Таму асноўная яе задача - сацыяльная абарона сябраў. Наладжваюцца сувязі з раённымі тэрытарыяльнымі цэнтрамі сацыяльнага абслугоўваньня. У міжнародным конкурсе праектаў па сацыяльнай абароне былых вязьняў фашызму, абвешчаным нямецкім фондам «Памяць, адказнасьць і будучыня», удзельнічае і праект арганізацыі. «Калі праект будзе ўхвалены, на сродкі, што выдзяляюцца Нямеччынай, зможам дапамагаць у набыцьці дапаможных мэдычных сродкаў, іншых патрэбах. Будзе магчымасьць падключыць да валянтэрскай працы 70 студэнтаў ВДУ імя П. Машэрава і Віцебскага мэдунівэрсытэту. Шукаем фундатараў і па вобласьці», - паведаміў Хведар Пятровіч.

А галоўным у грамадзкай дзейнасьці арганізацыі зьяўляецца патрыятычнае выхаваньне падрастаючага пакаленьня. Зь яе ініцыятывы штогод у Дзень вызваленьня вязьняў ладзіцца мітынг-рэквіем каля помніку пры канцы вул. Цітова, дзе падчас вайны знаходзіўся лягер пярэдняга краю нямецкай абароны («5-й полк»). Сябры арганізацыі выступаюць перад школьнікамі цягам усяго навучальнага году.

Крыніца: Народнае слова