Згодна са статыстычнымі дадзенымі, якія апублікаваў да Сусьветнага дня мужчын (4 лістапада) Мінстат, сярэдні ўзрост мужчын на Віцебшчыне сягае 38,6 гадоў. Гэта найвышэйшы паказьнік у Беларусі сярод рэгіёнаў. Самае маладое мужчынскае насельніцтва – у Менску. Сярэдні век мужчын-менчукоў складае 35,8 гадоў.

У Польшчы, ва Ўкраіне, Летуве шматлікія помнікі Леніну ўжо скінутыя з пастамэнтаў. Зрынутыя і забытыя. У Беларусі ж правадыр пралетарыяту працягвае весьці рэй у гарадзкой архітэктуры і тапаніміцы, пацьвярджаючы камуністычны лёзунг “жывейшы за ўсіх жывых”. Але ўявіце сабе, што заўтра вы прачняцеся, а пастамэнт на плошчы Леніна ў Віцебску пусты. Што адчуеце?..

Гэтыя гісторыі распавялі нам віцебскія маці, чые дзеці і мужы былі цягам некалькіх апошніх гадоў асуджаныя паводле артыкулу 328 КК РБ (незаконны абарот наркатычных рэчываў). Усе яны атрымалі па 10 і болей гадоў узмоцненага рэжыму, хоць ніякімі наркабаронамі не былі. Некаторыя зь іх былі затрыманыя і асуджаныя толькі таму, што апынуліся ня ў тым месцы ня ў той час…

Віцебскі гарадзкі аддзел Сьледчага камітэту цягам ужо больш двух месяцаў расьсьледуе крымінальную справу, распачатую ў дачыненьні да грамадзянскага актывіста Пятра Іванова паводле арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). У выпадку ўстанаўленьня віны актывісту пагражае да 5 гадоў пазбаўленьня волі.

Вычысьціць ад сьмецьця сажалку, пачысьціць прыбіральню, адрамантаваць ходнікі, давесьці да ладу сцэнічныя пляцоўкі і зрабіць атракцыёны для дзяцей – гэта тое, што трэба зрабіць, каб у Парку культуры і адпачынку чыгуначнікаў можна было адпачываць сапраўды культурна. Пэтыцыя з просьбай добраўпарадкаваць парк зьявілася нядаўна на інтэрнэт-пляцоўцы “Зручны горад”.

Пэнсіянэрка Антаніна Піванос меркавала зладзіць публічнае вышываньне ўкраінскай сымболікі і адначасна даць людзям праўдзівую інфармацыю пра падзеі ва Ўкраіне. Заявы аб правядзеньні пікетаваньняў дасылала ў адміністрацыі ўсіх трох раёнаў Віцебску, але адусюль атрымала адмовы.

Ці варта беларускім жанчынам забіваць мужчын і захопліваць старажытныя замкі дзеля таго, каб заявіць пра свае правы?.. Падчас літаратурнай імпрэзы з удзелам вядомых беларускіх і нарвэскіх аўтараў гаворка вялася ня толькі пра прыгожае пісьменства, але і пра беларускі сэксізм. Сустрэча прайшла ў віцебскай краме “Князь Вітаўт” 19 кастрычніка.

У заяве, накіраванай у Віцебскі аблвыканкам, упраўленьне КДБ па Віцебскай вобласьці і ўпраўленьне ўнутраных спраў, шэраг дэмакратычных арганізацыяў выказалі пратэст супраць актыўнай дзейнасьці прапагандыстаў “рускага сьвету” на тэрыторыі вобласьці.

Старшыня Віцебскай абласной арганізацыі партыі БНФ Канстанцін Смолікаў зьвярнуўся з скаргай да пракурора Віцебску Юрыя Раманоўскага. Скарга скіраваная супраць меркаванага будаўніцтва Палацу ўрачыстых абрадаў у зоне гісторыка-культурнай каштоўнасьці “Былы Ніжні замак гораду Віцебску”.

Акцыя “Талака салідарнасьці 328” мае на мэце падтрымаць несправядліва і жорстка асуджаных паводле артыкулу 328 КК (незаконны абарот наркатычных сродкаў). Імпрэза адбудзецца ў Менску 19 кастрычніка, але, каб узяць у ёй удзел, ехаць у сталіцу неабавязкова.