На працягу трох дзён, з 22 па 24 чэрвеня, у гарадзкой бібліятэцы імя Горкага ў межах дзён гораду праходзіў трэці урбан-арт форум «Прастора». Імпрэза ладзілася ў фармаце хакатону – своеасаблівага інтэлектуальнага маратону распрацоўшчыкаў, які доўжыўся некалькіх дзён кругласутачна безь перапынку. Праграмісты, дызайнэры, мэнэджэры, урбаністы, эколягі атрымалі магчымасьць сустрэцца ў адным месцы і сумеснымі намаганьнямі распрацаваць і рэалізаваць праекты.

На сустрэчы з намесьнікам старшыні гарвыканкаму Сяргеем Саглаевым, што адбылася 20 чэрвеня, сябры «Беларускай хрысьціянскай дэмакратыі» Тацяна Севярынец, Ірына Захарава і Алена Шабуня агучылі набалелыя пытаньні гарадзкога жыцьця. Прэтэнзіі партыйных актывістаў выслухалі і прадстаўнікі розных службаў гораду.

Ад 20 чэрвеня пачнецца грамадзкае абмеркаваньне архітэктурна-пляніровачнай канцэпцыі будаўніцтва жылога дому насупраць заводу “Сьцяг Індустрыялізацыі” на вуліцы Гагарына ў Віцебску. Згодна з перадпраектнай дакумэнтацыяй, будуць зруйнаваныя два трохпавярховікі і сьсечаная “вялікая колькасьць дрэваў”. Пад знос пойдуць дамы №8 і №10.

Аршанец Раман Кузьмянкоў пачаў штотыдзень выходзіць на адзіночныя пікеты. На сваім другім пікеце 21 траўня ён ізноў стаяў з самаробным плякатам «Па 500 тут няма» – вядзецца пра калісьці абяцаныя заробкі беларусам у 500 даляраў на месяц.

Надоечы лекар-псыхіятар Ігар Пастноў, вядомы сваёй крытыкай мясцовых уладаў, разьмясьціў у сеціве шэраг эмацыйных тэкстаў і відэазваротаў, у якіх паведаміў, што супраць яго можа быць распачатая крымінальная справа. Паводле Пастнова, 18 траўня ў ягонай кватэры прайшоў ператрус, а ён сам быў апытаны сьледчымі адносна датычнасьці да выдаваньня дзяржаўных сакрэтаў, якія могуць нанесьці шкоду Рэспубліцы Беларусь.