Маці асуджанага на 5 гадоў добраахвотніка ўкраінскага корпусу АТА Тараса Аватарава, які паведаміў у паштоўцы пра пагрозы жыцьцю, 14 сьнежня дамаглася сустрэчы з адміністрацыяй калёніі “Віцьба-3”. Яна хацела даведацца пра сапраўдны стан здароўя сына. Ёй паведамілі, што Тарас Аватараў скаргаў на здароўе ня мае і яму ніхто не пагражае.

Тарас Аватараў, добраахвотнік украінскага войска, асуджаны ў Беларусі за незаконнае абарачэньне і кантрабанду выбуховай прылады, ужо месяц ня можа спаць у віцебскай калёніі, у якой адбывае пакараньне. Пра гэта вязень паведаміў сваёй маці Людміле Посьпіх.

Былы вязень папраўчай калёніі № 3 (пас. Віцьба, Віцебскі р-н) Алан Сьміт, асуджаны ў Беларусі за «арганізацыю незаконнай міграцыі», пачаў выкрываць карупцыю ў пэнітэнцыярнай установе. Першае сэлфі, зробленае ў калёніі, ён выклаў 3 кастрычніка ў Facebook. Мужчына сьцьвярджае, што фота ён зрабіў тэлефонам, які незаконна ў калёнію пранёс галоўны апэратыўнік Ільля Цыркуноў.

У рэдакцыю belsat.eu зьвярнулася жыхарка Магілёва, чый cын адбывае пакараньне ў калёніі №8 у Воршы, дзе, паводле словаў жанчыны, на яго аказваюць псыхалягічны і фізычны ціск.

Прэзэнтацыя кнігі «Турма, мужчына і жанчына. Як сядзяць у сучаснай Беларусі» прайшла 30 жніўня ў «Эўрапейскім клюбе». На сустрэчы прысутнічала аўтарка – Алена Струвэ, гарадзкія актывісты, а таксама адзін з герояў кнігі – былы палітвязень Сяргей Парсюкевіч.