Улады не зьбіраюцца прызнаваць пахаваньні ля Хайсоў месцам сталінскіх рэпрэсіяў
Пісьмовы адказ зь Віцебскага райвыканкаму на калектыўны зварот, атрыманы 25 ліпеня, не дадаў аптымізму сябрам ініцыятывы «Хайсы». Чацьвёрты год актывісты дамагаюцца ад мясцовых уладаў прызнаць датычнасьць пахаваньняў у ваколіцах вёсак Дрыкольле і Хайсы (Віцебскі раён) да рэпрэсіяў часоў сталінізму.
“Вольга – легенда”. Віцебскі гарвыканкам адказаў на пэтыцыю супраць помніка княгіні Вользе
На пачатку красавіка быў абвешчаны збор подпісаў пад пэтыцыяй супраць усталяваньня ў Віцебску помніка княгіні Вользе. Аўтары калектыўнага звароту назвалі 7 прычын, чаму гэты помнік будзе недарэчным у абласным цэнтры. 17 траўня атрымалі адказ: падставаў, каб адмовіцца ад праекту, няма.
Віцебскі гарвыканкам: сродкі на будаўніцтва стадыёну ў Тарным не прадугледжаныя
Жыхары віцебскага мікрараёну Тарны прасілі ў гарадзкіх уладаў заплянаваць у бюджэце на 2018 год сродкі на будаўніцтва ў пасёлку спартовай пляцоўкі. Адміністрацыя Першамайскага раёну Віцебску ў адказе на калектыўны зварот спаслалася на пастанову Міністэрства ЖКГ ад 2005 году і паведаміла, што набыцьцё абсталяваньня для пляцоўкі сёлета не прадугледжанае.
Палачане просяць райвыканкам паспрыяць курсам беларускай мовы
Зварот у райвыканкам з адпаведнай просьбай падпісалі каля пятнаццаці жыхароў Полацку. Яны прапанавалі мясцовым уладам даць згоду на правядзеньне сходаў беларусафілаў у памяшканьні кінатэатру "Радзіма".
Калектыўны зварот з просьбай арганізаваць роварную дарожку ад Бабінічаў да Воршы пададзены ў райвыканкам
Зборам подпісаў жыхароў Бабінічаў займалася кампанія «Гавары праўду». Як высьветлілася, тэма актуальная ня толькі ў аматараў здаровага ладу жыцьця і раварыстаў, а наогул сярод жыхароў населенага пункту.
Віцебскай епархіі прапанавалі скараціць плошчу Сафійскага сабору і адмовіцца ад гасьцявой паркоўкі
Гарвыканкам лічыць, што Віцебскай епархіі БПЦ мэтазгодна правесьці карэктаваньне праектна-каштарыснай дакумэнтацыі Сафійскага сабору для памяншэньня шкоды экалёгіі гораду, аднак пра выбар іншага месца будаўніцтва пакуль не вядзецца.
Перамога грамадзкасьці ці часовае замірэньне? Чыноўнік паабяцаў прыпыніць будаўніцтва Сафіі
Недзе сто жыхароў Віцебску прыйшлі на сустрэчу з прадстаўнікамі гарвыканкаму, прызначаную на 13 кастрычніка. Сустрэча адбылася ля пляцоўкі ў парку Партызанскай славы, агароджанай дзеля будаўніцтва Сафійскага сабору.
Віцебчукі не зьбіраюцца спыняць пратэсты супраць зьнішчэньня парку Партызанскай славы
У панядзелак, 10 кастрычніка, грамадзкія актывісты Віцебску цягам гадзіны зьбіралі подпісы ля помніка Караткевічу. Яны выступаюць супраць зьнішчэньня парку, пераносу помніка беларускаму пісьменьніку і зносу гістарычнага будынка музэю Міная Шмырова. Усё гэта адбудзецца, калі будзе рэалізаваны генэральны плян забудовы гораду пры будаўніцтве Паўночнага моста.
Аблвыканкам ня стаў разглядаць па сутнасьці калектыўны зварот у абарону парку – перанакіраваў яго ў гарвыканкам
Віцебскі аблвыканкам, куды 27 верасьня быў перададзены адзін з асобнікаў калектыўнага ліста Аляксандру Лукашэнку ў абарону парку Партызанскай славы, даслаў віцебскаму праваабаронцу Леаніду Сьвеціку, які першым падпісаўся пад зваротам, паведамленьне пра тое, што па сутнасьці ён будзе разглядацца гарадзкім выканаўчым камітэтам.
Савет Міністраў ня хоча зьвяртацца ў Канстытуцыйны суд
Некалькі дзясяткаў жыхароў Віцебску падпісаліся пад калектыўным лістом у Савет Міністраў з просьбай паспрыяць зьмене рашэньня Віцебскага гарвыканкаму №881 “Аб масавых мерапрыемствах у г. Віцебску” і ініцыяваць зварот у Канстытуцыйны суд для праверкі адпаведнасьці гэтага дакумэнту Канстытуцыі Рэспублікі Беларусь. Абласны каардынатар руху “За свабоду” Хрыстафор Жаляпаў атрымаў адказ.