Віцебскі праваабаронца Павал Левінаў накіраваў тэрміновае паведамленьне спэцдакладчыку ААН па пытаньнях катаваньняў у сувязі з заявамі, якія зрабіў падчас судовых паседжаньняў актывіст Пётар Іваноў. У прыватнасьці, Іваноў паведаміў суду, што 7,8 і 12 сьнежня ў СІЗА яго жорстка зьбівалі ў мэтах атрыманьня прызнальных паказаньняў.

Палітвязень Міхаіл Жамчужны, ліставаньне зь якім адсутнічала некалькі месяцаў, нарэшце атрымаў магчымасьць пісаць лісты сваім калегам, сябрам, паплечнікам і праваабаронцам. Зь ліста, які атрымала праваабаронца Тацяна Равяка, стала вядома, што Міхаіл Жамчужны з 6 студзеня адпраўлены на адзін месяц у памяшканьне камэрнага тыпу (ПКТ).

Праваабаронца Наста Лойка зьвярнулася ў пракуратуру Горацкага раёну з просьбай прыняць меры пракурорскага рэагаваньня да службовых асобаў папраўчай калёніі №9 па забесьпячэньні і ліквідацыі пагрозаў асабістай бясьпекі палітвязьня Міхаіла Жамчужнага.

Як стала вядома Праваабарончаму цэнтру “Вясна”, 16 лістапада скончыўся 5-сутачны тэрмін зьмяшчэньня ў ШЫЗА палітвязьня Міхаіла Жамчужнага. Гэта ўжо 11-е спагнаньне, якое асуджаны атрымаў з пачатку жніўня бягучага году ад адміністрацыі калёніі №9 (г. Горкі). Імаверна, зараз будзе вынесенае чарговае.

Часовы выканаўца абавязкаў начальніка ІЧУ пры УУС Віцебскага аблвыканкаму маёр міліцыі С. В. Каўрыга ўтойвае інфармацыю пра месца знаходжаньня пункту па прыгатаваньні ежы адміністрацыйна арыштаваным.