Судзяць экс-кіраўніка Браслаўскага райвыканкаму – ён адмовіўся ад яўкі з павіннай
У панядзелак 2 сьнежня ў Віцебскім абласным судзе пачаўся разгляд крымінальнай справы, распачатай супраць экс-старшыні Браслаўскага райвыканкаму Уладзімера Дранеўскага і ягонай жонкі Алены. Дранеўскі абвінавачваецца па сямі артыкулах Крымінальнага кодэксу, Алена Дранеўская – па чатырох. Старшынюе на працэсе судзьдзя Ігар Макарэвіч.
Былы намесьнік старшыні Браслаўскага райвыканкаму асуджаны на 3,3 гады – з адтэрміноўкай
Суд Глыбоцкага раёну скончыў разгляд крымінальнай справы, распачатай супраць былога намесьніка старшыні Браслаўскага райвыканкаму. Чыноўнік прызнаны вінаватым у перавышэньні службовых паўнамоцтваў і прысуджаны да 3-х гадоў і 3-х месяцаў пазбаўленьня волі. Але – з адтэрміноўкай выкананьня пакараньня…
Мінкульт патрабуе прыняць меры па факце ўстаноўкі каменя з гербом Расейскай імпэрыі ў Відзах
Міністэрства культуры накіравала лісты ў Браслаўскі райвыканкам і Віцебскі аблвыканкам з патрабаваньнем прыняць меры па факце незаконнага ўсталяваньня ў Відзах Браслаўскага раёну памятнага каменя з гербом Расейскай імпэрыі. Пра гэта паведамляецца ў адказе міністэрства на пэтыцыю з просьбай дэмантаваць памятны знак з гербом іншай дзяржавы.
Пачаўся збор подпісаў за дэмантаж каменю з гербом Расейскай імпэрыі ў Відзах
На пляцоўцы “Зручны горад” зьявілася пэтыцыя з патрабаваньнем дэмантаваць камень з гербом Расейскай імпэрыі, які быў усталяваны сёлета ў цэнтры мястэчка Відзы Браслаўскага раёну. Устаноўку памятнага каменю ў гонар заснаваньня ў Відзах у 1803 годзе павятовага вучылішча ініцыявала кіраўніцтва мясцовага прафэсійна-тэхнічнага каледжу.
Фотафакт: герб Расейскай імпэрыі – у цэнтры Відзаў на Браслаўшчыне
У цэнтры мястэчка Відзы ў Браслаўскім раёне ўсталяваны памятны камень у гонар заснаваньня ў 1803 годзе Відзаўскага павятовага вучылішча. Камень “вянчае” герб Расейскай імпэрыі, бо вучэльня нібыта была заснаваная “па ўказу цара Аляксандра I”.
Ілжэміліцыянта з Браслаўшчыны аштрафавалі на 178 рублёў
Суд Браслаўскага раёну разгледзеў справу аб адміністрацыйным правапарушэньні жыхара вёскі Рубеж, на якога быў складзены пратакол за незаконнае нашэньне міліцэйскай формы. Суд аштрафаваў вяскоўца на 7 базавых велічынь, паведамляе прэс-служба Вярхоўнага суду Рэспублікі Беларусь.
Жыхары Браслава прапанавалі ўвесьці ў рэгіёне “бязьвіз” для замежнікаў
Браслаўчане прапануюць зрабіць бязьвізавы рэжым для турыстаў з ЭЗ, якія едуць адпачыць на Браслаўскія азёры. Гэта мусіць падвысіць прыток валюты ў рэгіён і стаць моцным стымулам для разьвіцьця турызму, гаворыцца ў электронным звароце, апублікаваным на пляцоўцы “Зручны горад”.
КПЧ ААН зарэгістраваў звароты аб парушэньні дзяржавай правоў Зьмітра Лупача і Тацяны Смоткінай
Камітэт па правах чалавека ААН прыняў да разгляду паведамленьні аб парушэньні дзяржавай правоў на свабоднае выказваньне свайго меркаваньня ў дачыненьні фрылянсэраў Зьмітра Лупача і Тацяны Смоткінай. Пра гэта паведаміў аўтар зваротаў у КПЧ ААН віцебскі праваабаронца Павал Левінаў. Ліст з Камітэту ён атрымаў 10 сьнежня – у Дзень правоў чалавека.
Браслаўскія памежнікі стралялі па колах аўто, на якім перавозіліся нелегалы
Каб затрымаць кіроўцу, які даставіў групу нелегалаў з азіяцкага рэгіёну да беларуска-летувіскай мяжы ў Браслаўскім раёне, памежнікам давялося адкрыць агонь са зброі. Пра інцыдэнт, які адбыўся ў верасьні, распавяла газэта «Браслаўская звязда» са спасылкай на афіцыйнага прадстаўніка Полацкага памежнага атраду Аляксандра Лукшу.
Толькі чатыры з 23-х сайтаў выканкамаў на Віцебшчыне маюць беларускамоўныя вэрсіі
Толькі чатыры з 23-х афіцыйных сайтаў райвыканкамаў на Віцебшчыне маюць беларускамоўную вэрсію. Атрымаць інфармацыю па-беларуску можна на сайтах Віцебскага, Полацкага, Глыбоцкага і Лёзьненскага райвыканкамаў. На ўсіх астатніх яна падаецца толькі на расейскай і ангельскай мовах. Распрацоўшчык гэтых рэсурсаў – кампанія БелТА.