Улады Віцебскага рэгіёна 21 лістапада падвялі вынікі трыццацігадовай практыкі па рэалізацыі Закона Рэспублікі Беларусь "Аб правах дзіцяці". Цяпер пад дзеянне гэтага нарматыўнага правага акта трапляюць 2400 сірот і дзяцей, якія засталіся без апекі бацькоў. І гэта тэма заўсёды будзе актуальна. Бо толькі за першую палову гэтага года ў рэгіёне судамі першай інстанцыі пазбаўленні бацькоўскіх правоў 157 чалавек. Пра гэта пагаварылі чыноўнікі на круглым стале "Дабрабыт дзяцей - надзейная гарантыя паспяховага будучыні".

Праз петыцыю №5711 на інфармацыйнай платформе “Зручны горад” гарадскія актывісты збіраюць подпісы для звароту да ўладаў з прапановай абсталяваць у Віцебску некалькі месцаў для зімовага катання, якія б адпавядалі патрабаванням бяспечнага спуску з горак. Петыцыю пакуль падпісалі два дзясяткі гараджан, але збор подпісаў працягваецца.

Пра вакансіі на рынку працы раёна, запатрабаваных прафесіях і магчымасцях працаўладкавання расказала ў інтэрв'ю мясцовай раёнцы «Дзвінская праўда» намеснік начальніка ўпраўлення – начальнік аддзела занятасці насельніцтва і сацыяльна-працоўных адносін упраўлення па працы, занятасці і сацыяльнай абароне Верхнядзвінскага райвыканкама Таццяна Маскалёва.

Пра нетыповы выпадак распавяла газета «Витьбичи»: грамадзянка Латвіі праз аўкцыён набыла ў трох вёсках Браслаўскага раёну будынкі школы і дзіцячага садка. У адной з вёсак яна плануе жыць з сям“ёй, у іншых – наладзіць вытворчасць. Але нават карэспандэнту дзяржаўнай газеты яна не распавяла падрабянасцяў, бо «апасаецца пераследу». З якога боку – не ўдакладняецца, але карэспандэнт асобна падкрэслівае, што пакінуць Латвію сям“я вырашыла «праз стаўленне да рускамоўнух грамадзянаў, спіраль нянавісці да якіх раскручваецца палітычнай вярхушкай краіны».