“Заўвагі не адпавядаюць...» На сайце гарвыканкама размясцілі вынікі абмеркавання ўстаноўкі флагштока ў Віцебску
Ніводнае з пяці пісьмова выкладзеных меркаванняў, што да стварэння ў Віцебску адмысловай плошчы для ўсталявання флагштока, не было прызнана слушным. Нават лексічную памылку ў назве «Плошча флага і герба», на якую ўказалі ўдзельнікі абмеркавання, аўтары праекта не прызналі – адказалі, што назва плошчы «прадстаўлена як перспектыўная прапанова», і што канчатковы варыянт будзе зацвярджацца гарвыканкамам.
За «амаралку» у Лепелі знялі суддзю, які выносіў палітычныя прысуды і пастановы
Указам ад 20 красавіка кіраўнік беларускай дзяржавы вызваліў ад пасады суддзі суда Лепельскага раёна Дзмітрыя Васюка ў сувязі са здзяйсненнем ім правіннасці, несумяшчальнай са знаходжаннем на дзяржаўнай грамадзянскай службе.
На Мёршчыне аб'ядноўваюць дзве сяльгасгаспадаркі з-за складанасцяў існавання
Гэта сельскія гаспадаркі ААТ "Туркава" і ААТ "Дрыгучы". Пра гэта паведаміў сайт мясцовай раёнкі mijory.by.
Улады буйна аштрафавалі жыхара Ушач
Суддзя суда Ушацкага раёна Вольга Лаюшка 4 красавіка за распаўсюд «экстрэмісцкіх» публікацый у сацыяльнай сетцы аштрафавала на 1200 рублёў Антона Дэрбасава.
У Верхнядзвінску ўлады ўзяліся за патрыятычнае выхаванне жыхароў раёна
На пасяджэнні Верхнядзвінскага райвыканкама разгледжана пытанне аб выкананні Праграмы патрыятычнага выхавання насельніцтва Рэспублікі Беларусь на 2022-2025 гады на тэрыторыі раёна. Піша раённая газета “Дзвінская праўда”.
У праваабаронцы Алеся Бяляцкага ў зняволенні пагаршаецца стан здароўя
61-гадовы беларускі палітзняволены лаўрэат Нобелеўскай прэміі міру Алесь Бяляцкі ўтрымліваецца за кратамі ўжо 1000 дзён. Жонка палітвязня Наталля Пінчук распавяла Associated Press, што апошнія паўгода Бяляцкі знаходзіцца ў адзіночнай камеры, нягледзячы на свае хранічныя захворванні.
У Докшыцкім раёне праходзіць комплекснае вучэнне. Там гучыць сірэна-сігнал «Увага ўсім!»
Сігнал "Увага ўсім!" выкарыстоўваецца для абвесткі ў выпадку надзвычайнай сітуацыі, якая патрабуе якіх-небудзь дзеянняў з боку жыхароў. Спосабам абвесткі можа быць тэлефон, тэлевізар, радыё, спецаўтамабіль са спецыяльнай гукавой прыладай, сірэны, FM-прымачы ў транспарце.
Віцябляніна Дзмітрыя Палякова, асуджанага за абразу супрацоўнікаў міліцыі, МУС уключыла ў «экстрэмісцкі спіс»
16 красавіка Віцебскі абласны суд разбіраў яго апеляцыйную скаргу. Вынік не вядомы, але, паводле «Пераліку грамадзян Беларусі, замежных грамадзян або асобаў без грамадзянства, датычных да экстрэмісцкай дзейнасці», Дзмітрый Палякоў ужо адбывае пакаранне.
Жыхара Лужасна асудзілі да 1 года і 1 месяца калоніі за абразу Лукашэнкі
Абразай суд Віцебскага раёна палічыў рэпост у «Одноклассниках» карцінкі з выявай Лукашэнкі і выказваннямі, якія былі расцэнены як «негатыўныя». Паводле прысуду суддзі Міхаіла Зубені, жыхар вёскі Лужасна Сяргей Мельнікаў «публічна, у непрыстойнай форме абразіў прэзідэнта». Суд адбыўся 28 сакавіка, рэпост, за які асудзілі мужчыну, быў зроблены 19 чэрвеня 2023г. Цяпер ён мусіць кампенсаваць выдаткі за паслугі абаронцы ў суме 44 рублі, а таксама суд пастанаваў канфіскаваць у Мельнікава мабільны тэлефон і пакінуць пад арыштам сістэмны блок кампутара, забраны падчас ператруса ў жытле асуджанага.
Навошта столькі ўвагі надаецца інфармацыі пра «нарказалежнага экстрэміста з арсеналам зброі»
Гэтую навіну са спасылкай або на тэлеграм-канал МУС, або на БЕЛТА перадрукавала абсалютная большасць дзяржаўных СМІ Віцебскай вобласці. Прычым у варыянце публікацыі яе з БЕЛТА навіна захоўвае аб'ектыўны падыход: паведамленне ў газеце «Лепельскі край» называецца «Задержали наркозависимого с большим арсеналом оружия». Іншыя мясцовыя інтэрнэт-выданні падкрэслілі, што гэта быў «экстрэміст», які «пісаў паведамленні ў дэструктыўныя Тэлеграм-каналы». Навошта гэта зроблена?