Лютаўская рэвалюцыя ў Віцебску: дзьве тысячы пратэстоўцаў прайшлі па галоўнай вуліцы гораду
Дзень 26 лютага 2017 году віцебчукі запомняць надоўга. Абурэньне дэкрэтам №3 вывела на акцыю пратэсту вялікую колькасьць грамадзянаў. Такіх праяваў пратэставых настрояў у месьцічаў не было, бадай, з часоў перабудовы.
У Шаркоўшчынскім раёне адкрылі памятны знак у гонар габрэяў, масава расстраляных у гады Другой сусьветнай вайны
У аграгарадку Радзюкі (Шаркоўшчынскі раён) ушанавалі памяць мірных габрэяў, якія былі расстраляныя недалёка ад вёскі, на беразе ракі Гнілухі 18 чэрвеня 1942 года. У той дзень карныя атрады СС зьнішчылі больш за 500 чалавек. Менавіта ў памяць пра іх у аграгарадку адкрылі памятны знак.
Жыхары Новалукомля пратэстуюць супраць платнай рыбалкі
Перад будынкам гарвыканкаму адбыўся стыхійны мітынг, у якім узялі ўдзел каля 200 пратэстоўцаў, ня згодных штораз плаціць па 50 тысяч рублёў за магчымасьць лавіць рыбу ў Лукомскім возеры. Пра мітынг і сустрэчу са старшынём гарвыканкаму распавёў кіраўнік суполкі Свабоднага прафсаюзу Беларускага на Лукомскай ДРЭС Аляксей Габрыель.
У Віцебску прайшоў мітынг прыхільнікаў стварэньня аб’яднаньня «За сумленную ўладу» (дададзена відэа)
У мітынгу ў падтрымку кандыдата ў дэпутаты Віцебскага абласнога савету Віктара Жаркова, які адбыўся 20 сакавіка на заднім двары адной са школ абласнога цэнтру, узялі ўдзел зь дзясятак чалавек. Большасьць зь іх – гэта сябры ўтворанай месяц таму генэральнай рады па стварэньні міжнароднага грамадзкага аб’яднаньня «За сумленную ўладу» на чале са старшынём рады Пятром Івановым.
Віцебскія актывісты падалі заяўкі на акцыі салідарнасьці з доктарам Пастновым
Заяўку ў аблвыканкам на шэсьце і мітынг 28 верасьня падпісалі каардынатар руху “За свабоду” па Віцебскай вобласьці Хрыстафор Жаляпаў і сябар аргкамітэту па стварэньні сацыял-дэмакратычнай партыі “Народная Грамада” Аляксей Гаўруцікаў. Шэсьце арганізатары хацелі б распачаць з плошчы Свабоды і праз цэнтар гораду дайсьці да Парку культуры і адпачынку чыгуначнікаў ды правесьці там мітынг.
У Віцебску забароненыя ўсе 3 меркаваныя акцыі да ўгодкаў Чарнобыльскай трагедыі
Мясцовыя дэмакратычныя актывісты падавалі тры заяўкі на імпрэзы, прысьвечаныя памяці ахвяраў чарнобыльскай трагедыі — у трох раёнах гораду і ва ўсіх трох месцах, адмыслова вызначаных для масавых акцыяў раённымі адміністрацыямі. Мітынгі, прысьвечаныя памяці ахвяраў чарнобыльскай катастрофы, зьбіраліся арганізаваць кіраўнік абласной структуры руху «За свабоду» Хрыстафор Жаляпаў — у парку імя 30-годзьдзя ВЛКСМ, і кіраўнік абласной арганізацыі партыі БНФ Леанід Аўтухоў — у Парку культуры і адпачынку чыгуначнікаў. Нават пікет у загарадным парку культуры і адпачынку «Мазурына», які рыхтаваў сябра КХП БНФ Ян Дзяржаўцаў, апынуўся пад забаронай.
Улады забаранілі мітынг, прымеркаваны да ўгодкаў Чарнобыля
Намесьніца кіраўніка адміністрацыі Чыгуначнага раёну Віцебску Натальля Ляпёшкіна забараніла партыі БНФ правядзеньне мітынгу, прымеркаванага да 27-х угодкаў аварыі на Чарнобыльскай АЭС. Заяўку на правядзеньне мерапрыемства падаваў кіраўнік абласной партыйнай арганізацыі Леанід Аўтухоў.
У Віцебску ладзяцца мерапрыемствы ў памяць вязьняў фашызму
Міжнародны дзень вызваленьня вязьняў фашысцкіх канцлягераў усталяваны з ініцыятывы ЮНЭСКО ў памяць аб інтэрнацыянальным паўстаньні, якое 11 красавіка 1945 году паднялі вязьні Бухенвальду. Адна з самых трагічных старонак Другой сусьветнай вайны - непаўнагадовыя вязьні. Дзеці станавіліся закладнікамі, донарамі, біялягічнай сыравінай для злачынных экспэрымэнтаў… «Калі 20 гадоў таму была створаная абласная арганізацыя Беларускай грамадзкай асацыяцыі былых непаўналетніх вязьняў фашызму, на ўліку ў райвыканкамах іх было 25 тысяч, на пачатак 2013 году засталося 7400», - паведаміў нязьменны старшыня арганізацыі Хведар Ціханаў.
У Віцебску затрыманыя актывісты партыі БНФ
У Віцебску затрыманыя сябры партыі БНФ — цяперашні старшыня абласной арганізацыі Леанід Аўтухоў і былы кіраўнік гэтай структуры Кастусь Смолікаў. У гандлёвым цэнтры «Эвіком» яны раздавалі ўлёткі з запрашэньнем на мітынг 25 сакавіка. Цяпер актывісты знаходзяцца ў ізалятары часовага ўтрыманьня, суд над імі адбудзецца 25 сакавіка.
Мітынг у Дзень Волі адбудзецца. Не пазіраючы ні на што!
Старшыня Віцебскай абласной арганізацыі Партыі БНФ Леанід Аўтухоў 6 сакавіка падаў заяўку на правядзеньне мітынгу ва ўшанаваньне 95-х угодкаў абвяшчэньня Беларускай Народнай Рэспублікі. Паводле яго слоў, мітынг плянуецца правесьці 25 сакавіка з 17:30 да 18:30 на віцебскім стадыёне «Лякаматыў». Аўтухоў таксама напісаў скаргі ў пракуратуру і Віцебскі аблвыканкам на адмову прадстаўнікоў хуткай дапамогі і міліцыі заключыць дамовы на забесmпячэньне суправаджэньня масавага мерапрыемства.