РБ па Віцебскай вобласьці прымушаюць яго там даваць паказаньні без адваката. Інвалід 2-й групы накіраваў скаргу ў Генпракуратуру і Цэнтральны апарат СК РБ.
Ператрус у віцебскага доктара-праўдаруба Пастнова – забралі лямпавы тэлевізар “Віцязь”
У суботу 10-га лістапада ў кватэры віцебскага псыхіятра Ігара Пастнова адбыўся ператрус. Пра гэта Пастноў паведаміў у сацсетках. Як піша, міліцыянты шукалі наркотыкі, парнаграфію, фальшывыя грошы і перапіску з амбасадамі і праваабарончымі арганізацыямі. А ў выніку – забралі лямпавы тэлевізар…